Псалтир на црквенословенском језику – савремени србски изговор

Давида пророка и царја пјесан – цео Псалтир на црквенословенском, подељен на катизме, са савременим српским словима

СРБСКА ПРАВОСЛАВНА ЗАЈЕДНИЦА ШИД
Давида пророка и царја пјесан
ПСАЛТИР НА ЦРКВЕНОСЛОВЕНСКОМ ЈЕЗИКУ – САВРЕМЕНИ СРБСКИ ИЗГОВОР
Приредио за штампу: Мирко И. Нанић
Шид, 2010.
Са благословом његовог преосвештенства Епископа сремског господина Василија
Издаје: Србска Православна Заједница Шид
Рецензент: Архимандрит Доситеј (Миљков)

Помени Господе у Царству Твоме, уснуле слуге Твоје, Ирину, Марију, Ђуру, Стевана, Јелену, Божицу, Милију, Лазара, Саву, монахињу Недељу и патријарха Србског Павла, и подари им да се наслађују неисказаном лепотом Дома Твога, који си припремио за све оне који Те љубе.

Преузмите као PDF

КАТИЗМА 1.

Псалом 1.

1. Блажен муж, иже не иде на совјет нечестивих, и на пути грјешних не ста, и на сједалишчи губитељеј не сједе:
2. Но в закоње Господњи воља јего, и в закоње Јего поучитсја ден и ношч.
3. И будет јако древо насажденоје при исходишчих вод, јеже плод свој даст во времја своје, и лист јего не отпадет: и всја јелика ашче творит, успјејет.
4. Не тако нечестивији, не тако: но јако прах, јегоже возметајет вјетар от лица земљи.
5. Сего ради не воскреснут нечестивији на суд, ниже грјешници в совјет праведних.
6. Јако вјест Господ пут праведних, и пут нечестивих погибнет.

Псалом 2.

1. Вскују шаташасја јазици, и људије поучишасја тшчетним.
2. Предсташа царији земстији, и књази собрашасја вкупје на Господа и на Христа Јего.
3. Расторгнем узи их, и отвержем от нас иго их.
4. Живиј на Небесјех посмјејетсја им, и Господ поругајетсја им.
5. Тогда возглагољет к њим гњевом својим, и јаростију својеју смјатет ја.
6. Аз же постављен јесам цар от Њего над Сионом, гороју свјатоју Јего.
7. Возвјешчавај повељеније Господње, Господ рече ко Мње: Син Мој јеси Ти, Аз днес родих Тја.
8. Проси от Мене, и дам ти јазики достојаније твоје, и одержаније твоје конци Земљи.
9. Упасеши ја жезлом жељезним, јако сосуди скудељничи сокрушиши ја.
10. И ниње царије разумјејте, накажитесја вси судјашчији земљи.
11. Работајте Господеви со страхом, и радујтесја Јему с трепетом.
12. Примите наказаније, да не когда прогњевајетсја Господ, и погибнете от пути праведнаго, јегда возгоритсја вскорје јарост Јего, блажени вси надјејушчијисја нањ.

Псалом 3.

1. Господи, что сја умножиша стужајушчији ми, мнози востајут на мја.
2. Мнози глагољут души мојеј: њест спасенија јему в Бозје јего.
3. Ти же Господи заступник мој јеси, слава моја, и возносјај главу моју.
4. Гласом мојим ко Господу возвах, и услиша мја от гори свјатија својеја.
5. Аз уснух, и спах, востах, јако Господ заступит мја.
6. Не убојусја от тем људеј, окрест нападајушчих на мја.
7. Воскресни Господи, спаси мја Боже мој, јако Ти поразил јеси всја враждујушчија ми всује, зуби грјешников сокрушил јеси.
8. Господње јест спасеније, и на људех Твојих благословеније Твоје. Слава:

Псалом 4.

1. Внегда, призвати ми, услиша мја Бог правди мојеја, в скорби распространил мја јеси, ушчедри мја, и услиши молитву моју.
2. Синове человјечестији, докоље тјажкосердији; вскују љубите сујету, и ишчете лажи;
3. И увједите, јако удиви Господ преподобнаго својего, Господ услишит мја, внегда возвати ми к Њему.
4. Гњевајтесја, и не согрјешајте, јаже глагољете в сердцах ваших, на ложах ваших умилитесја.
5. Пожрите жертву правди, и уповајте на Господа.
6. Мнози глагољут: кто јавит нам благаја: знаменасја на нас свјет лица Твојего, Господи.
7. Дал јеси веселије в сердцје мојем: от плода пшеници, вина и јелеја својего умножишасја.
8. В мирје вкупје усну и почију, јако Ти Господи јединаго на упованије вселил мја јеси.

Псалом 5.

1. Глаголи моја внуши Господи, разумјеј званије моје.
2. Вонми гласу мољенија мојего, Царју мој и Боже мој, јако к Тебје помољусја Господи.
3. Зајутра услиши глас мој: зајутра предстану Ти, и узриши мја.
4. Јако Бог не хотјај безаконија, Ти јеси: не приселитсја к Тебје лукавнујај.
5. Ниже пребудет безаконици пред очима Твојима: возненавидјел јеси всја дјелајушчија безаконије.
6. Погубиши всја глагољушчија лажу: мужа кровеј и лестива гнушајетсја Господ.
7. Аз же множеством милости Твојеја, вниду в дом Твој, поклоњусја ко храму свјатому Твојему, во страсје Твојем.
8. Господи, настави мја правдоју Твојеју, враг мојих ради исправи пред Тобоју пут мој.
9. Јако њест во устјех их истини, сердце их сујетно, гроб отверст гортан их, јазики својими лашчаху.
10. Суди им Боже, да отпадут от мислеј својих, по множеству нечестија их изрини ја, јако преогорчиша Тја Господи.
11. И да возвесељатсја вси уповајушчији на Тја, во вјек возрадујутсја: и вселишисја в њих, и похваљатсја о Тебје љубјашчији имја Твоје.
12. Јако Ти благословиши праведника Господи, јако оружијем благовољенија вјенчал јеси нас.

Псалом 6.

1. Господи, да не јаростију Твојеју обличиши мене, ниже гњевом Твојим накажеши мене.
2. Помилуј мја Господи, јако немошчен јесам: исцјели мја Господи, јако смјатошасја кости моја.
3. И душа моја смјатесја зјело, и Ти Господи, докоље.
4. Обратисја Господи, избави душу моју: спаси мја ради милости Твојеја.
5. Јако њест в смерти поминајај Тебе, во адје же кто исповјестсја Тебје;
6. Утрудихсја воздиханијем мојим, измију на всјаку ношч ложе моје, слезами мојими постељу моју омочу.
7. Смјатесја от јарости око моје, обетшах во всјех вразјех мојих.
8. Отступите от мене вси дјелајушчији безаконије, јако услуша Господ глас плача мојего:
9. Услиша Господ мољеније моје, Господ молитву моју пријат.
10. Да постидјатсја и смјатутсја вси врази моји, да возвратјатсја, и устидјатсја зјело вскорје. Слава:

Псалом 7.

1. Господи Боже мој, на Тја уповах, спаси мја от всјех гоњашчих мја, и избави мја.
2. Да не когда похитит јако лев душу моју, не сушчу избављајушчу, ниже спасајушчу.
3. Господи Боже мој, ашче сотворих сије, ашче јест неправда на руку мојеју:
4. Ашче воздах воздајушчим ми зла, да отпаду убо от враг мојих тошч.
5. Да поженет убо враг душу моју, и да постигнет, и поперет в земљу живот мој, и славу моју в перст вселит.
6. Воскресни Господи гњевом Твојим, вознесисја в концах враг Твојих, и востани Господи Боже мој повељенијем, имже заповједал јеси.
7. И сонм људеј обидет Тја: и о том на висоту обратисја.
8. Господ судит људем: суди ми Господи по правдје мојеј, и по незлобје мојеј на мја.
9. Да скончајетсја злоба грјешних, и исправиши праведнаго, испитајај сердца и утроби Боже праведно.
10. Помошч моја от Бога, спасајушчаго правија сердцем.
11. Бог судитељ праведен, и крјепок, и долготерпјељив, и не гњев наводјај на всјак ден.
12. Ашче не обратитесја, оружије своје очистити, лук свој напрјаже, и уготова их:
13. И в њем уготова сосуди смертнија, стрјели своја сгарајемим содјела.
14. Се боље неправдоју, зачат бољезан, и роди безаконије.
15. Ров изри, и ископа их, и падет в јаму, јуже содјела.
16. Обратитсја бољезан јего на главу јего, и на верх јего неправда јего снидет.
17. Исповемсја Господеви по правдје Јего, и поју имени Господа Вишњаго.

Псалом 8.

1. Господи Господ наш, јако чудно имја Твоје по всеј земљи, јако взатсја великољепије Твоје превише небес.
2. Из уст младенец и сушчих совершил јеси хвалу, враг Твојих ради, јеже разрушити врага и местника.
3. Јако узрју небеса, дјела перст Твојих, луну и звјезди, јако Ти основал јеси.
4. Что јест человјек, јако помниши јего, или син человјеч, јако посјешчајеши јего;
5. Умалил јеси јего малим чим от ангел, славоју и честију вјенчал јеси јего:
6. И поставил јеси јего над дјели руку Твојеју, всја покорил јеси под нозје јего:
7. Овци и воли всја, јешче же и скоти пољскија:
8. Птици небеснија, и риби морскија, преходјашчија стези морскија.
9. Господи Господ наш, јако чудно имја Твоје по всеј земљи. Слава:

КАТИЗМА 2.

Псалом 9.

1. Исповјемсја Тебје Господи всјем сердцем мојим, повјем всја чудеса Твоја.
2. Возвесељусја и возрадујусја о Тебје, поју имени Твојему, Вишњиј.
3. Внегда возвратитисја врагу мојему вспјат, изнемогут, и погибнут от лица Твојего.
4. Јако сотворил јеси суд мој, и прју моју: сјел јеси на престоље, судјај правду.
5. Запретил јеси јазиком, и погибе нечестивиј, имја јего потребил јеси во вјек, и во вјек вјека.
6. Врагу оскудјеша оружија в конец, и гради разрушил јеси, погибе памјат јего с шумом.
7. И Господ во вјек пребивајет, уготова на суд престол свој.
8. И Тој судити имат всељењеј в правду, судити имат људем в правотје.
9. И бист Господ прибјежишче убогом, помошчник во благовременијих в скорбех.
10. И да уповајут на Тја знајушчији имја Твоје, јако не оставил јеси взискајушчих Тја Господи.
11. Појте Господеви, живушчему в Сиоње: возвјестите во јазицјех начинанија Јего:
12. Јако взискајај крови их помјану, не заби званија убогих.
13. Помилуј мја Госполи, вижд смиреније моје от враг мојих, возносјај мја от врат смертних.
14. Јако да возвјешчу всја хвали Твоја во вратјех дшчере Сиони: возрадујемсја о спасенији Твојем.
15. Угљебоша јазици в пагубје, јуже сотвориша: в сјети сеј, јуже скриша, увјазе нога их.
16. Знајем јест Господ судби творјај, в дјељех руку својеју увјазе грјешник.
17. Да возвратјатсја грјешници во ад: вси јазици забивајушчији Бога.
18. Јако не до конца забвен будет нишчиј, терпјеније убогих не погибнет до конца.
19. Воскресни Господи, да не крјепитсја человјек, да судјатсја јазици пред Тобоју.
20. Постави Господи законоположитеља над њими, да разумјејут јазици, јако человјеци сут.
21. Вскују Господи отстоја далече, презирајеши во благовременијих в скорбех;
22. Внегда гордитисја нечестивому, возгарајетсја нишчији: увјазајут в совјетјех, јаже помишљајут.
23. Јако хвалим јест грјешниј в похотех души својеја, и обидјај благословим јест.
24. Раздражи Господа грјешниј, по множеству гњева својего не взишчет: њест Бога пред њим.
25. Оскверњајутсја путије јего на всјакоје времја: отемљутсја судби Твоја от лица јего, всјеми враги својими обладајет.
26. Рече бо в сердцје својем: не подвижусја от рода в род без зла.
27. Јегоже кљатви уста јего полна сут, и горести и лести: под јазиком јего труд и бољезан.
28. Присједит в ловитељствје с богатими в тајних, јеже убити неповинаго: очи јего на нишчаго призирајетје.
29. Ловит в тајње, јако лев во оградје својеј: ловит, јеже восхитити нишчаго, восхитити нишчаго внегда привлешчи их.
30. В сјети својеј смирит јего: преклонитсја и падет, внегда јему обладати убогими.
31. Рече бо в сердцје својем: заби Бог, отврати лице своје, да не видит до конца.
32. Воскресни Господи Боже мој, да вознесетсја рука Твоја, не забуди убогих Твојих до конца.
33. Чесо ради прогњева нечестивиј Бога; рече бо в сердцје својем: не взишчет.
34. Видиши, јако Ти бољезан и јарост смотрајеши, да предат будет в руцје Твоји: Тебје остављен јест нишчиј, сиру Ти буди помошчник.
35. Сокруши мишцу грјешному и лукавому: взишчетсја грјех јего, и не обрјашчетсја.
36. Господ Цар во вјек и во вјек вјека: погибнете јазици от земљи Јего.
37. Желаније убогих услишал јеси Господи, уготованије сердца их вњат ухо Твоје.
38. Суди сиру и смирену, да не приложит ктому величатисја человјек на земљи.

Псалом 10.

1. На Господа уповах, како речет души мојеј: превитај по горам јако птица;
2. Јако се грјешници наљакоша лук, уготоваша стрјели в туље, сострељати во мрацје правија сердцем.
3. Зане јаже ти совершил јеси, они разрушиша: праведник же что сотвори; Господ во храмје свјатјем својем.
4. Господ, на небеси престол Јего: очи Јего на нишчаго призирајетје, вјежди Јего испитајет сини человјеческија.
5. Господ испитајет праведнаго и нечестиваго: љубјај же неправду, ненавидит своју душу.
6. Одождит на грјешники сјети, огањ и жупел, и дух бурен, част чаши их.
7. Јако праведен Господ, и правди возљуби, правоти видје лице Јего. Слава:

Псалом 11.

1. Спаси мја Господи, јако оскудје преподобниј, јако умалишасја истини от синов человјеческих.
2. Сујетнаја глагоља кијждо ко искренему својему: устње лестивија в сердцје, и в сердцје глагољаша злаја.
3. Потребит Господ всја устни лестивија, јазик велерјечивиј,
4. Рекшија: јазик наш возвеличим, устни нашја при нас сут: кто нам Господ јест;
5. Страсти ради нишчих, и воздиханија убогих, ниње воскресну, глагољет Господ: положусја во спасеније, не обињусја о њем.
6. Словеса Господња, словеса чиста, сребро разжежено, искушено земљи, очишчено седмерицеју.
7. Ти Господи сохраниши ни, и собљудеши ни от рода сего и во вјек.
8. Окрест нечестивији ходјат: по висотје Твојеј умножил јеси сини человјеческија.

Псалом 12.

1. Докоље Господи забудеши мја до конца; докоље отврашчајеши лице Твоје от мене;
2. Докоље положу совјети в души мојеј, бољезни в сердцје мојем ден и ношч; докоље вознесетсја враг мој на мја;
3. Призри, услиши мја Господи Боже мој, просвјети очи моји, да не когда усну в смерт.
4. Да не когда речет враг мој: укрјепихсја на њего.
5. Стужајушчији ми возрадујутсја, ашче подвижусја.
6. Аз же на милост Твоју уповах: возрадујутсја сердце моје о спасенији Твојем: воспоју Господеви благодјејавшему мње, и поју имени Господа Вишњаго.

Псалом 13.

1. Рече безумен в сердцје својем: њест Бог. Растљеша и омерзишасја в начинанијих: њест творјај благостињу.
2. Господ с небесе приниче на сини человјеческија, видјети, ашче јест разумјевајај, или взискајај Бога.
3. Вси уклонишасја, вкупје некључими биша: њест творјај благостињу, њест до јединаго.
4. Ни ли уразумјејут вси дјелајушчији безаконије, снједајушчији људи моја в снјед хљеба; Господа не призваша:
5. Тамо убојашасја страха, идјеже не бје страх, јако Господ в родје праведних.
6. Совјет нишчаго посрамисте, Господ же упованије јего јест.
7. Кто даст от Сиона спасеније Израиљево.
8. Внегда возвратити Господ пљененије људеј својих, возрадујетсја Јаков, и возвеселитсја Израиљ. Слава:

Псалом 14.

1. Господи, кто обитајет в жилишчи Твојем; или кто вселитсја во свјатују гору Твоју;
2. Ходјај непорочен, и дјелајај правду, глагољај истину в сердцје својем:
3. Иже не улести јазиком својим, и не сотвори искрснему својему зла, и поношенија не пријат на ближњија своја.
4. Уничижен јест пред њим лукавнујај, бојашчијажесја Господа славит; кленијсја искренему својему, и не отметајасја.
5. Сребра својего не даде в лихву, и мазди на неповининих не пријат: творјај сија не подвижитсја во вјек.

Псалом 15.

1. Сохрани мја Господи, јако на Тја уповах.
2. Рјех Господеви: Господ мој јеси Ти, јако благих мојих не требујеши.
3. Свјатим иже сут на земљи Јего, удиви Господ всја хотјенија своја в њих.
4. Умножишасја немошчи их, по сих ускориша, не соберу собори их от кровеј, ни помјану  же имен их устнама мојима.
5. Господ част достојанија мојего, и чаши мојеја: Ти јеси устројајај достојаније моје мње.
6. Ужја нападоша ми в державних мојих: ибо достојаније моје державно јест мње.
7. Благословљу Господа вразумившаго мја: јешче же и до ношчи наказаша мја утроби моја.
8. Предзрјех Господа предомноју вину, јако одеснују мене јест, да не подвижусја.
9. Сего ради возвеселисја сердце моје, и возрадовасја јазик мој: јешче же и плот моја вселитсја на упованији.
10. Јако не оставиши душу моју во адје, ниже даси преподобному Твојему видјети истљенија.
11. Сказал ми јеси пути живота: исполниши мја веселија с лицем Твојим: красота в десницје Твојеј в конец.

Псалом 16.

1. Услиши Господи правду моју, вонми мољенију мојему, внуши молитву моју не во устнах лестивих.
2. От лица Твојего судба моја изидет: очи моји да видита правоти.
3. Искусил јеси сердце моје, посјетил јеси ношчију: искусил мја јеси, и не обрјетесја во мње неправда.
4. Јако да не возглагољут уста моја дјел человјеческих, за словеса устен Твојих аз сохраних пути жестоки.
5. Соверши стопи моја во стезјах Твојих, да не подвижутсја стопи моја.
6. Аз возвах, јако услишал мја јеси Боже: приклони ухо Твоје мње, и услиши глаголи моја.
7. Удиви милости Твоја, спасајај уповајушчија на Тја, от противјашчихсја десницје Твојеј:
8. Сохрани мја Господи јако зјеницу ока: в кровје крилу Твојеју покријеши мја.
9. От лица нечестивих острастших мја. Врази моји душу моју одержаша,
10. Тук свој затвориша: уста их глагољаша гордињу.
11. Изгоњашчији мја ниње обидоша мја, очи своји возложиша уклонити на земљу.
12. Објаша мја јако лев готов на лов, и јако скимен, обитајај в тајних.
13. Воскресни Господи, предвари ја, и запни им: избави душу моју от нечестиваго, оружије Твоје, от враг руки Твојеја.
14. Господи, от малих от земљи раздјели ја в животје их, и сокровенијих Твојих исполнисја чрево их: наситишасја синов, и оставиша останки младенцем својим.
15. Аз же правдоју јављусја лицу Твојему, насишчусја, внегда јавитимисја славје Твојеј. Слава:

КАТИЗМА 3.

Псалом 17.

1. Возљубљу Тја Господи, крјепосте моја:
2. Господ утвержденије моје, и прибјежишче моје, и избавитељ мој, Бог мој, помошчник мој, и уповају на Њего: зашчититељ мој, и рог спасенија мојего, и заступник мој.
3. Хваља призову Господа, и от враг мојих спасусја.
4. Одержаша мја бољезни смертнија, и потоци безаконија смјатоша мја:
5. Бољезни адови обидоша мја, предвариша мја сјети смертнија.
6. И внегда скорбјети ми, призвах Господа, и к Богу мојему возвах: услиша от храма свјатаго својего глас мој, и вопл мој пред Њим внидет во уши Јего.
7. И подвижесја, и трепетна бист земља, и основанија гора смјатошасја, и подвигошасја, јако прогњевасја на мја Бог.
8. Взиде дим гњевом Јего, и огањ от лица Јего воспламенитсја, угљије возгорјесја от Њего.
9. И приклони небеса, и сниде: и мрак под ногама Јего.
10. И взиде на херувими, и летје, летје на крилу вјетрењу.
11. И положи таму закров свој, окрест Јего сељеније Јего, темна вода во облацјех воздушних.
12. От облистанија пре Њим облаци проидоша, град и угљије огњеноје.
13. И возгремје с небесе Господ, и Вишњиј даде глас свој.
14. Ниспосла стрјели, и разгна ја, и молнији умножи, и смјате ја.
15. И јавишасја источници водни и откришасја основанија всељенија от запрешченија Твојего Господи, от дохновенија Духа гњева Твојего.
16. Ниспосла с висоти, и пријат мја, воспријат мја от вода многих.
17. Избавит мја от врагов мојих силних, и от ненавидјашчих мја: јако утвердишасја паче мене.
18. Предвариша мја в ден озлобљенија мојего: И бист Господ утвержденије моје.
19. И изведе мја на широту: избавит мја, јако восхотје мја.
20. И воздаст ми Господ по правдје мојеј, и по чистотје руку мојеју воздаст ми:
21. Јако сохраних пути Господњи, и не нечествовах от Бога мојего.
22. Јако всја судби Јего предмноју, и оправданија Јего не отступиша от мене.
23. И буду непорочен с Њим, и сохрањусја от безаконија мојего.
24. И воздаст ми Господ по правдје мојеј, и по чистотје руку мојеју, пред очима Јего.
25. С преподобним преподобен будеши, и с мужем неповиним неповинен будеши.
26. И со избраним избран будеши, и со строптивим развратишисја.
27. Јако Ти људи смиренија спасеши, и очи гордих смириши.
28. Јако Ти просвјетиши свјетилник мој Господи: Боже мој, просвјетиши таму моју.
29. Јако Тобоју избављусја от искушенија, и Богом мојим прејду стјену.
30. Бог мој, непорочен пут Јего: словоса Господња разжежена: зашчититељ јест всјех уповајушчих на Њего.
31. Јако кто Бог, развје Господа; или кто Бог, развје Бога нашего;
32. Бог препојасујај мја силоју, и положи непорочен пут мој.
33. Совершајај нозје моји јако јелени, и на високих постављајај мја.
34. Научајај руцје моји на бран, и положил јеси лук мједјан мишца моја.
35. И дал ми јеси зашчишченије спасенија, и десница Твоја воспријат мја: и наказаније Твоје исправит мја в конец, и наказаније Твоје то мја научит.
36. Уширил јеси стопи моја подомноју, и не изнемогостје плесње моји.
37. Пожену враги моја, и постигну ја, и не возврашчусја, дондеже скончајутсја.
38. Оскорбљу их, и не возмогут стати, падут под ногама мојима.
39. И препојасал мја јеси силоју на бран, спјал јеси всја востајушчија на мја под мја.
40. И врагов мојих дал ми јеси хребет, и ненавидјашчија мја погребил јеси.
41. Возваша, и не бје спасајај: ко Господу, и не услиша их.
42. И истњу ја јако прах пред лицем вјетра, јако бреније путеј поглажду ја.
43. Избавиши мја от прерјеканија људеј, поставиши мја во главу јазиков, људије, ихже не вједјех, работаша ми.
44. В слух уха послушаша мја: синове чуждији солгаша ми.
45. Синове чуждији обетшаша, и охромоша от стез својих.
46. Жив Господ, и благословен Бог, и да вознесетсја Бог спасенија мојего:
47. Бог дајај отмишченије мње, и покоривиј људи под мја.
48. Избавитељ мој от враг мојих гњевљивих, от востајушчих на мја вознесеши мја, от мужа неправедна избавиши мја.
49. Сего ради исповјемсја Тебје во јазицјех, Господи, и имени Твојему поју.
50. Величајај спасенија царева, и творјај милост христу својему Давиду, и сјемени јего до вјека. Слава:

Псалом 18.

1. Небеса повједајут славу Божију, твореније же руку Јего возвјешчајет тверд.
2. Ден дни отригајет глагол, и ношч ношчи возвјешчајет разум.
3. Не сут рјечи, ниже словеса, ихже не слишатсја гласи их.
4. Во всју земљу изиде вјешчаније их, и в конци всељенија глаголи их, во солнцје положи сељеније своје:
5. И тој јако жених исходјај от чертога својего, возрадујетсја јако исполин тешчи пут.
6. От краја небесе изход јего, и срјетеније јего до краја небесе: и њест, иже укријетсја теплоти јего.
7. Закон Господењ непорочен, обрашчајај души: свидјетељство Господње вјерно, умудрјајушчеје младенци.
8. Оправданија Господња права, весељашчаја сердце: заповјед Господња свјетла, просвјешчајушчаја очи.
9. Страх Господењ чист, пребивајај во вјек вјека: судби Господњи истини, оправдани вкупје.
10. Возждељени паче злата, и камене честна многа, и слаждша паче меда и сота.
11. Ибо раб Твој хранит ја, внегда сохранити ја, воздајаније много.
12. Грјехопаденија кто разумјет; от тајних мојих очисти мја.
13. И от чуждих пошчади раба Твојего: ашче не обладајет мноју, тогда непорочен буду, и очишчусја от грјеха велика.
14. И будут во благовољеније словеса уст мојих, и поученије сердца мојего пред Тобоју вину, Господи помошчниче мој, и избавитељу мој.

Псалом 19.

1. Услишит тја Господ в ден печали, зашчитит тја имја Бога Јаковља.
2. Послет ти помошч от свјатаго, и от Сиона заступит тја.
3. Помјанет всјаку жертву твоју, и всесожеженије твоје тучно буди.
4. Даст ти Господ по сердцу твојему, и вес совјет твој исполнит.
5. Возрадујемсја о спасенији Твојем, и во имја Господа Бога нашего возвеличимсја, исполнит Господ всја прошенија твоја.
6. Ниње познах, јако спасе Господ Христа својего: услишит Јего с небесе свјатаго својего: в силах спасеније десници Јего.
7. Сији на колесницах, и сији на коњех: ми же во имја Господа Бога нашего призовем.
8. Тији спјати биша, и падоша, ми же востахом, и исправихомсја.
9. Господи, спаси царја, и услиши ни, в оњже ашче ден призовем Тја.

Псалом 20.

1. Господи, силоју Твојеју возвеселитсја цар, и о спасенији Твојем возрадујетсја зјело.
2. Желаније сердца јего дал јеси јему, и хотјенија устну јего њеси лишил јего.
3. Јако предварил јеси јего благословенијем благостињим, положил јеси на главје јего вјенец от камене честна.
4. Живота просил јест у Тебе, и дал јеси јему долготу дниј во вјек вјека.
5. Велија слава јего спасенијем Твојим: славу и велељепије возложиши на њего.
6. Јако даси јему благословеније во вјек вјека, возвеселиши јего радостију с лицем Твојим.
7. Јако цар уповајет па Господа: и милостију Вишњаго не подвижитсја.
8. Да обрјашчетсја рука Твоја всјем врагом Твојим, десница Твоја да обрјашчет всја ненавидјашчија Тебе.
9. Јако положиши их јако пешч огњенују, во времја лица твојего: Господ гњевом својим смјатет ја, и снјест их огањ.
10. Плод их от земљи погубиши, и сјемја их от синов человјеческих.
11. Јако уклониша на Тја злаја, помислиша совјети, ихже не возмогут составити.
12. Јако положиши ја хребет, во избитцјех Твојих уготовиши лице их.
13. Вознесисја Господи силоју Твојеју: воспојем и појем сили Твоја. Слава:

Псалом 21.

1. Боже, Боже мој, вонми ми, вскују оставил Мја јеси; далече от спасенија Мојего словеса грјехопадениј Мојих.
2. Боже Мој, возову во дни, и не услишиши, и в ношчи, и не в безумије Мње.
3. Ти же во свјатјем живеши, хвало Израиљева.
4. На Тја уповаша оци наши: уповаша, и не постидјешасја.
5. К Тебје возваша, и спасошасја, на Тја уповаша, и не постидјешесја.
6. Аз же јесам черв, а не человјек, поношеније человјеков и уничиженије људеј.
7. Вси видјашчији Мја поругашамисја, глаголаша устнами, покиваша главоју:
8. Упова на Господа, да избавит Јего, да спасет Јего, јако хошчет Јего.
9. Јако Ти јеси исторгиј Мја из чрева, упованије Моје от сосцу матере Мојеја:
10. К Тебје привержен јесам от ложесан, от чрева матере Мојеја Бог Мој јеси Ти.
11. Да не отступиши от Мене, јако скорб близ, јако њест помагајај Ми.
12. Обидоша Мја телци мнози, јунци тучнији одержаша Мја:
13. Отверзоша на Мја уста своја, јако лев восхишчајај и рикајај.
14. Јако вода излијасја, и разсипашасја всја кости Моја: бист сердце Моје јако восак тајај посредје чрева Мојего.
15. Изсше јако скудел крјепост Моја, и јазик Мој прилпе гортани Мојему, и в перст смерти свел Мја јеси.
16. Јако обидоша Мја пси мнози, сонм лукавих одержаша Мја: ископаша руцје Моји и нозје Моји:
17. Исчетоша всја кости Моја: Ти же смотриша, и презрјеша Мја.
18. Раздјелиша ризи Моја себје, и о одежди Мојеј меташа жребиј.
19. Ти же Господи не удаљи помошч Твоју от Мене, на заступљеније Моје вонми.
20. Избави от оружија душу Моју, и из руки песији јединороднују Моју:
21. Спаси Мја от уст лавових, и от рог јединорож смиреније Моје.
22. Повјем имја Твоја братији Мојеј, посредје церкве воспоју Тја.
23. Бојашчијисја Господа, восхвалите Јего, все сјемја Јаковље прославите Јего, да убојитсја же от Њего все сјемја Израиљево:
24. Јако не уничижи, ниже негодова молитви нишчаго, ниже отврати лице своје от мене, и јегда возвах к Њему, услиши мја.
25. От Тебе похвала моја, в церкви велицјеј исповемсја Тебје, молитви моја воздам пред бојашчимсја Јего.
26. Јадјат убозији, и наситјатсја, и восхваљат Господа взискајушчији Јего: жива будут сердца их во вјек вјека.
27. Помјанутсја, и обратјатсја ко Господу вси конци земљи, и поклоњатсја пред Њим всја отечествија јазик.
28. Јако Господње јест царствије, и Тој обладајет јазики.
29. Јадоша, и поклонишасја вси тучнији земљи: пред Њим припадајут вси низходјашчији в земљу, и душа моја Тому живет.
30. И сјемја моје поработајет Јему: возвјестит Господеви род грјадушчиј:
31. И возвјестјат правду Јего људем рождшимсја, јаже сотвори Господ.

Псалом 22.

1. Господ пасет мја, и ничтоже мја лишит.
2. На мјестје злачње, тамо всели мја, на водје покојње воспита мја.
3. Душу моју обрати, настави мја на стези правди, имене ради Својего.
4. Ашче бо и појду посредје сјени смертнија, не убојусја зла, јако Ти со мноју јеси: жезал Твој, и палица Твоја, та мја утјешиста.
5. Уготовал јеси предомноју трапезу, сопротив стужајушчим мње: умастил јеси јелејем главу моју, и чаша Твоја упојавајушчи мја јако державна.
6. И милост Твоја поженет мја всја дни живота мојего, и јеже вселитимисја в дом Господењ в долготу дниј.

Псалом 23.

1. Господња земља, и исполњеније јеја, всељенаја, и вси живушчији на њеј.
2. Тој на морах основал ју јест, и на рјеках уготовал ју јест:
3. Кто взидет на гору Господњу: или кто станет на мјестје свјатјем Јего.
4. Неповинен рукама, и чист сердцем, иже не пријат всује душу своју, и не кљатсја лестију искренему својему.
5. Сеј пријимет благословеније от Господа, и милостињу от Бога Спаса својего.
6. Сеј род ишчушчих Господа, ишчушчих лице Бога Јаковља.
7. Возмите врата књази ваша, и возмитесја врата вјечнаја: и внидет Цар слави.
8. Кто јест сеј Цар слави: Господ крјепок и силен, Господ силен в брани.
9. Возмите врата књази ваша, и возмитесја врата вјечнаја: и внидет Цар слави.
10. Кто јест сеј Цар слави: Господ сил, Тој јест Цар слави. Слава:

КАТИЗМА 4.

Псалом 24.

1. К тебје Господи воздвигох душу моју, Боже мој, на Тја уповах, да не постижусја во вјек, ниже да посмјејутмисја врази моји:
2. Ибо вси терпјашчији Тја, не постидјатсја.
3. Да постидјатсја безаконујушчији вотшче.
4. Пути Твоја Господи скажи ми, и стезјам Твојим научи мја.
5. Настави мја на истину Твоју, и научи мја, јако Ти јеси Бог спас мој, и Тебе терпјех вес ден.
6. Помјани шчедроти Твоја Господи, и милости Твоја, јако от вјека сут.
7. Грјех јуности мојеја, и невједјенија мојего не помјани: по милости Твојеј помјани мја Ти, ради благости Твојеја Господи.
8. Благ и прав Господ, сего ради законоположит согрјешајушчим на пути.
9. Наставит кроткија на суд, научит кроткија путем својим.
10. Вси путије Господњи милост и истина, взискајушчим завјета Јего, и свидјенија Јего.
11. Ради имене Твојего Господи, и очисти грјех мој: мног бо јест.
12. Кто јест человјек бојајсја Господа; законоположит јему на пути, јегоже изволи.
13. Душа јего во благих водворитсја, и сјемја јего насљедит земљу.
14. Держава Господ бојашчихсја Јего, и завјет Јего јавит им.
15. Очи моји вину ко Господу, јако Тој исторгнет от сјети нозје моји.
16. Призри на мја, и помилуј мја, јако јединород и нишч јесам аз.
17. Скорби сердца мојего умножишасја, от нужд мојих изведи мја.
18. Вижд смиреније моје, и труд мој, и остави всја грјехи моја.
19. Вижд враги моја, јако умножишасја, и ненавидјенијем неправедним возненавидјеша мја.
20. Сохрани душу моју, и избави мја, да не постижусја, јако уповах на Тја.
21. Незлобивији и правији приљепљахусја мње, јако потерпјех Тја Господи.
22. Избави Боже Израиља от всјех скорбеј јего.

Псалом 25.

1. Суди ми Господи, јако аз незлобоју мојеју ходих: и на Господа уповаја не изнемогу.
2. Искуси мја Господи, и испитај мја, разжези утроби моја и сердце моје.
3. Јако милост Твоја пред очима мојим јест, и благоугодих во истиње Твојеј.
4. Не сједох со сонмом сујетним, и со законопреступними не вниду.
5. Возненавидјех церков лукавнујушчих, и с нечестивими не сјаду.
6. Умију в неповинених руцје моји, и обиду жертвеник Твој Господи.
7. Јеже услишати ми глас хвали Твојеја, и повједати всја чудеса Твоја.
8. Господи, возљубих благољепије дому Твојего, и мјесто сељенија слави Твојеја.
9. Да не погубиши с нечестивими душу моју, и с мужи кровеј живот мој.
10. Ихже в руку безаконија, десница их исполнисја мазди.
11. Аз же незлобоју мојеју ходих, избави мја Господи и помилуј мја.
12. Нога моја ста на правотје: в церквах благословљу Тја Господи.

Псалом 26.

1. Господ просвјешченије моје и Спаситељ мој, кого убојусја; Господ зашчититељ живота мојего, от кого устрашусја.
2. Внегда приближатисја на мја злобујушчим, јеже снјести плоти моја, оскорбљајушчији мја и врази моји, тији изнемогоша и падоша.
3. Ашче ополчитсја на мја полк, не убојитсја сердце моје: ашче востанет на мја бран, на Њего аз уповају.
4. Једино просих от Господа, то взишчу: јеже жити ми в дому Господњи всја дни живота мојего, зрјети ми красоту Господњу, и посјешчати храм свјатиј Јего.
5. Јако скри мја в сељенији својем, в ден зол мојих, покри мја в тајње сељенија својего, на камен вознесе мја:
6. И ниње се вознесе главу моју на враги моја: обидох и пожрох в сељенији Јего жертву хваљенија и воскликновенија: поју и воспоју Господеви.
7. Услиши Господи глас мој, имже возвах, помилуј мја, и услиши мја.
8. Тебје рече сердце моје: Господа взишчу; взиска Тебе лице моје, лица Твојего Господи взишчу.
9. Не отврати лица Твојего от мене, и не уклонисја гњевом от раба Твојего: помошчник мој буди, не отрини мене, и не остави мене Боже, Спаситељу мој:
10. Јако отец мој и мати моја остависта мја, Господ же воспријат мја.
11. Законоположи ми Господи в пути Твојем, и настави мја на стезју правују враг мојих ради.
12. Не предажд мене в души стужајушчих ми: јако восташа на мја свидјетеље неправеднији, и солга неправда себје.
13. Вјерују видјети благаја Господња на земљи живих.
14. Потерпи Господа, мужајсја, и да крјепитсја сердце твоје, и потерпи Господа. Слава:

Псалом 27.

1. К Тебје Господи возову, Боже мој, да не премолчиши от мене: да не когда премолчиши от мене, и уподобљусја низходјашчим в ров.
2. Услиши Господи глас мољенија мојего, внегда молитимисја к Тебје, внегда воздјети ми руцје моји к храму свјатому Твојему.
3. Не привлеци мене со грјешники, и с дјелајушчими неправду не погуби мене, глагољушчими мир с ближњими својими, злаја же в сердцах својих.
4. Дажд им Господи, по дјелом их, и по лукавству начинаниј их, по дјелом руку их дажд им, воздажд воздајаније их им.
5. Јако не разумјеша в дјела Господња, и в дјела руку Јего: разориши ја, и не созиждеши.
6. Благословен Господ, јако услиша глас мољенија мојего.
7. Господ помошчник мој, и зашчититељ мој: на Њего упова сердце моје, и поможе ми, и процвјете плот моја: и вољеју мојеју исповемсја Јему.
8. Господ утвержденије људеј својих, и зашчититељ спасениј христа својего јест.
9. Спаси људи Твоја, и благослови достојаније Твоје: и упаси ја, и возми ја до вјека.

Псалом 28.

1. Принесите Господеви синове Божији, принесите Господеви сини овни, принесите Господеви славу и чест.
2. Принесите Господеви славу имени Јего: поклонитесја Господеви во дворје свјатјем Јего.
3. Глас Господењ на водах, Бог слави возгремје, Господ на водах многих.
4. Глас Господењ в крјепости, глас Господењ в великољепији.
5. Глас Господа, сокрушајушчаго кедри, и стријет Господ кедри Ливанскија.
6. И истнит ја јако телца Ливанска, и возљубљениј јако син јединорож.
7. Глас Господа, пресјецајушчаго пламен огња.
8. Глас Господа, стрјасајушчаго пустињу: и стрјасет Господ пустињу Кадијскују.
9. Глас Господењ свершајушчиј јелени, и откријет дубрави: и в храмје Јего всјакиј глагољет славу.
10. Господ потоп насељајет, и сјадет Господ Цар во вјек.
11. Господ крјепост људем својим дасе: Господ благословит људи своја миром.

Псалом 29.

1. Вознесу Тја Господи, јако подјал мја јеси, и не возвеселил јеси врагов мојих о мње.
2. Господи Боже мој, возвах к Тебје, и исцјелил мја јеси:
3. Господи возвел јеси от ада душу моју, спасал мја јеси от низходјашчих в ров.
4. Појте Господеви преподобнији Јего, и исповједајте памјат свјатињи Јего.
5. Јако гњев в јарости Јего, и жиног во вољи Јего: вечер водворитсја плач, и зајутра радост.
6. Аз же рјех во обилији мојем: не подвижусја во вјек.
7. Господи, вољеју Твојеју подажд добротје мојеј силу. Отвратил же јеси лице Твоје, и бих смушчен.
8. К Тебје Господи возову, и к Богу мојему помољусја.
9. Каја полза в крови мојеј, внегда сходити ми во истљеније; еда исповјестсја Тебје перст; или возвјестит истину Твоју;
10. Слиша Господ, и помилова мја: Господ бист помошчник мој.
11. Обратил јеси плач мој в радост мње, растерзал јеси вретишче моје, и препојасал мја јеси веселијем:
12. Јако да воспојет Тебје слава моја, и не умиљусја, Господи Боже мој, во вјек исповјемсја Тебје. Слава:

Псалом 30.

1. На Тја Господи уповах, да не постижусја во вјек: правдоју Твојеју избави мја и изми мја.
2. Приклони ко мње ухо Твоје, ускори изјати мја: буди ми в Бога зашчититеља, и в дом прибјежишча, јеже спасти мја.
3. Јако держава моја, и прибјежишче моје јеси Ти, и имене Твојего ради наставиши мја, и препитајеши мја.
4. Изведеши мја от сјети сеја, јуже скриша ми, јако Ти јеси зашчититељ мој Господи:
5. В руцје Твоји предложу дух мој: избавил мја јеси Господи Боже истини.
6. Возненавидјел јеси храњашчија сујети вотшче: аз же на Господа уповах.
7. Возрадујусја и возвеселисја о милости Твојеј, јако призрјел јеси на смиреније моје, спасал јеси от нужд душу моју:
8. И њеси мене затворил в руках вражијих, поставил јеси на прострање нозје моји.
9. Помилуј мја Господи, јако скорбљу: сматесја јаростију око моје, душа моја, и утроба моја.
10. Јако изчезе в бољезни живот мој, и љета моја во воздиханијих: изнеможе нишчетоју крјепост моја, и кости моја смјатошасја.
11. От всјех враг мојих бих поношеније, и сосједом мојим зјело, и страх знајемим мојим: видјашчији мја воњ бјежаша от мене.
12. Забвен бих, јако мертав от сердца: бих јако сосуд погубљен.
13. Јако слишах гажденије многих живушчих окрест: внегда собратисја им вкупје на мја, пријати душу моју совјешчаша.
14. Аз же на Тја Господи уповах, рјех: Ти јеси Бог мој.
15. В руку Твојеју жребији моји: избави мја из руки враг мојих, и от гоњашчих мја.
16. Просвјети лице Твоје на раба Твојего, спаси мја милостију Твојеју.
17. Господи, да не постижусја, јако призвах Тја: да постидјатсја нечестивији, и снидут во ад.
18. Нјеми да будут устни лестивија, глагољушчија на праведнаго безаконије, гордињеју и уничиженијем.
19. Кољ многоје множество благости Твојеја Господи, јуже скрил јеси бојашчимсја Тебе, содјелал јеси уповајушчим на Тја, пред сини человјеческими.
20. Скријеши их в тајње лица Твојего от мјатежа человјеческа, покријеши их в кровје от прерјеканија јазик.
21. Благословен Господ, јако удиви милост своју во градје огражденија.
22. Аз же рјех во изступљенији мојем: отвержен јесам от лица очију Твојеју: сего ради услишал јеси глас молитви мојеја, внегда возвах к Тебје.
23. Возљубите Господа вси преподобнији Јего, јако истини взискајет Господ, и воздајет излише творјашчим гордињу.
24. Мужајтесја, и да крјепитсја сердце ваше, вси уповајушчији на Господа.

Псалом 31.

1. Блажени, ихже оставишасја безаконије, и ихже прикришасја грјеси.
2. Блажен муж, јемуже не вмјенит Господ грјеха, ниже јест во устјех јего лест.
3. Јако умолчах, обетшаша кости моја, от јеже звати ми вес ден:
4. Јако ден и ношч отјаготје на мње рука Твоја, возвратихсја на страст, јегда унзе ми терн.
5. Безаконије моје познах, и грјеха мојего не покрих, рјех: исповјем на мја безаконије моје Господеви: и Ти оставил јеси нечестије сердца мојего.
6. За то помолитсја к Тебје всјак преподобниј во времја благопотребно: о баче в потопје вода многих к њему не приближитсја.
7. Ти јеси прибјежишче моје от скорби обдержашчија мја: радосте моја, избави мја от обишедших мја.
8. Вразумљу тја, и настављу тја на пут сеј, в оњже појдеши: утвсржу на тја очи Моји.
9. Не будите јако коњ и меск, имже њест разума: броздами и уздоју чељусти их востјагнеши не приближајушчихса к тебје.
10. Многи рани грјешному: уповајушчаго же на Господа милост обидет.
11. Веселитесја о Господје, и радујтесја праведнији, и хвалитесја вси правији сердцем. Слава:

КАТИЗМА 5.

Псалом 32.

1. Радујтесја праведнији о Господје, правим подобајет похвала.
2. Исповједајтесја Господеви в гуслех, во псалтири десјатоструњем појте Јему:
3. Воспојте Јему пјесан нову, добрје појте Јему со восклицанијем.
4. Јако право слово Господње, и всја дјела Јего во вјерје.
5. Љубит милостињу и суд Господ, милости Господњи исполн земља.
6. Словом Господњим небеса утвердишасја, и духом уст Јего всја сила их.
7. Собирајај јако мјех води морскија, полагајај в сокровишчах бездни.
8. Да убојитсја Господа всја земља, от Његоже да подвижутсја вси живушчији по всељењеј:
9. Јако Тој рече, и биша, Тој повеље, и создашасја.
10. Господ разорјајет совјети јазиков, отметајет же мисли људеј, и отметајет совјети књазеј.
11. Совјет же Господењ во вјек пребивајет, помишљенија сердца јего в род и род.
12. Блажен јазик, јемуже јест Господ Бог јего, људи, јаже избра в насљедије себје.
13. С небесе призрје Господ, видје всја сини человјеческија.
14. От готоваго жилишча својего призрје на всја живушчија на земљи:
15. Создавиј на једиње сердца их, разумјевајај на всја дјела их.
16. Не спасајетсја цар многоју силоју, и исполин не спасетсја множеством крјепости својеја.
17. Лож коњ во спасеније, во множествје же сили својеја не спасетсја.
18. Се очи Господњи на бојашчијасја Јего, уповајушчија на милост Јего:
19. Избавити от смерти души их, и препитати ја в глад.
20. Душа же наша чајет Господа, јако помошчник и зашчититељ, наш јест:
21. Јако о Њем возвеселитсја сердце наше, и во имја свјатоје Јего уповахом.
22. Буди Господи милост Твоја на нас, јакоже уповахом на Тја.

Псалом 33.

1. Благословљу Господа на всјакоје времја, вину хвала Јего во устјех мојих.
2. О Господје похвалитсја душа моја: да услишат кротци и возвесељатсја.
3. Возвеличите Господа со мноју, и вознесем имја Јего вкупје.
4. Взисках Господа, и услиша мја, и от всјех скорбеј мојих избави мја.
5. Приступите к Њему, и просвјетитесја, и лица ваша не постидјатсја.
6. Сеј нишчиј возва, и Господ услиша их, и от всјех скорбеј јего спасе их.
7. Ополчитсја ангел Господењ окрест бојашчихсја Јего, и избавит их.
8. Вкусите и видите, јако благ Господ: блажен муж, иже уповајет нањ.
9. Бојтесја Господа в свјатији Јего, јако њест лишенија бојашчимсја Јего.
10. Богатији обнишчаша и взалкаша: взискајушчији же Господа, не лишатсја всјакаго блага.
11. Придите чада, послушајте мене, страху Господњу научу вас.
12. Кто јест человјек хотјај живот, љубјај дни видјети благи.
13. Удержи јазик твој от зла, и устње твоји, јеже не глагољати лести.
14. Уклонисја от зла, и сотвори благо: взишчи мира, и пожени их.
15. Очи Господњи на праведнија, и уши Јего в молитву их.
16. Лице же Господње на творјашчија злаја, јеже потребити от земљи памјат их.
17. Возваша праведнији, и Господ услиша их, и от всјех скорбеј их избави их.
18. Близ Господ сокрушених сердцем, и смиренија духом спасет.
19. Многи скорби праведним, и от всјех их избавит ја Господ.
20. Хранит Господ всја кости их, и ни једина от њих сокрушитсја.
21. Смерт грјешников љута, и ненавидјашчији праведнаго прегрјешат.
22. Избавит Господ души раб својих, и не прегрјешат вси уповајушчији на Њего. Слава:

Псалом 34.

1. Суди Господи обидјашчија мја, побори борушчија мја.
2. Прими оружије и шчит, и востани в помошч моју.
3. Изсуни меч, и закључи сопротив гоњашчих мја: реци души мојеј, спасеније твоје јесам Аз.
4. Да постидјатсја и посрамјатсја ишчушчији душу моју: да возвратјатсја вспјат, и постидјатсја мисљашчији ми злаја.
5. Да будут јако прах пред лицем вјетра, и ангел Господењ оскорбљајај их.
6. Да будет пут их тма, и ползок, и ангел Господењ погоњаја их.
7. Јако туне скрша ми пагубу сјети својеја, всује поносиша души мојеј.
8. Да пријидет јему сјет, јуже не вјест, и ловитва, јуже скри, да обимет их, и в сјет да впадет в њу.
9. Душа же моја возрадујетсја о Господје, возвеселитсја о спасенији Јего.
10. Всја кости моја рекут: Господи, Господи, кто подобен Тебје; избављајај нишча из руки крјепилших јего, и нишча и убога от расхишчајушчих јего.
11. Воставше на мја свидјетеље неправеднији, јаже не вједјех, вопрошаху мја.
12. Воздаша ми лукаваја возблагаја, и безчадије души мојеј.
13. Аз же, внегда они стужаху ми, облачахсја во вретишче, и смирјах постом душу моју, и молитва моја в њедро моје возвратитсја.
14. Јако ближњему, јако брату нашему, тако угождах: јако плача и сјетуја тако смирјахсја.
15. И на мја возвеселишасја и собрашасја: собрашасја на мја рани, и не познах, раздјелишасја, и не умилишасја.
16. Искусиша мја, подражниша мја подражненијем, поскрежеташа на мја зуби својими.
17. Господи, когда узриши, устрој душу моју от злодјејства их, от лев јединороднују моју.
18. Исповемсја Тебје в церкви мнозје, в људех тјажцјех восхваљу Тја.
19. Да не возрадујутсја о мње враждујушчији ми неправедно, ненавидјашчији мја туне, и помизајушчији очима.
20. Јако мње убо мирнаја глагољаху, и на гњев лести помишљаху.
21. Разшириша на мја уста своја, рјеша: благоже, благоже, видјеша очи наши.
22. Видјел јеси Господи, да не премолчиши: Господи не отступи от мене.
23. Востани Господи, и вонми суду мојему, Боже мој, и Господи мој, на прју моју.
24. Суди ми Господи по правдје Твојеј, Господи Боже мој, и да возрадујутсја о мње.
25. Да не рекут в сердцах својих: благоже благоже души нашеј: ниже да рекут, пожрохом јего.
26. Да постидјатсја и посрамјатсја вкупје радујушчијисја злом мојим: да облекутсја в студ и срам велерјечујушчији на мја.
27. Да возрадујутсја и возвесељатсја хотјашчији правди мојеја, и да рекут вину, да возвеличитсја Господ, хотјашчији мира рабу Јего.
28. И јазик мој поучитсја правдје Твојеј, всс ден хваље Твојеј.

Псалом 35.

1. Глагољет пребезакониј согрјешати в себје: њест страха Божија пред очима јего.
2. Јако улести пред њим обрјести безаконије своје, и возненавидјети.
3. Глаголи уст јего безаконије и лест: не восхотје разумјети јеже ублажити.
4. Безаконије помисли па ложи својем: предста всјакому пути неблагу, о злобје же не негодова.
5. Господи на небеси милост Твоја, и истина Твоја до облак:
6. Правда Твоја јако гори Божија, судби Твоја бездна многа, человјеки и скоти спасеши Господи.
7. Јако умножил јеси милост Твоју Боже: синове же человјечестији в кровје крилу Твојеју надјејатисја имут.
8. Упијутсја от тука дому Твојего, и потоком сладости Твојеја напојиши ја.
9. Јако у Тебе источник живота, во свјетје Твојем узрим свјет.
10. Пробави милост Твоју вједушчим Тја, и правду Твоју правим сердцем.
11. Да не пријидет мње нога гордињи, и рука грјешнича да не подвижит мене.
12. Тамо падоша вси дјелајушчији безаконије, изриновени биша, и не возмогут стати. Слава:

Псалом 36.

1. Не ревнуј лукавнујушчим, ниже завиди творјашчим безаконије.
2. Зане јако трава скоро изсшут, и јако зелије злака скоро отпадут.
3. Уповај на Господа, и твори благостињу, и насели земљу, и упасешисја в богатствје јеја.
4. Насладисја Господеви, и даст ти прошенија сердца Твојего.
5. Откриј ко Господу пут Твој, и уповај на Њего, и тој сотворит.
6. И изведет јако свјет правду твоју, и судбу твоју јако полудне.
7. Повинисја Господеви, и умоли Јего, не ревнуј спјејушчему в пути својем, человјеку творјашчему законопреступљеније.
8. Престани от гњева, и остави јарост, не ревнуј, јеже лукавновати.
9. Зане лукавнујушчији потребјатсја: терпјашчији же Господа, тији насљедјат земљу.
10. И јешче мало, и не будет грјешника: и взишчеши мјесто јего, и не обрјашчеши.
11. Кротцији же насљедјат земљу, и насладјатсја о множествје мира.
12. Назирајет грјешниј праведнаго, и поскрежешчет нањ зуби својими.
13. Господ же посмјејетсја јему, зане прозирајет, јако пријидет ден јего.
14. Меч извлекоша грјешници, напрјагоша лук свој, низложити убога и нишча, заклати правија сердцем.
15. Меч их да внидет в сердца их, и луци их да сокрушатсја.
16. Лучше малоје праведнику, паче богатства грјешних многа.
17. Зане мишци грјешних сокрушатсја, утверждајет же праведнија Господ.
18. Вјест Господ пути непорочних, и достојаније их во вјек будет.
19. Не постидјатсја во времја љутоје, и во днех глада наситјатсја: јако грјешници погибнут.
20. Врази же Господњи, купно прославитсја им, и вознестисја, исчезајушче јако дим исчезоша.
21. Зајемљет грјешниј, и не возвратит, праведнији же шчедрит, и дајет.
22. Јако благословјашчији Јего насљедјат земљу, кленушчији же Јего потребјатсја.
23. От Господа стопи человјеку исправљајутсја, и пути Јего восхошчет зјело.
24. Јегда падет, не разбијетсја, јако Господ подкрјепљајет руку јего.
25. Јуњејшиј бих, ибо состарјехсја, и не видјех праведника остављена, ниже сјемене јего просјашча хљеби.
26. Вес ден милујет, и взајим дајет праведниј, и сјемја јего во благословеније будет.
27. Уклонисја от зла и сотвори благо, вселисја во вјек вјека.
28. Јако Господ љубит суд, и не оставит преподобних својих, во вјек сохрањатсја: безаконици же изженутсја, и сјемја нечестивих потребитсја.
29. Праведници же насљедјат земљу, и всељатсја во вјек вјека на њеј.
30. Уста праведнаго поучатсја премудрости, и јазик јего возглагољет суд.
31. Закон Бога јего в сердцје јего, и не запнутјса стопи јего.
32. Сматрјајет грјешниј праведнаго, и ишчет јеже умертвити јего:
33. Господ же не оставит јего в руку јего, ниже осудит јего, јегда судит јему.
34. Потерпи Господа, и сохрани пут Јего, и вознесет тја јеже насљедити земљу: внегда потребљатисја грјешником, узриши.
35. Видјех нечестиваго превозносјашчасја и висјашчасја, јако кедри Ливанскија:
36. И мимо идох, и се не бје, и взисках јего, и не обрјетесја мјесто јего.
37. Храни незлобије, и вижд правоту, јако јест останок человјеку мирну.
38. Безаконици же потребјатсја вкупје, останци же нечестивих потребјатсја.
39. Спасеније же праведних ое Господа, и зашчититељ их јест во времја скорби:
40. И поможет им Господ и избавит их, и измет их от грјешник, и спасет их, јако уповаша на Њего. Слава:

КАТИЗМА 6.

Псалом 37.

1. Господи, да не јаростију Твојеју обличиши мене, ниже гњевом Твојим накажеши мене:
2. Јако стрјели Твоја унзоша во мње, и утвердил јеси на мње руку Твоју.
3. Њест исцјељенија в плоти мојеј, от лица гњева Твојего: њест мира в костех мојих, от лица грјех мојих.
4. Јако безаконија моја превзидоша главу моју, јако бремја тјажкоје отјаготјеша на мње.
5. Возсмердјеша и согниша рани моја от лица безумија мојего.
6. Пострадах и сљакохсја до конца, вес ден сјетуја хождах.
7. Јако љадвија моја наполнишасја поруганиј, и њест исцјељенија в плоти мојеј.
8. Озлобљен бих и смирихсја до зјела, риках от воздиханија сердца мојего.
9. Господи, пред Тобоју все желаније моје, и воздиханије моје от Тебе не утајисја.
10. Сердце моје смјатесја, остави мја сила моја, и свјет очију мојеју, и тој њест со мноју.
11. Друзи моји и искренији моји прјамо мње приближишасја и сташа.
12. И ближњији моји отдалече мене сташа, и нуждахусја ишчушчији душу моју, и ишчушчији злаја мње, глагољаху сујетнаја, и лестивним вес ден поучахусја.
13. Аз же јако глух не слишах, и јако нјем не отверзајај уст својих.
14. И бих, јако человјек не слишај, и не имиј во устјех својих обличенија.
15. Јако на Тја Господи уповах, Ти услишиши Господи Боже мој.
16. Јако рјех, да не когда порадујутмисја врази моји: и внегда подвижатисја ногама мојим, на мја велерјечеваша.
17. Јако аз на рани готов, и бољезан моја предомноју јест вину.
18. Јако безаконије моје аз возвјешчу, и попекусја о грјесје мојем.
19. Врази же моји живут, и укрјепишасја паче мене, и умножишасја ненавидјашчији мја без правди.
20. Воздајушчији ми злаја возблагаја, оболгаху мја, зане гоњах благостињу.
21. Не остави мене Господи Боже мој, не отступи от мене.
22. Вонми в помошч моју, Господи спасенија мојего.

Псалом 38.

1. Рјех, сохрању пути моја, јеже не согрјешати ми јазиком мојим: положил устом мојим хранило, внегда востати грјешному предо мноју.
2. Онјемјех и смирихсја, и умолчах от благ, и бољезан моја обновисја.
3. Согрјејасја сердце моје во мње, и в поученији мојем разгоритсја огањ: глагољах јазиком мојим.
4. Скажи ми Господи кончину моју, и число днеј мојих које јест, да разумјеју, что лишајусја аз;
5. Се пјади положил јеси дни моја, и состав мој јако ничтоже пред Тобоју: обаче всјаческаја сујета, всјак человјек живиј.
6. Убо образом ходит человјек, обаче всује мјатетсја: сокровишчствујет, и не вјест, кому соберет ја.
7. И ниње кто терпјеније моје; не Господ ли; и состав мој от Тебе јест.
8. От всјех безаконији мојих избави мја: поношеније безумному дал мја јеси.
9. Онјемјех и не отверзох уст мојих, јако Ти сотворил јеси.
10. Отстави от мене рани Твоја: от крјепости бо руки Твојеја аз изчезох.
11. Во обличенијих о безаконији наказал јеси человјека, и истајал јеси јако паучину душу јего: обаче всује всјак человјек.
12. Услиши молитву моју Господи, и мољеније моје внуши, слез мојих не премолчи: јако преселник аз јесам у Тебе и пришлец, јакоже вси оци моји.
13. Ослаби ми, да почију, прежде даже не отиду, и ктому не буду.

Псалом 39.

1. Терпја потерпјех Господа, и вњат ми, и услиша молитву моју:
2. И возведе мја от рова страстеј, и от бренија тини, и постави на камени нозје моји, и исправи стопи моја.
3. И вложи во уста моја пјесан нову, пјеније Богу нашему, узрјат мнози и убојатсја и уповајут на Господа.
4. Блажен муж, јемуже јест имја Господње упованије јего, и не призрје в сујети и неистовљенија ложнаја.
5. Многа сотворил јеси Ти Господи Боже мој чудеса Твоја, и помишљенијем Твојим њест кто уподобитсја Тебје, возвјестих и глагољах, умножишасја паче числа.
6. Жертви и приношенија не восхотјел јеси, тјело же свершил ми јеси: всесожежениј и о грјесје не взискал јеси.
7. Тогда рјех: се пријиду, во главизње книжње писано јест о Мње:
8. Јеже сотворити вољу Твоју Боже мој, восхотјех, и закон Твој посредје чрева мојего.
9. Благовјестих правду в церкви велицјеј, се устнам мојим не возбрању: Господи Ти разумјел јеси.
10. Правду Твоју не скрих в сердцје мојем, истину Твоју и спасеније Твоје рјех, не скрих милост Твоју и истину Твоју от сонма многа.
11. Ти же Господи не удаљи шчедрот Твојих от мене: милост Твоја и истина Твоја вину да заступитје мја.
12. Јако одержаша мја злаја, имже њест числа: постигоша мја безаконија моја, и не возмогох зрјети, умножишасја паче влас глави мојеја, и сердце моје остави мја.
13. Благоволи Господи избавити мја: Господи во јеже помошчи ми вонми.
14. Да постидјатсја и посрамјатсја вкупје ишчушчији душу моју, изјати ју: да возвратјатсја вспјат, и постидјатсја хотјашчији ми злаја.
15. Да пријимут абије студ свој глагољушчији ми: благоже, благоже.
16. Да возрадујутсја и возвесељатсја о Тебје вси ишчушчији Тебе, Господи: и да рекут вину, да возвеличитсја Господ, љубјашчији спасеније Твоје.
17. Аз же нишч јесам и убог, Господ попечетсја о мње: помошчник мој и зашчититељ мој Ти, Боже мој не закосни. Слава:

Псалом 40.

1. Блажен разумјевајај на нишча и убога, в ден љут избавит јего Господ.
2. Господ да сохранит јего, и живит јего, и да ублажит јего на земљи, и да не предаст јего в руки врагов јего.
3. Господ да поможет јему на одрје бољезни јего: все ложе јего обратил јеси в бољезни јего.
4. Аз рјех: Господи помилуј мја, исцјели душу моју, јако согрјеших Ти.
5. Врази моји рјеша мње злаја: когда умрет и погибнет имја јего;
6. И вхождаше видјети, всује глагољаше сердце јего, собра безаконије себје, исхождаше воњ, и глагољаше вкупје.
7. На мја шептаху вси врази моји, на мја помишљаху злаја мње.
8. Слово законопреступноје возложиша на мја: еда спјај не приложит воскреснути;
9. Ибо человјек мира мојего, на његоже уповах, јадиј хљеби моја, возвеличи на мја запинаније.
10. Ти же Господи помилуј мја, и возстави мја, и воздам им.
11. В сем познах, јако восхотјел мја јеси, јако не возрадујетсја враг мој о мње.
12. Мене же за незлобије пријал, и утвердил мја јеси пред Тобоју во вјек.
13. Благословен Господ Бог Израиљев от вјека и до вјека: буди буди.

Псалом 41.

1. Имже образом желајет јелен на источники воднија: сице желајет душа моја к Тебје Боже:
2. Возжада душа моја к Богу крјепкому, живому: когда пријиду и јављусја лицу Божију:
3. Биша слези моја мње хљеб ден и ношч, внегда глагољатисја мње на всјак ден: гдје јест Бог Твој;
4. Сија помјанух, и излијах на мја душу моју: јако пројду в мјесто сељенија дивна даже до дому Божија, во гласје радованија и исповједанија, шума празднујушчаго.
5. Вскују прискорбна јеси душе моја; и вскују смушчајеши мја; уповај на Бога, јако исповјемсја Јему, спасеније лица мојего, и Бог мој.
6. Ко мње самому душа моја смјатесја: сего ради помјанух Тја от земљи Јордански и Ермонијимски, от гори малија.
7. Бездна бездну призивајет во гласје хљабиј Твојих: всја висоти Твоја и волни Твоја на мње прејдоша.
8. В ден заповјест Господ милост своју, и ношчију пјесан Јего от мене, молитва Богу живога мојего.
9. Реку Богу: заступник мој јеси, почто мја забил јеси; и вскују сјетуја хожду внегда оскорбљајет враг;
10. Внегда сокрушатисја костем мојим, поношаху ми врази моји, внегда глагољати им мње на всјак ден: гдје јест Бог твој;
11. Вскују прискорбна јеси душе моја; и вскују смушчајеши мја; уповај на Бога, јако исповјемсја Јему, спасеније лица мојего, и Бог мој.

Псалом 42.

1. Суди ми Боже, и разсуди прју моју: от јазика непреподобна, от человјека неправедна и лестива избави мја.
2. Зане Ти јеси Боже крјепост моја, вскују отринул мја јеси; и вскују сјетуја хожду, внегда оскорбљајет враг;
3. Посли свјет Твој и истину Твоју, та мја настависта, и воведоста мја в гору свјатују Твоју, и в сељенија Твоја.
4. И вниду к жертвенику Божију, к Богу весељашчему јуност моју: исповјемсја Тебје в гуслех Боже, Боже мој.
5. Вскују прискорбна јеси душе моја; и вскују смушчајеши мја; уповај на Бога, јако исповјемсја Јему, спасеније лица мојего, и Бог мој. Слава:

Псалом 43.

1. Боже ушима нашима услишахом, и оци наши возвјестиша нам дјело, јеже содјелал јеси во днех их, во днех древних.
2. Рука Твоја јазики потреби, и насадил ја јеси, озлобил јеси људи, и изгнал јеси ја.
3. Не бо мечем својим насљедиша земљу, и мишца их не спасе их: но десница Твоја, и мишца Твоја, и просвјешченије лица Твојего, јако благоволил јеси в њих.
4. Ти јеси сам Цар мој и Бог мој, заповједајај спасенија Јаковља.
5. О Тебје враги нашја избодем роги, и о имени Твојем уничижим востајушчија на ни.
6. Не на лук бо мој уповају, и меч мој не спасет мене:
7. Спасал бо јеси нас от стужајушчих нам и ненавидјашчих нас посрамил јеси.
8. О Бозје похвалимсја вес ден, и о имени Твојем исповјемсја во вјек.
9. Ниње же отринул јеси, и посрамил јеси нас, и не изидеши Боже в силах наших.
10. Возвратил јеси нас вспјат при вразјех наших, и ненавидјашчији нас расхишчаху себје.
11. Дал јеси нас јако овци снједију, и во јазицјех разсјејал ни јеси.
12. Отдал јеси људи Твоја без цјени, и не бје множества во восклицанијих наших.
13. Положил јеси нас поношеније сосједом нашим, подраженије и поруганије сушчим окрест нас.
14. Положил јеси нас в причту во јазицјех, и покиванију глави в људех.
15. Вес ден срам мој предомноју јест, и студ лица мојего покри мја.
16. От гласа поношајушчаго и оклеветајушчаго, от лица вражија и изгоњашчаго.
17. Сија всја пријидоша на ни, и не забихом Тебе, и не неправдовахом в завјетје Твојем.
18. И не отступи вспјат сердце наше: и уклонил јеси стези нашја от пути Твојего.
19. Јако смирил јеси нас на мјестје озлобљенија, и покри ни сјен смертнаја.
20. Ашче забихом имја Бога нашего, и ашче воздјехом руки нашја к Богу чуждему:
21. Не Бог ли взишчет сих; тој бо вјест тајнаја сердца.
22. Зане Тебе ради умершчвљајемсја вес ден, вмјенихомсја јако овци закољенија:
23. Востани, вскују спиши Господи; воскресни, и не отрини до конца.
24. Вскују лице Твоје отврашчајеши; забивајеши нишчету нашу и скорб нашу;
25. Јако смирисја в перст душа наша, прилпе земљи утроба наша.
26. Воскресни Господи, помози нам, и избави нас имене ради Твојего.

Псалом 44.

1. Отригну сердце моје слово благо, глагољу аз дјела моја цареви: јазик мој трост књижника скорописца.
2. Красен добротоју паче синов человјеческих, излијасја благодат во устнах Твојих: сего ради благослови Тја Бог во вјек.
3. Препојаши меч Твој по бедрје Твојеј силне.
4. Красотоју Твојеју и добротоју Твојеју, и налјаци, и успјевај, и царствуј истини ради и кротости и правди, и наставит Тја дивно десница Твоја.
5. Стрјели Твоја изошчрени силне, људије под Тобоју падут с сердци враг царевих.
6. Престол Твој Боже во вјек вјека: жезал правости, жезал царствија Твојего.
7. Возљубил јеси правду, и возненавидјел јеси безаконије: сего ради помаза Тја Боже Бог Твој јелејем радости, паче причастник Твојих.
8. Смирна и стакти и касија от риз Твојих, от тјажестеј слонових, из њихже возвеселиша Тја.
9. Дшчери цареј в чести Твојеј: предста Царица одеснују Тебе, в ризах позлашчених одјејана, преиспешчрена.
10. Ш. Слиши дшчи и вижд, и приклони ухо Твоје, и забуди људи Твоја, и дом оца Твојего.
11. И возжелајет Цар доброти Твојеја: зане Тој јест Господ Твој и поклонишасја Јему.
12. И дшчи Тирова с дари: лицу Твојему помољатсја богатији људстији.
13. Всја слава дшчере Цареви внутар, рјасни златими одјејана и преиспешчрена.
14. Приведутсја Царју дјеви в сљед јеја, искренија јеја приведутсја Тебје:
15. Приведутсја во веселији и радованији, воведутсја в храм царев.
16. Вмјесто отец твојих биша синове твоји: поставиши ја кљази по всеј земљи.
17. Помјану имја Твоје во всјаком родје и родје: сего ради људије исповједјатсја Тебје во вјек, и во вјек вјека.

Псалом 45.

1. Бог нам прибјежишче и сила, помошчник в скорбех обрјетших ни зјело.
2. Сего ради не убојимсја, внегда смушчајетсја земља, и прелагајутсја гори в сердца морскаја.
3. Возшумјеша и смјатошасја води их, смјатошасја гори крјепостију јего.
4. Рјечнаја устремљенија весељат град Божиј: освјатил јест сељеније своје Вишњиј.
5. Бог посредје јего, и не подвижитсја: поможет јему Бог јутро зајутра.
6. Смјатошасја јазици, уклонишасја царствија: даде глас свој Вишњиј, подвижесја земља.
7. Господ сил с нами, заступник наш Бог Јаковаљ.
8. Придите и видите дјела Божија, јаже положи чудеса на земљи:
9. Отемља брапи до конец земљи, лук сокрушит, и сломит оружије, и шчит сожежет огњем.
10. Упразднитесја и разумјејте, јако Аз јесам Бог: вознесусја во јазицјех, вознесусја на земљи.
11. Господ сил с нами, заступник наш Бог Јаковаљ. Слава:

КАТИЗМА 7.

Псалом 46.

1. Вси јазици восплешчите руками: воскликните Богу гласом радованија:
2. Јако Господ Вишњиј, страшен, Цар велиј по всеј земљи.
3. Покори људи нам, и јазики под ноги нашја:
4. Избра нам достојаније своје: доброту Јаковљу, јуже возљуби.
5. Взиде Бог во воскликновенији, Господ во гласје трубње.
6. Појте Богу нашему, појте: појте Цареви нашему, појте.
7. Јако Цар всеја земљи Бог, појте разумно.
8. Воцарисја Бог над јазики: Бог сједит на престоље свјатјем својем.
9. Књази људстији собрашасја с Богом Авраамлим: јако Божији державнији земљи зјело вознесошасја.

Псалом 47.

1. Велиј Господ и хваљен зјело, во градје Бога нашего, в горје свјатјеј Јего.
2. Благокореним радованијем всеја земљи, гори Сионскија, ребра сјеверова, град Царја великаго.
3. Бог во тјажестех јего знајем јест, јегда заступит их.
4. Јако се царије земстији собрашасја, снидоша вкупје.
5. Тији видјевше тако удивишасја, смјатошасја, подвигошасја:
6. Трепет пријат ја: тамо бољезни јако раждајушчија.
7. Духом бурним сокрушиши корабли Тарсијскија.
8. Јакоже слишахом, тако и видјехом во градје Господа сил, во градје Бога нашего: Бог основа их во вјек.
9. Пријахом Боже милост Твоју посредје људеј Твојих.
10. По имени Твојему Боже, тако и хвала Твоја на концах земљи: правди исполн десница Твоја.
11. Да возвеселитсја гора Сионскаја, и да возрадујутсја дшчери Јудејскија, судеб ради Твојих Господи.
12. Обидите Сион, и обимите јего, повједите в столпјех јего.
13. Положите сердца ваша в силу јего, и раздјелите доми јего, јако да повјесте в родје ином.
14. Јако Тој јест Бог наш во вјек, и во вјек вјека: Тој упасет нас во вјеки.

Псалом 48.

1. Услишитс сија вси јазици, внушите вси живушчији по вселењеј.
2. Земнороднији же и синове человјечестији, вкупје богат и убог.
3. Уста моја возглагољут премудрост, и поученије сердца мојего разум.
4. Приклоњу в притчу ухо моје, отверзу во псалтири гананије моје.
5. Вскују бојусја в ден љут; безаконије пјати мојеја обидет мја.
6. Надјејушчијисја на силу своју, и о моножествје богатства својего хваљашчијисја.
7. Брат не избавит: избавит ли человјек; не даст Богу измјени за сја.
8. И цјену избављенија души својеја: и утрудисја во вјек.
9. И жив будет до конца, не узрит пагуби, јегда увидит премудрија умирајушчија.
10. Вкупје безумен и несмислен погибнут, и оставјат чуждим богатство своје.
11. И гроби их жилишча их во вјек, сељенија их в род и род: нарекоша имена своја на земљах.
12. И человјек в чести сиј не разумје, приложисја скотом несмисленим, и уподобисја им.
13. Сеј пут их соблазан им, и по сих во устјех својих благовољат.
14. Јако овци во адје положени сут, смерт упасет ја: и обладајут ими правији зајутра, и помошч их обетшајет во адје, от слави својеја изриновени биша.
15. Обаче Бог избавит душу моју из руки адови, јегда пријемљет мја.
16. Не убојсја, јегда разбогатјејет человјек, или јегда умножитсја слава дому јего.
17. Јако внегда умрети јему, не возмет всја, ниже снидет с њим слава јего.
18. Јако душа јего в животје јего благословитсја: исповјестсја Тебје, јегда благосотвориши јему.
19. Внидет даже до рода отец својих: даже до вјека не узрит свјета.
20. И человјек в чести сиј не разумје, приложисја скотом несмисленим, и уподобисја им. Слава:

Псалом 49.

1. Бог богов Господ глагоља, и призва зсмљу от восток солнца до запад.
2. От Сиона благољепије красоти Јего.
3. Бог јавје пријидет, Бог наш, и не премолчит: огањ пред Њим возгоритсја, окрест Јего бурја зјелна.
4. Призовите небо свише, и земљу, разсудити људи своја.
5. Соберите Јему преподобнија Јего, завјешчајушчија завјет Јего о жертвах.
6. И возвјестјат небеса правду Јего: јако Бог судија јест.
7. Услишите људије моји, и возглагољу вам, Израиљу, и засвидетељствују тебје: Бог, Бог твој јесам Аз.
8. Не о жертвах твојих обличу тја, всесожеженија же твоја предомноју сут вину.
9. Не пријиму от дому твојего телцев, пиже от стад твојих козлов.
10. Јако Моји сут вси звјерије дубравнији, скоти в горах и волове.
11. Познах всја птици небеснија, и красота селнаја со Мноју јест.
12. Ашче взалчу, не реку тебје: Моја бо јест всељенаја и исполњеније јеја.
13. Еда јам мјаса јунча: или кров козлов пију.
14. Пожру Богови жертву хвали, и воздажд Вишњсму молитви твоја.
15. И призови Мја в ден скорби твојеја, и изму тја, и прославиши Мја.
16. Грјешнику же рече Бог: вскују ти повједајеши оправданија Моја, и воспријемљеши завјет Мој уст твојими;
17. Ти же возненавидјел јеси наказаније, и отвергал јеси словеса Моја вспјат.
18. Ашче видјел јеси татја, текал јеси с њим, и с прељубодјејем участије твоје полагал јеси.
19. Уста твоја умножиша злобу, и јазик твој сплеташе лешченија:
20. Сједја на брата твојего клеветал јеси, и на сина матере твојеја полагал јеси соблазан.
21. Сија сотворил јеси, и умолчах, вознепшчевал јеси безаконије, јако буду тебје подобен: обличу тја и представљу пред лицем твојим грјехи твоја.
22. Разумјејте убо сија забивајушчији Бога, да не когда похитит, и не будет избављајај.
23. Жертва хвали прославит Мја, и тамо пут, имже јављу јему спасеније Моје.

Псалом 50.

1. Помилуј мја, Боже, по велицјеј милости Твојеј, и по множеству шчедрот Твојих очисти безаконије моје.
2. Најпаче омиј мја от безаконија мојего, и от грјеха мојего очисти мја.
3. Јако безаконије моје аз знају, и грјех мој предо мноју јест вину.
4. Тебје јединому согрјеших, и лукавоје пред Тобоју сотворих, јако да оправдишисја во словесјех Твојих, и побједиши внегда судити Ти.
5. Се бо в безаконијих зачат јесам, и во грјесјех роди мја мати моја.
6. Се бо истину возљубил јеси, безвјестнаја и тајнаја премудрости Твојеја јавил ми јеси.
7. Окропиши мја исопом, и очишчусја, омијеши мја, и паче сњега убјељусја.
8. Слуху мојему даси радост и всселије, возрадујутсја кости смиренија.
9. Отврати лице Твоје от грјех мојих, и всја безаконија моја очисти.
10. Сердце чисто созижди во мње, Боже, и дух прав обнови во утробје мојеј.
11. Не отвержи мене от лица Твојего, и Духа Твојего Свјатаго не отими от мене.
12. Воздажд ми радост спасенија Твојего, и духом владичним утверди мја.
13. Научу безаконија путем Твојим, и нечестивији к Тебје обратјатсја.
14. Избави мја от кровеј, Боже, Боже спасенија мојего, возрадујетсја јазик мој правдје Твојеј.
15. Господи, устње моји отверзеши, и уста моја возвјестјат хвалу Твоју.
16. Јако ашче би восхотјел јеси жертви, дал бих убо, всесожеженија не благоволиши.
17. Жертва Богу дух сокрушен, сердце сокрушено и смирено Бог не уничижит.
18. Ублажи, Господи, благовољенијем Твојим Сиона, и да созиждутсја стјени Јерусалимскија.
19. Тогда благоволиши жертву правди, возношеније и всесожигајемаја, тогда возложат на олтар Твој телци. Слава:

Псалом 51.

1. Что хвалишисја в злобје силне; безаконије вес ден.
2. Неправду умисли јазик твој: јако бритву изошчрену сотворил јеси лест.
3. Возљубил јеси злобу паче благостињи, неправду, њеже глагољати правду.
4. Возљубил јеси всја глаголи потопнија, јазик лестив.
5. Сего ради Бог разрушит тја до конца: восторгнет тја, и преселит тја от сељенија твојего, и корен твој от земљи живих.
6. Узрјат праведнији, и убојатсја, и о њем возсмјејутсја, и рекут:
7. Се человјек, иже не положи Бога помошчника себје, но упова на множество богатства својего, и возможе сујетоју својеју.
8. Аз же јако маслина плодовита в дому Божији: уповах на милост Божију во вјек, и во вјек вјека.
9. Исповјемсја Тебје во вјек, јако сотворил јеси: и терпљу имја Твоја, јако благо пред преподобними Твојими.

Псалом 52.

1. Рече безумен в сердцје својем: њест Бог: растљеша и омерзишасја в безаконијих, њест творјај благоје.
2. Бог с небесе приниче на сини человјеческија, видјети, ашче јест разумјевајај, или взискајај Бога;
3. Вси уклонишасја, вкупје непотребнији биша: њест творјај благоје, њест до јединаго.
4. Ни ли уразумјејут вси дјелајушчији безаконије, снједајушчији људи моја в снјед хлеба; Господа не призваша.
5. Тамо устрашишасја страха, идјеже не бје страх:
6. Јако Бог разсипа кости человјекоугодников: постидјешасја, јако Бог уничижи их.
7. Кто даст от Сиона спасеније Израиљево: внегда возвратит Бог пљененије људеј својих, возрадујетсја Јаков, и возвеселитсја Израиљ.

Псалом 53.

1. Боже во имја Твоје спаси мја, и в сиље Твојеј суди ми.
2. Боже услиши молитву моју, внуши глаголи уст мојих:
3. Јако чуждији восташа на мја, и крјепци взискаша душу моју, и не предложиша Бога пред собоју.
4. Се бо Бог помогајет ми, и Господ заступник души мојеј.
5. Отвратит злаја врагов мојим: истиноју Твојеју потреби их.
6. Вољеју пожру Тебје, исповемсја имени Твојему Господи, јако благо:
7. Јако от всјакија печали избавил мја јеси, и на враги моја возрје око моје.

Псалом 54.

1. Внуши Боже молитву моју, и не презри мољенија мојего.
2. Вонми ми, и услиши мја: возскорбјех печалију мојеју, и смјатохсја.
3. От гласа вражија, и от стуженија грјешнича: јако уклониша на мја безаконије, и во гњевје враждоваху ми.
4. Сердце моје смјатесја во мње, и бојазан смерти нападе на мја.
5. Страх и трепет пријиде на мја, и покри мја тама.
6. Се удаљихсја бјегаја, и водворихсја в пустињи.
7. Чајах Бога спасајушчаго мја от малодушија и от бури.
8. Потопи Господи, и раздјели јазики их, јако видјех безаконије и прерјеканије во градје.
9. Днем и ношчију обидет их по стјенам јего: безаконије и труд посредје јего, и неправда:
10. И не оскудје от стогн јего лихва и лест.
11. Јако ашче би враг поносил ми, претерпјел бих убо: и ашче би ненавидјај мја на мја велерјечевал, укрилбихсја от њего.
12. Ти же человјече равнодушне, владико мој и знајемиј мој,
13. Иже купно наслаждалсја јеси со мноју брашен: в дому Божији ходихом јединомишљенијем.
14. Да пријидет же смерт на ња, и да снидут во ад живи: јако лукавство в жилишчах их, посредје их.
15. Аз к Богу возвах, и Господ услиша мја.
16. Вечер и зајутра и полудне повјем, и возвјешчу, и услишит глас мој.
17. Избавит миром душу моју от приближајушчихсја мње: јако во мнозје бјаху со мноју.
18. Услишит Бог, и смирит ја сиј прежде вјек: њест бо им измјењенија, јако не убојашасја Бога.
19. Простре руку своју на воздајаније: оскверниша завјет Јего.
20. Раздјелишасја от гњева лица Јего, и приближишасја сердца их: умјакнуша словеса их паче јелеја, и та сут стрјели.
21. Возверзи на Господа печал твоју, и Тој тја препитајет: не даст во вјек молви праведнику.
22. Ти же Боже низведеши их во студенец истљенија: мужије кровеј и лести непреполовјат днеј својих: аз же Господи уповају на Тја. Слава:

КАТИЗМА 8.

Псалом 55.

1. Помилуј мја Боже, јако попра мја человјек: вес ден борја стужи ми.
2. Попраша мја врази моји вес ден: јако мнози борјушчији мја с висоти.
3. В ден не убојусја, аз же уповају на Тја.
4. О Бозје похваљу словеса моја: на Бога уповах, не убојусја, что сотворит мње плот.
5. Вес ден словес мојих гпушахусја: на мја всја помишљенија их на зло.
6. Всељатсја и скријут: тији пјату моју сохрањат, јакоже потерпјеша душу моју.
7. Ни о чесомже отринеши ја, гњевом људи низведеши.
8. Боже, живот мој возвјестих Тебје: положил јеси слези моја пред Тобоју, јако и во објетованији Твојем.
9. Да возвратјатсја врази моји вспјат, в оњже ашче ден призову Тја: се познах, јако Бог мој јеси Ти.
10. О Бозје похваљу глагол: о Господје похваљу слово.
11. На Бога уповах, не убојусја, что сотворит мње человјек.
12. Во мње Боже молитви, јаже воздам хвали Твојеја:
13. Јако избавил јеси душу моју от смерти, очи моји от слез, и нозје моји от поползновенија, благоугожду пред Господем во свјетје живих.

Псалом 56.

1. Помилуј мја Боже, помилуј мја: јако на Тја упова душа моја, и на сјен крилу Твојеју надјејусја, дондеже прејдет безаконије.
2. Возову к Богу Вишњему, Богу благодјејавшему мње.
3. Посла с небесе и спасе мја, даде в поношеније попирајушчија мја: посла Бог милост своју и истину своју.
4. И избави душу моју от среди скимнов, поспах смушчен: синове человјечестији, зуби их оружија и стрјели, и јазик их меч оштар.
5. Вознесисја на небеса Боже, и по всеј земљи слава Твоја.
6. Сјет уготоваша ногам мојим, и сљакоша душу моју: ископаша пред лицем мојим јаму, и впадоша в њу.
7. Готово сердце моје Боже, готово сердце моје: воспоју и поју во славје мојеј.
8. Востани слава моја, востани псалтирју и гусли: востану рано.
9. Исповјемсја Тебје в људех Господи, воспоју Тебје во јазицјех:
10. Јако возвеличисја до небес милост Твоја, и даже да облак истина Твоја.
11. Вознесисја на небеса Боже, и по всеј земљи слава Твоја.

Псалом 57.

1. Ашче воистину убо правду глагољете, праваја судите синове человјечестији;
2. Ибо в сердцје безаконије дјелајете на земљи: неправду руки вашја сплетајут.
3. Очуждишасја грјешници от ложесан заблудиша от чрева, глагољаша лажу.
4. Јарост их по подобију змијину, јако аспида глуха и затикајушчаго уши своји,
5. Иже не услишит гласа обавајушчих, обавајем обавајетсја от премудра.
6. Бог сокрушит зуби их во устјех их: членовнија лавов сокрушил јест Господ.
7. Уничижатсја јако вода мимотекушчаја: напрјажет лук свој, дондеже изнемогут.
8. Јако воск растајав отимутсја: паде огањ на њих, и нс видјеша солнца.
9. Прежде јеже разумјети тернија вашего рамна, јако живи, јако во гњевје пожрет ја.
10. Возвеселитсја праведник, јегда увидит отмишченије: руцје своји умијет в крови грјешника.
11. И речет человјек: ашче убо јест плод праведнику; убо јест Бог судја им на земљи. Слава:

Псалом 58.

1. Изми мја от враг мојих Боже, и от востајушчих на мја избави мја.
2. Избави мја от дјелајушчих безаконије, и от муж кровеј спаси мја.
3. Јако се уловиша душу моју, нападоша на мја крјепцији: ниже безаконије моје, ниже грјех мој, Господи.
4. Без безаконија текох и исправих: востани в срјетеније моје, и вижд.
5. И Ти Господи Боже сил, Боже Израиљев, вонми посјетити всја јазики: да не ушчедриши всја дјелајушчија безаконије.
6. Возвратјатсја на вечер, и взалчут јако пес, и обидут град.
7. Се тији отвјешчајут уст својими, и меч во устнах их: јако кто слиша;
8. И Ти Господи посмјејешисја им, уничижиши всја јазики.
9. Державу моју к Тебје сохрању: јако Ти Боже заступник мој јеси.
10. Бог мој, милост Јего предварит мја: Бог мој, јавит мње на вразјех мојих.
11. Не убиј их, да не когда забудут закон Твој: расточи ја силоју Твојеју, и низведи ја, зашчитниче мој Господи.
12. Грјех уст их, слово устен их: и јати да будут в гордињи својеј, и от кљатви и лажи возвјестјатсја в кончиње.
13. Во гњевје кончини, и не будут: и увједјат, јако Бог владичествујет Јаковом, и конци земљи.
14. Возвратјатсја на вечер, и взалчут јако пес, и обидут град.
15. Тији разидутсја јасти: ашче ли же не наситјатсја, и порошнчут.
16. Аз же воспоју силу Твоју, и возрадујусја зајутра о милости Твојеј: јако бил јеси заступник мој, и прибјежишче моје в ден скорби мојеја.
17. Помошчник мој јеси, Тебје поју: јако Бог заступник мој јеси, Боже мој, милост моја.

Псалом 59.

1. Боже, отринул ни јеси, и низложил јеси нас: разгњевалсја јеси, и ушчедрил јеси нас.
2. Стрјасал јеси земљу, и смутил јеси ју: исцјели сокрушеније јеја, јако подвижесја.
3. Показал јеси људем Твојим жестокаја: напојил јеси нас вином умиљенија.
4. Дал јеси бојашчимсја Тебе знаменије, јеже убјежати от лица лука.
5. Јако да избавјатсја возљубљенији Твоји, спаси десницеју Твојеју и услиши мја.
6. Бог возглагоља во свјатјем својем: возрадујусја, и раздјељу Сикиму, и Јудол жилишч размјерју.
7. Мој јест Галад, и мој јест Манасиј, и Јефрем крјепост глави Мојеја, Јуда цар Мој.
8. Моав коноб упованија Мојего, на Идумеју простру сапог Мој: Мње ипоплеменици покоришасја.
9. Кто воведет мја во град огражденија; или кто наставит мја до Идумеји;
10. Не Ти ли Боже, отринувиј нас; и не изидеши Боже в силах наших;
11. Дажд нам помошч от скорби; и сујетно спасеније человјеческо,
12. О Бозје сотворим силу, и Тој уничижит стужајушчија нам.

Псалом 60.

1. Услиши Боже мољеније моје, вонми молитвје мојеј:
2. От конец земљи к Тебје возвах, внегда уни сердце моје: на камен вознесал мја јеси, наставил мја јеси.
3. Јако бил јеси упованије моје, столп крјепости от лица вражија.
4. Всељусја в сељенији Твојем во вјеки: покријусја в кровје крил Твојих.
5. Јако Ти Боже услишил јеси молитви моја: дал јеси достојаније бојашчимсја имене Твојего.
6. Дни на дни цареви приложиши: љета јего до дне рода.
7. Пребудет во вјек пред Богом: милост и истину Јего взишчет;
8. Тако воспоју имени Твојему во вјеки, воздати ми молитви моја ден от дне. Слава:

Псалом 61.

1. Не Богу ли повинетсја душа моја; от Того бо спасеније моје.
2. Ибо Тој Бог мој, и спас мој, заступник мој: не подвижусја најпаче.
3. Докоље належите на человјека; убивајете вси ви, јако стјење преклонење и оплоту возриновену;
4. Обаче цјену моју совјешчаша отринути, текоша в жажди: уст својими благословљаху, и сердцем својим клењаху.
5. Обаче Богови повинисја душе моја: јако от Того терпјеније моје.
6. Ибо тој Бог мој, спас мој, заступник мој: пе пресељусја.
7. О Бозје спасеније моје и слава моја; Бог помошчи мојеја, и упованије моје на Бога.
8. Уповајте на Њего вес сонм људеј, излијајте пред Њим сердца ваша: јако Бог помошчник наш.
9. Обаче сујетни синове человјечестији, лаживи синове человјечестији, в мјериљех јеже неправдовати, тији от сујети вкупје.
10. Не уповајте на неправду, и на восхишченије не желајте: богатство ашче течет, не прилагајте сердца.
11. Јединоју глагоља Бог, двоја сија слишах: зане держава Божија.
12. И Твоја Господи милост: јако Ти воздаси комуждо по дјелом јего.

Псалом 62.

1. Боже, Боже мој, к Тебје јутрењују: возжада Тебе душа моја, кољ множицеју Тебје плот моја, в земљи пустје, и непроходње, и безводње.
2. Тако во свјатјем јавихсја Тебје видјети силу Твоју и славу Твоју.
3. Јако лучши милост Твоја паче живот: устње моји похвалитје Тја.
4. Тако благословљу Тја в животје мојем, о имени Твојем воздјежу руцје моји.
5. Јако от тука и масти да исполнитсја душа моја: и устнама радости восхваљат Тја уста моја.
6. Ашче поминах Тја па постељи мојеј: на јутрених поучахсја в Тја.
7. Јако бил јеси помошчник мој, и в кровје крилу Твојеју возрадујусја.
8. Прилпе душа моја по Тебје, мене же пријат десница Твоја.
9. Тији же всује искаша душу моју: внидут в преисподњаја земљи.
10. Предадјатсја в руки оружија: части лисовом будут.
11. Цар же возвеселитсја о Бозје: похвалитсја всјак кленијсја им: јако заградишасја уста глагољушчих неправеднаја.

Псалом 63.

1. Услиши Боже глас мој, внегда молимтисја к Тебје: от страха вражија изми душу моју.
2. Покриј мја от сонма лукавнујушчих, от множества дјелајушчијих неправду.
3. Иже изостриша јако меч јазики своја, напрјагоша лук свој, вешч горку.
4. Сострјељати в тајних непорочна: внезапу сострјељајут јего, и не убојатсја.
5. Утвердиша себје слово лукавноје: повједаша скрити сјет, рјеша: кто узрит их;
6. Испиташа безаконије: исчезоша испитајушчији испитанија: приступит человјек, и сердце глубоко.
7. И вознесетсја Бог: стрјели младенец биша јазви их.
8. И изнемогоша на ња јазици их, смутишасја вси видјашчији их.
9. И убојасја всјак человјек: и возвјестиша дјела Божија, и творенија Јего разумјеша.
10. Возвеселитсја праведник о Господје, и уповајет на Њего, и похваљатсја вси правији сердцем. Слава:

КАТИЗМА 9.

Псалом 64.

1. Тебје подобајет пјесан Боже в Сиоње, и Тебје воздатсја молитва во Јерусалимје.
2. Услиши молитву моју: к Тебје всјака плот пријидет.
3. Словеса безаконик премогоша нас, и нечестија наша Ти очистиши.
4. Блажен, јегоже избрал јеси и пријал, вселитсја во дворјех Твојих: исполнимсја во благих дому Твојего: свјат храм Твој,
5. Дивен в правдје, услиши ни Боже Спаситељу паш, упованије всјех концеј земљи, и сушчих в мори далече.
6. Уготовљајај гори крјепостију својеју, препојасан силоју:
7. Смушчајај глубину морскују, шуму волн јего кто постојит; смјатутсја јазици.
8. И убојатсја живушчији в копцах от знаменији Твојих: исходи јутра и вечера украсиши.
9. Посјетил јеси земљу, и упојил јеси ју, умножил јеси обогатити ју: рјека Божија наполнисја вод: уготовал јеси пишчу им, јако тако јест уготованије.
10. Бразди јеја упој, умножи жита јеја, в капљах јеја возвеселитсја возсијајушчи.
11. Благословиши вјенец љета благости Твојеја, и поља Твоја исполњатсја тука.
12. Разботјејут краснаја пустињи, и радостију холми препојашутсја.
13. Одјејашасја овни овчији, и удолија умножат пшеницу: возовут, ибо воспојут.

Псалом 65.

1. Воскликните Господеви всја земља, појте же имени Јего, дадите славу хваље Јего.
2. Реците Богу: кољ страшна дјела Твоја: во множествје сили Твојеја солжут Тебје врази Твоји.
3. Всја земља да поклонитсја Тебје, и појет Тебје: да појет же имени Твојему Вишњиј.
4. Придите и видите дјела Божија, кољ страшен во совјетјех паче синов человјеческих.
5. Обрашчајај море в сушу, в рјецје пројдут ногами: тамо возвеселимсја о Њем.
6. Владичествујушчем силоју својеју вјеком: очи Јего на јазики призирајетје: преогорчевајушчији да не возносјатсја в себје.
7. Благословите јазици Бога нашего, и услишан сотворите глас хвали Јего:
8. Положшаго душу моју в живот, и не давшаго во смјатеније ног мојих.
9. Јако искусил ни јеси Боже, разжегал ни јеси, јакоже разжизајетсја сребро.
10. Вовел ни јеси в сјет: положил јеси скорби на хребтје нашем.
11. Возвел јеси человјеки на глави нашја: проидохом сквозје огањ и воду, и извел јеси ни в покој.
12. Вниду в дом Твој со всесожеженијем: воздам Тебје молитви моја,
13. Јаже изрекостје устње моји, и глагољаша уста моја в скорби мојеј.
14. Всесожеженија тучна вознесу Тебје с кадилом и овни, вознесу Тебје воли с козли.
15. Придите услишите, и повјем вам, вси бојашчијисја Бога, јелика сотвори души мојеј.
16. К Њему уст мојими возвах, и вознесох под јазиком мојим.
17. Неправду ашче узрјех в сердцје мојем, да не услишит мене Господ:
18. Сего ради услиша мја Бог, вњат гласу мољенија мојего.
19. Благословен Бог, иже не остави молитву моју, и милост своју от мене.

Псалом 66.

1. Боже ушчедри ни, и благослови ни, просвјети лице Твоје на ни, и помилуј ни.
2. Познати на земљи пут Твој, во всјех јазицјех спасеније Твоје.
3. Да исповједјатсја Тебје људије Боже: да исповједјатсја Тебје људије вси.
4. Да возвесељатсја, и да возрадујутсја јазици: јако судиши људем правотоју, и јазики на земљи наставиши.
5. Да исповједјатсја Тебје људије Боже: да исповједатсја Тебје људије вси.
6. Земља даде плод свој: благослови ни Боже, Боже наш.
7. Благослови ни Боже: и да убојатсја Јего вси конци земљи. Слава:

Псалом 67.

1. Да воскреснет Бог, и расточатсја врази Јего, и да бјежат от лица Јего ненавидјашчији Јего.
2. Јако исчезајет дим, да исчезнут: јако тајет восак от лица огња, тако да погибнут грјешници от лица Божија,
3. А праведници да возвесељатсја: да возрадујутсја пред Богом, да насладјатсја во веселији.
4. Воспојте Богу, појте имени Јего: путесотворите возшедшему на запади, Господ имја Јему: и радујтесја пред Њим.
5. Да смјатутсја от лица Јего, оца сирих, и судиј вдовиц. Бог во мјестје свјатјем својем.
6. Бог всељајет јединомисленија в дом, изводја окованија мужеством, такожде преогорчевајушчија живушчија во гробјех.
7. Боже, внегда исходити Тебје пред људми Твојими, внегда мимоходити Тебје в пустињи:
8. Земља потрјасесја, ибо небеса кануша от лица Бога Синаина, от лица Бога Израиљева.
9. Дожд вољен отлучиши Боже достојанију Твојему, и изнеможе, Ти же совершил јеси је.
10. Животнаја Твоја живут на њеј: уготовал јеси благостију Твојеју нишчему Боже.
11. Господ даст глагол благовјествујушчим силоју многоју.
12. Цар сил возљубљенаго, красотоју дому раздјелити користи:
13. Ашче поспите посредје предјел, криље голубиње посребрење, и междорамија јеја в блешчанији злата:
14. Внегда разниствит небесниј цари на њеј, осњежатсја в Селмоње.
15. Гора Божија, гора тучнаја, гора усиренаја, гора тучнаја.
16. Вскују непшчујете гори усиренаја; гора, јуже благоволи Бог жити в њеј: ибо Бог вселитсја до конца.
17. Колесница Божија тмами тем, тисјашча гобзујушчих: Господ в њих в Синај во свјатјем.
18. Возшел јеси на висоту, пљенил јеси пљен: пријал јеси дајанија в человјецјех, ибо непокарјајушчијасја, јеже вселитисја.
19. Господ Бог благословен, благословен Господ ден дне: поспјешит нам Бог спасенији наших.
20. Бог наш, Бог јеже спасати: и Господња Господња исходишча смертнаја.
21. Обаче Бог сокрушит глави врагов својих, верх влас преходјашчих в прегрјешенијих својих.
22. Рече Господ: от Васана обрашчу, обрашчу во глубинах морских:
23. Јако да омочитсја нога твоја в крови, јазик пес твојих от враг от њего.
24. Видјена биша шествија Твоја Боже, шествија Бога мојего Царја, иже во свјатјем.
25. Предвариша књази близ појушчих, посредје дјев тимпаниц.
26. В церквах благословите Бога, Господа от источник Израиљевих.
27. Тамо Венијамин јуњејшиј во ужасје, књази Јудови владики их, књази Завулони; књази Нефталимли.
28. Заповјежд Боже силоју Твојеју, укрјепи Боже сије, јеже содјелал јеси в нас.
29. От храма Твојего во Јерусалим Тебје принесут царије дари.
30. Запрети звјерем тростним: сонм јунец в јуницах људских, јеже затворити искушенија сребром; расточи јазики хотјашчија бранем.
31. Пријидут молитвеници от Египта: Етиопија предварит руку своју к Богу.
32. Царствија земнаја појте Богу, воспојте Господеви,
33. Возшедшему на небо небесе на востоки: се даст гласу својему глас сили.
34. Дадите славу Богови: на Израиљи велељепота Јего, и сила Јего на облацјех.
35. Дивен Бог во свјатих својих, Бог Израиљев: Тој даст силу и державу људем својим: благословен Бог. Слава:

Псалом 68.

1. Спаси мја Боже, јако внидоша води до души мојеја.
2. Угљебох в тимјенији глубини морскија, и бурја потопи мја.
3. Утрудихсја зовиј, измолче гортан мој, исчезостје очи моји, от јеже уповати ми на Бога мојего.
4. Умножишасја паче влас глави мојеја ненавидјашчији мја туне: укрјепишасја врази моји, изгоњашчији мја неправедно: јаже не восхишчах, тогда воздајах.
5. Боже Ти увједјел јеси безумије моје, и прегрјешенија моја от Тебе не утајишасја.
6. Да не постидјатсја о мње терпјашчији Тебе Господи, Господи сил: ниже да посрамјатсја о мње ишчушчији Тебе Боже Израиљев.
7. Јако Тебе ради претерпјех поношеније, покри срамота лице моје.
8. Чужд бих братији мојеј, и странен синовом матере мојеја.
9. Јако ревност дому Твојего снједе мја, и поношенија поносјашчих Ти нападоша на мја.
10. И покрих постом душу моју, и бист в поношеније мње.
11. И положих одјејаније моје вретишче, и бих им в притчу.
12. О мње глумљахусја сједјашчији во вратјех, и о мње појаху пијушчији вино.
13. Аз же молитвоју мојеју к Тебје Боже: времја благовољенија, Боже во множествје милости Твојеја услиши мја, во истиње спасенија Твојего.
14. Спаси мја от бренија, да не угљебну: да избављусја от ненавидјашчих мја, и от глубоких вод.
15. Да не потопит мене бурја воднаја, ниже да пожрет мене глубина, ниже сведет о мње ровеник уст својих.
16. Услиши мја Господи, јако блага милост Твоја: по множеству шчедрот Твојих призри на мја.
17. Не отврати лица Твојего от отрока Твојего: јако скорбљу, скоро услиши мја.
18. Вонми души мојеј, и избави ју: враг мојих ради избави мја.
19. Ти бо вјеси поношеније моје, и студ мој, и срамоту моју: пред Тобоју вси оскорбљајушчији мја.
20. Поношеније чајаше душа моја и страст: и ждах соскорбјашчаго, и не бје, и утјешајушчих, и не обрјетох.
21. И даша в снјед Моју желч, и в жажду Моју напојиша оцта.
22. Да будет трапеза их пред њими в сјет, и во воздајаније и в соблазан.
23. Да помрачатсја очи их јеже не видјети, и хребет их вину сљаци.
24. Пролеј на ња гњев Твој, и јарост гњева Твојего да постигнет их.
25. Да будет двор их пуст, и в жилишчах их да не будет живиј:
26. Зане јегоже Ти поразил јеси, тији погнаша, и к бољезни јазви мојих приложиша.
27. Приложи безаконије к безаконију их, и да не внидут в правду Твоју.
28. Да потребјатсја от књиги живих, и с праведними да не напишутсја.
29. Нишч и бољај јесам аз: спасеније Твоје Боже да пријимет мја.
30. Восхваљу имја Бога мојего с пјеснију, возвеличу Јего во хваљенији:
31. И угодно будет Богу паче телца јуна, роги износјашча и пазнокти.
32. Да узрјат нишчији и возвесељатсја: взишчите Бога, и жива будет душа ваша.
33. Јако услиша убогија Господ, и окованија своја не уничижи.
34. Да восхваљат Јего небеса и земља, море и всја живушчаја в њем.
35. Јако Бог спасет Сиопа, и созиждутсја гради Јудејстији: и всељатсја тамо, и насљедјат их.
36. И сјемја рабов Твојих удержит их, и љубљашчији имја Твоје всељатсја в њем.

Псалом 69.

1. Боже, в помошч моју вонми: Господи помошчи ми потшчисја.
2. Да постидјатсја и посрамјатсја ишчушији душу моју, да возвратјатсја вспјат, и постидјатсја, хотјашчији ми злаја.
3. Да возвратјатсја абије стидјашчесја глагољушчији ми, благоже благоже.
4. Да возрадујутсја и возвесељатсја о Тебје вси ушчушчији Тебе Боже: и да глагољут вину, да возвеличитсја Господ, љубљашчији спасеније Твоје.
5. Аз же нишч јесам и убог, Боже помози ми: помошчник мој, и избавитељ мој јеси Ти, Господи не закосни. Слава:

КАТИЗМА 10.

Псалом 70.

1. На Тја Господи уповах, да не постижусја во вјек.
2. Правдоју Твојеју избави мја, и изми мја: приклони ко мње ухо Твоје, и спаси мја.
3. Буди ми в Бога зашчититеља, и в мјесто крјепко спасти мја: јако утвержденије моје, и прибјежишче моје јеси Ти.
4. Боже мој, избави мја из руки грјешнаго, из руки законопреступнаго и обидјашчаго:
5. Јако Ти јеси терпјеније моје Господи, Господи упованије моје от јуности мојеја.
6. В Тебје утвердихсја от утроби, от чрева матере мојеја Ти јеси мој покровитељ: о Тебје пјеније моје вину.
7. Јако чудо бих многим: и Ти помошчник мој крјепок.
8. Да исполњатсја уста моја хваљенија, јако да воспоју славу Твоју, вес ден великољепије Твоје.
9. Не отвержи мене во времја старости: внегда оскудјевати крјепости мојеј, не остави мене.
10. Јако рјеша врази моји мње, и стрегушчији душу моју совјешчаша вкупје.
11. Глагољушче: Бог оставил јест јего, пожените и измите јего, јако њест избављајај.
12. Боже мој не удаљисја от мене, Боже мој в помошч моју вонми.
13. Да постидјатсја и изчезнут оклеветајушчији душу моју: да облекутсја в студ и срам ишчушчији злаја мње.
14. Аз же всегда возуповају на Тја, и приложу на всјаку похвалу Твоју.
15. Уста моја возвјестјат правду Твоју, вес ден спасеније Твоје, јако не познах књижнаја.
16. Вниду в сиље Господњи: Господи, помјану правду Тебе јединаго.
17. Боже мој, имже научил мја јеси от јуности мојеја, и до ниње возвјешчу чудеса Твоја:
18. И даже до старости и престарјенија, Боже мој не остави мене, дондеже возвјешчу мишцу Твоју роду всему грјадушчему.
19. Силу Твоју и правду Твоју, Боже, даже до вишњих, јаже сотворил ми јеси величија, Боже, кто подобен Тебје;
20. Јелика јавил ми јеси скорби многи и зли: и обрашчасја оживотворил мја јеси, и от бездан земљи возвел мја јеси.
21. Умножил јеси на мње величествије Твоје, и обрашчасја утјешил мја јеси, и от бездан земљи паки возвел мја јеси.
22. Ибо аз исповјемсја Тебје в људех Господи, во сосудјех псаломских истину Твоју, Боже, воспоју Тебје в гуслех, Свјатиј Израиљев.
23. Возрадујетсја устње моји, јегда воспоју Тебје, и душа моја, јуже јеси избавил:
24. Јешче же и јазик мој вес ден поучитсја правдје Твојеј, јегда постидјатсја и посрамјатсја ишчушчији злаја мње.

Псалом 71.

1. Боже суд Твој цареви дажд, и иравду Твоју сину цареву:
2. Судити људем Твојим в правдје, и нишчим Твојим в судје.
3. Да воспријимут гори мир људем и холми правду:
4. Судит нишчим људским, и спасет сини убогих, и смирит клеветника.
5. И пребудет со солнцсм, и прежде луни рода родов.
6. Снидет јако дожд на руно, и јако капља капљушчаја на земљу.
7. Возсијајет во днех Јего правда, и множество мира, дондеже отиметсја луна.
8. И обладајет от морја до морја, и от рјек до конец всељенија.
9. Пред Њим припадут Етиопљане, и врази Јего перст полижут:
10. Царије Тарсистији и острови дари принесут, царије Аравстији и Сава дари приведут:
11. И поклоњатсја Јему вси царије земстији, вси јазици поработајут Јему.
12. Јако избави нишча от силна, и убога, јемуже не бје помошчника.
13. Пошчадит нишча и убога, и души убогих спасет.
14. От лихви и от неправди избавит души их, и честно имја Јего пред њими.
15. И жив будет, и дастсја Јему от злата Аравијска: и помољатсја о Њем вину: вес ден благословјат Јего.
16. Будет утвержденије на земљи на версјех гори, превознесетсја паче Ливана плод Јего: и процвјетут от града јако трава земнаја.
17. Будет имја Јего благословено во вјеки, прежде солнца пребивајет имја Јего: и благословјатсја в Њем всја кољена земнаја, вси јазици ублажат Јего.
18. Благословен Господ Бог Израиљев, творјај чудеса једин.
19. И благословено имја слави Јего во вјек, и во вјек вјека: и исполнитсја слави Јего всја земља: буди, буди. Слава:

Псалом 72.

1. Кољ благ Бог Израиљев, правим сердцем.
2. Мој же вмаље не подвижастјесја позје, вмаље не пролијашасја стопи моја.
3. Јако возревновах на безаконија, мир грјешников зрја.
4. Јако њест восклоњенија в смерти их, и утвержденија в ранје их.
5. В трулјех человјеческих не сут, и с человјеки не пријимут рани.
6. Сего ради удержа ја гордиња их до конца, одјејашасја неправдоју и нечестијем својим.
7. Изидет јако из тука неправда их, преидоша в љубов сердца.
8. Помислиша и глагољаша в лукавствје, неправду в висоту глагољаша.
9. Положиша на небеси уста своја, и јазик их прејде по земљи.
10. Сего ради обратјатсја људије моји сјемо, и дније исполњени обрјашчутсја вњих.
11. И рјеша: како увједје Бог, и ашче јест разум во Вишњем.
12. Се сиј грјешници, и гобзујушчији во вјек, удержаша богатство.
13. И рјех: Еда всује оправдих сердце моје, и умих в неповинених руцје моји.
14. И бих јазвен вес ден, и обличеније моје на јутрених.
15. Ашче глагољах, повјем тако: се роду синов твојих, јемуже објешчахсја.
16. И непшчевах разумјети, сије труд јест предомноју.
17. Дондеже вниду во свјатило Божије, и разумјеју в посљедњаја их.
18. Обаче за лешченија их положил јеси им злаја, низложил јеси ја, внегда разгорјешасја.
19. Како биша во запустјеније, внезапу изчезоша, погибоша за безаконије своје.
20. Јако соније востајушчаго, Господи во градје Твојем образ их уничижиши.
21. Јако разжежесја сердце моје, и утроби моја измјенишасја.
22. И аз уничижен, и не разумјех, скотен бих у Тебе.
23. И аз вину с Тобоју, удержал јеси руку деснују моју.
24. И совјетом Твојим наставил мја јеси, и со славоју пријал мја јеси.
25. Что бо ми јест на небеси, и от Тебе что восхотјех на земљи.
26. Исчезе сердце моје и плот моја, Боже сердца мојего, и част моја Боже во вјек.
27. Јако се удаљајушчији себе от Тебе, погибнут, потребил јеси всјакаго љубодјејушчаго от Тебе.
28. Мње же приљепљатисја Богови благо јест, полагати на Господа упованије моје, возвјестити ми всја хвали Твоја во вратјех дшчере Сиони.

Псалом 73.

1. Вскују Боже отринул јеси до конца, разгњевасја јарост Твоја на овци пажити Твојеја.
2. Помјани сонм Твој, јегоже стјажал јеси исперва, избавил јеси жезлом достојанија Твојего, гора Сион сија, в њејже вселилсја јеси.
3. Воздвигни руцје Твоји на гордињи их в конец, јелика лукавнова враг во свјатјем Твојем.
4. И восхвалишасја ненавидјашчији Тја посредје праздника Твојего, положиша знаменија своја, знаменија, и не познаша.
5. Јако во исходје превише, јако в дубравје древјање сјекирами разсјекоша.
6. Двери јего вкупје, сјечивом и оскордом разрушиша ја.
7. Возжегоша огњем свјатило Твоје, на земљи оскверниша жилишче имене Твојего.
8. Рјеша в сердцје својем јужики их вкупје, придите и оставим всја праздники Божија от земљи.
9. Знаменија их ме видјехом, њест ктому пророка, и нас не познајет ктому.
10. Докоље Боже поносит враг, раздражит противниј имја Твоје до конца.
11. Вскују отврашчајеши руку Твоју, и десницу Твоју от среди њедра Твојего в конец.
12. Бог же Цар наш прежде вјека, содјела спасеније посредје земљи.
13. Ти утвердил јеси силоју Твојеју море, Ти стерл јеси глави змијев во водје.
14. Ти сокрушил јеси главу змијеву, дал јеси того брашно људем Етиопским.
15. Ти расторгал јеси источники и потоки, Ти изсушил јеси рјеки Итамскија.
16. Твој јест ден, и Твоја јест ношч, Ти совершил јеси зарју и солнце.
17. Ти сотворил јеси всја предјели земљи: жатву и весну Ти создал јеси ја.
18. Помјани сија: враг поноси Господеви, и људије безумнији раздражиша имја Твоје.
19. Не предажд звјерјем душу исповједајушчујусја Тебје, души убогих Твојих не забуди до конца.
20. Призри на завјет Твој, јако исполнишасја помраченији земљи домов безакониј.
21. Да не возвратитсја смирениј посрамљен, нишч и убог восхвалит имја Твоје.
22. Востани Боже, суди прју Твоју, помјани поношеније Твоје, јеже безумнаго вес ден.
23. Не забуди гласа молитвеник Твојих, гордиња ненавидјашчих Тја взиде вину. Слава:

Псалом 74.

1. Исповјемсја Тебје Боже, исповјемсја Тебје, и призовем имја Твоје, повјем всја чудеса Твоја.
2. Јегда пријиму времја, Аз правоти возсужду.
3. Растајасја земља и вси живушчији на њеј, Аз утвердих столпи јеја.
4. Рјех безаконујушчим, не безаконујте, и согрјешајушчим, не возносите рога.
5. Не воздвизајте на висоту рога вашего, и не глагољите на Бога неправду.
6. Јако ниже от исход, ниже от запад, ниже од пустих гори.
7. Јако Бог судија јест, сего смирајет, и сего возносит.
8. Јако чаша в руцје Господњи, вина нерастворена, исполн растворенија, и уклони от сеја в сију: обаче дрождије јего не истошчисја, испијут вси грјешнији земљи.
9. Аз же возрадујусја во вјек, воспоју Богу Јаковљу.
10. И всја роги грјешних сломљу, и вознесетсја рог праведнаго.

Псалом 75.

1. Вједом во Јудеји Бог, во Израиљи велије имја Јего.
2. И бист в мирје мјесто Јего, и жилишче Јего во Сиоње.
3. Тамо сокруши крјепости луков, оружије и меч и бран.
4. Просвјешчајеши ти дивно от гори вјечних.
5. Смјатошасја вси неразумнији сердцем, уснуша сном својим, и ничтоже обрјетоша вси мужије богатства в руках својих.
6. От запрешченија Твојего Боже Јаковаљ, воздремаша всједшији на коњи.
7. Ти страшен јеси, и кто противстанет Тебје, отоље гњев Твој.
8. С небесе слишан сотворил јеси суд, земља убојасја и умолча.
9. Внегда востати на суд Богу, спасти всја кроткија земљи.
10. Јако помишљеније человјеческоје исповјестсја Тебје, и останок помишљенија празднујет Ти.
11. Помолитесја и воздадите Господеви Богу нашему, вси иже окрест Јего принесут дари.
12. Страшному и отемљајушчему духи књазеј, страшному паче цареј земних.

Псалом 76.

1. Гласом мојим ко Господу возвах, гласом мојим к Богу, и вњат ми.
2. В ден скорби мојеја Бога взисках рукама мојима, ношчију пред Њим, и не прелешчен бих, отвержесја утјешитисја душа моја.
3. Помјанух Бога, и возвеселихсја, поглумљахсја, и малодушестоваше дух мој.
4. Предваристје стражби очи моји, смјатохсја и не глагољах.
5. Помислих дни первија, и љета вјечнаја помјанух, и поучахсја.
6. Ношчију сердцем мојим глумљахсја, и тужаше дух мој.
7. Еда во вјеки отринут Господ, и не приложит благоволити паки.
8. Или до конца милост своју отсјечет, сконча глагол от рода в род.
9. Еда забудет ушчедрити Бог, или удержит во гњевје својем шчедроти своја.
10. И рјех: ниње начах, сија измјена десници Вишњаго.
11. Помјанух дјела Господња, јако помјану от начала чудеса Твоја.
12. И поучусја во всјех дјељех Твојих, и в начинанијих Твојих поглумљусја.
13. Божс во свјатјем пут Твој, кто Бог велиј јако Бог наш.
14. Ти јеси Бог творјај чудеса, сказал јеси в људех силу Твоју.
15. Избавил јеси мишцеју Твојеју људи Твоја, сини Јаковљи и Јосифови.
16. Видјеша Тја води Боже, видјеша Тја води, и убојашасја, смјатошасја бездни.
17. Множество шума води, глас даша облаци, ибо стрјели Твоја преходјат.
18. Глас грома Твојего в колеси, освјетиша молнија Твоја всељенују, подвижесја и трепетна бист земља.
19. В мори путије Твоји, и стези Твоји во водах многих, и сљеди Твоја не познајутсја.
20. Наставил јеси јако овци људи Твоја, рукоју Мојсијевоју и Аронеју. Слава:

КАТИЗМА 11.

Псалом 77.

1. Внемљите људије моји закону мојему, приклоните ухо ваше во глаголи уст мојих.
2. Отверзу в притчах уста моја, провјешчају гананија исперва.
3. Јелика слишахом и познахом ја, и оци наши повједаша нам.
4. Не утајишасја от чад их в род ин, возвјешчајушче хвали Господњи, и сили Јего, и чудеса Јего јаже сотвори.
5. И воздвиже свидјеније во Јаковје, и закон положи во Израиљи, јелика заповједа оцем нашим, сказати ја синовом својим.
6. Јако да познајет род ин синове родјашчијисја, и востанут и повједјат ја синовом својим.
7. Да положат на Бога упованије своје, и не забудут дјел Божијих, и заповједи Јего взишчут.
8. Да не будут јакоже оци их род строптив и преогорчевајај, род иже исправи сердца својего, и не у вјери с Богом духа својего.
9. Синове Јефремли наљацајушче и стрјељајушче луки, возвратишасја в ден брани.
10. Не сохраниша завјета Божија, и в закоње Јего не восхотјеша ходити.
11. И забиша благодјејанија Јего, и чудеса, иже показа им.
12. Пред оци их, јаже сотвори чудеса, в земљи Египетстјеј на пољи Танеосје.
13. Разверзе море, и проведе их, пристави води јако мјех.
14. И настави ја облаком во дни, и всју ношч просвјешченијем огња.
15. Разверзе камен в пустињи, и напоји ја јако в бездње мнозје.
16. И изведе воду из камене, и низведе јако рјеки води.
17. И приложиша јешче согрјешати Јему, преогорчиша Вишњаго в безводњеј.
18. И искусиша Бога в сердцах својих, воспросити брашна душам својим.
19. И клеветаша па Бога, и рјеша: Еда возможет Бог уготовати трапезу в пустињи.
20. Понеже порази камен, и потекоша води, и потоци наводнишасја, еда и хљеб може дати, или уготовати трапезу људем својим.
21. Сего ради слиша Господ и презрје, и огањ возгорјесја во Јаковје, и гњев взиде на Израиља.
22. Јако не вјероваша Богови, ниже уповаша на спасеније Јего.
23. И заповједа облаком свише, и двери небесе отверзе.
24. И одожди им ману јасти, и хљеб небесниј даде им.
25. Хљеб ангелскиј јаде человјек, брашно посла им до ситости.
26. Воздвиже југ с небесе, наведе силоју својеју Лива.
27. И одожди на ња јако прах плоти, и јако песок морскиј птици пернати.
28. И нападоша посредје стана их, и окрест жилишч их.
29. И јадоша и наситишасја зјело, и желаније их принесе им.
30. Не лишишасја от желанија својего, јешче брашну сушчу во устјех их.
31. И гњев Божиј взиде на ња, и уби множајшаја их, и избраним Израиљевим запјат.
32. Во всјех сих согрешиша јешче, и не вјероваша чудесем Јего.
33. И исчезоша в сујетје дније их, и љета их со тшчанијем.
34. Јегда убиваше ја, тогда взискаху Јего, и обрашчахусја, јутрењеваху к Богу.
35. И помјануша, јако Бог помошчник им јест, и Бог Вишњиј избавитељ им јест.
36. И возљубиша Јего уст својими, и јазиком својим солгаша Јему.
37. Сердце же их не бје право с Њим, ниже увјеришасја в завјетје Јего.
38. Тој же јест шчедар, очистит грјехи их, и не растлит, и умножит отвратити јарост своју, и не разжежет всего гњева својего.
39. И помјану, јако плот сут, дух ходјај и не обрашчајајсја.
40. Кољ крати преогорчиша Јего в пустињи, прогњеваша Јего в земљи безводњеј.
41. И обратишасја, и искусиша Бога, и свјатаго Израиљева раздражиша.
42. И не помјануша руки Јего в ден, в оњже избави ја из руку оскорбљајушчаго.
43. Јакоже положи во Египтје знаменија своја, и чудеса своја на поли Танеосје.
44. И преложи в кров рјеки их, и источники их, јако да не пијут.
45. Посла на ња песија мухи, и појадоша ја, и жаби и растли ја.
46. И даде ржје плоди их, и труди их пругом.
47. Уби градом виногради их, и черничије их сланоју.
48. И предаде граду скоти их, и имјеније их огњу.
49. Посла на ња гњев јарости својеја, јарост и гњев и скорб, посланије ангели љутими.
50. Путесотвори стезју гњеву својему, и не пошчадје от смерти души их, и скоти их в смерти закључи.
51. И порази всјакоје первородноје в земљи Египетстјеј, начаток всјакаго труда их в сељенијих Хамових.
52. И воздвиже јако овци људи своја, и возведе ја јако стадо в пустињи.
53. И настави ја на упованије, и не убојашасја, и враги их покри море.
54. И воведе ја в гору свјатињи својеја, гору сију, јуже стјажа десница Јего.
55. И изгна от лица их јазики, и по жребију даде им земљу ужем жребодајанија, и всели в сељенијих их кољена Израиљева.
56. И искусиша и преогорчиша Бога Вишњаго, и свидјенији Јего не сохраниша.
57. И отвратишасја, и отвергошасја јакоже и оци их, превратишасја в лук разврашчен.
58. И прогњеваша Јего в холмјех својих, и во истуканих својих раздражиша Јего.
59. Слиша Бог и презрје, и уничижи зјело Израиља.
60. И отрину скинију Силомскују, сељеније јеже вселисја в человјецјех.
61. И предаде в пљен крјепост их, и доброту их в руки врагов.
62. И затвори в оружији људи своја, и достојаније своје презрје.
63. Јуноши их појаде огањ, и дјеви их не осјетовани биша.
64. Свјашченици их мечем падоша, и вдовици их не оплакани будут.
65. И воста јако спја Господ, јако силен и шумен от вина.
66. И порази враги своја вспјат, поношеније вјечноје даде им.
67. И отрину сељеније Јосифово, и кољено Јефремово не избра.
68. И избра кољено Јудово, гору Сиоњу, јуже возљуби.
69. И созда јако јединорога свјатилишче своје, на земљи основа их во вјек.
70. И избра Давида раба својего, и воспријат Јего от стада овчих.
71. От дојилица појаг јего, пасти Јакова раба својего, и Израиља достојаније своје.
72. И упасе ја в незлобији сердца својего, и в разумјех руку својеју наставил ја јест. Слава:

Псалом 78.

1. Боже пријидоша јазици в достојаније Твоје, оскверниша храм свјатиј Твој.
2. Положиша Јерусалим јако овошченоје хранилишче, положиша трупија раб Твојих брашно птицам небесним, плоти преподобних Твојих звјерем земним.
3. Пролијаша кров их јако воду окрест Јерусалима, и не бје погребајај.
4. Бихом поношеније сосједом нашим, подраженије и поруганије сушчим окрест нас.
5. Докоље Господи прогњевајешисја до конца, разжежетсја јако огањ рвеније Твоје.
6. Пролеј гњев Твој на јазики незнајушчија Тебе, и на царствија, јаже имене Твојего не призваша.
7. Јако појадоша Јакова, и мјесто јего опустошиша.
8. Не помјани наших безаконије первих, скоро да предварјат ни шчедроти Твоја Господи, јако обнишчахом зјело.
9. Помози нам Боже Спаситељу наш, слави ради имене Твојего, Господи избави ни, и очисти грјехи нашја имене ради Твојего.
10. Да не когда рекут јазици: Гдје јест Бог их, и да увјестсја во јазицјех пред очима нашим отмишченија крове раб Твојих пролитија.
11. Да внидет пред Тја воздиханије окованих, по величију мишци Твојеја снабди сини умершчвљених.
12. Воздажд сосједом нашим седмерицеју в њедро их поношеније их, имже поносиша Тја Господи.
13. Ми же људије Твоји и овци пажити Твојеја исповјемсја Тебје Боже во вјек, в род и род возвјестим хвалу Твоју.

Псалом 79.

1. Пасиј Израиља вонми, настављајај јако овча Јосифа, сједјај на херувимјех јависја.
2. Пред Јефремом и Венијамином, и Манасијем воздвигни силу Твоју, и пријиди во јеже спасти нас.
3. Боже обрати ни, и просвјети лице Твоје, и спасемсја.
4. Господи Боже сил, докоље гњевајешисја на молитву раб Твојих.
5. Напитајеши нас хљебом слезним, и напојиши нас слезами в мјеру.
6. Положил јеси нас в прерјеканије сосједом нашим, и врази иаши подражиша ни.
7. Господи Боже сил обрати ни, и просвјети лице Твоје, и спасемсја.
8. Виноград из Египта пренесал јеси, изгнал јеси јазики, и насадил јеси их.
9. Путесотворил јеси пред њим, и насадил јеси коренија јего, и исполни земљу.
10. Покри гори сјен јего, и вјетвија јего кедри Божија.
11. Простре розги јего до морја, и даже до рјек отрасли јего.
12. Вскују низложил јеси оплот јего, и обимајут и вси мимоходјашчији путем.
13. Озоба и вепар от дубрави, и уједињениј дивиј појаде их.
14. Боже сил обратисја убо, и призри с небесе и вижд, и посјети виноград сеј.
15. И соверши их, јегоже насади десница Твоја, и на сина человјеческаго, јегоже укрјепил јеси себје.
16. Пожежен огњем и раскопан, от запрешченија лица Твојего погибнут.
17. Да будет рука Твоја на мужа десници Твојеја, и на сина человјеческаго, јегоже укрјепил јеси себје.
18. И не отступим от Тебе, оживиши ни, и имја Твоје призовем.
19. Господи Боже сил, обрати ни, и просвјети лице Твоје, и спасемсја.

Псалом 80.

1. Радујтесја Богу помошчнику нашему, воскликните Богу Јаковљу.
2. Примите псалом, и дадите тимпан, псалтир красен с гуслами.
3. Вострубите во новомјесјачији трубоју, во благознаменитиј ден праздника вашего.
4. Јако повељеније Израиљево јест, и судба Богу Јаковљу.
5. Свидјеније во Јосифје положи је, внегда изити јему от земљи Египетскија, јазика, јегоже не вједјаше, услиша.
6. Отјат от времене хребет јего, руцје јего в коши поработастје.
7. В скорби призвал Мја јеси, и избавих тја, услишах тја в тајње бурње, искусих тја на водје прерјеканија.
8. Слишите људије Моји, и засвидјетељстују вам Израиљу, ашче послушајеши Мене.
9. Не будет тебје бог нов, ниже поклонишасја богу чуждему.
10. Аз бо јесам Господ Бог твој, изведиј тја от земљи Египетскија, разшири уста твоја, и исполњу ја.
11. И не послушаша људије Моји гласа Мојего, и Израиљ не вњат Ми.
12. И отпустих ја по начинанијем сердец их, појдут в начинанијих својих.
13. Ашче биша људије Моји послушали Мене, Израиљ ашче би в пути Моја ходил.
14. Ни о чесом же убо враги јего смирил бих, и на оскорбљајушчија их возложил бих руку Моју.
15. Врази Господњи солгаша Јему, и будет времја их во вјек.
16. И напита их от тука пшенична, и от камене меда насити их. Слава:

Псалом 81.

1. Бог ста в сонмје богов, посредје же боги разсудит.
2. Докоље судите неправду, и лица грјешников пријемљете.
3. Судите сиру и убогу, смирена и нишча оправдајте.
4. И измите нишча и убога, из руки грјешничи избавите јего.
5. Не познаша ниже уразумјеша, во тамје ходјат, да подвижатсја всја основанија земљи.
6. Аз рјех: Бози јесте и синове Вишњаго вси.
7. Ви же јако человјеци умирајете, и јако једин от књазеј падајете.
8. Воскресни Боже, суди земљи, јако Ти наследиши во всјех јазицјех.

Псалом 82.

1. Боже, кто уподобитсја Тебје, не премолчи, ниже укроти Боже.
2. Јако се врази Твоји возшумјеша, и ненавидјашчији Тја воздвигоша главу.
3. На људи Твоја лукавноваша вољеју, и совјешчаша на свјатија Твоја.
4. Рјеша: Пријидите и потребим ја от јазик, и не помјанетсја имја Израиљево ктому.
5. Јако совјешчаша јединомишљенијем вкупје, на Тја завјет завјешчаша.
6. Сељенија Идумејска и Исмаилите, Моав и Агарјане.
7. Гевал и Амон и Амалик, иноплеменици с живушчими в Тирје.
8. Ибо и Асур пријде с њими, биша в заступљеније синовом Лотовим.
9. Сотвори им јако Мадијаму и Сисарје, јако Јавиму в потоцје Кисовје.
10. Потребишасја во Аендорје, биша јако гној земниј.
11. Положи књази их јако Орива и Зива, Зевсја и Салмана всја књази их.
12. Иже рјеша, да насљедим себје свјатилишче Божије.
13. Боже мој, положи ја јако коло, јако трост пред лицем вјетра.
14. Јако огањ попаљај дубрави, јако пламен пожигајај гори.
15. Тако поженеши ја буреју Твојеју, и гњевом Твојим смјатешија.
16. Исполни лица их безчестија, и взишчут имене Твојего Господи.
17. Да постидјатсја и смјатутсја во вјек вјека, и посрамјатсја и погибнут.
18. И да познајут, јако имја Тебје Господ, Ти једин Вишњиј по всеј земљи.

Псалом 83.

1. Кољ возљубљена сељенија Твоја Господи сил.
2. Желајет и скончавајетсја душа моја во двори Господњи, сердце моје и плот моја возрадовастасја о Бозје живје.
3. Ибо птица обрјете себје храмину, и горлица гњездо себје, идјеже положит птенци своја, олтари Твоја Господи сил, Царју мој и Боже мој.
4. Блажени живушчији в дому Твојем, во вјеки вјеков восхваљат Тја.
5. Блажен муж, јемуже јест заступљеније јего у Тебе, восхожденија в сердцје својем положи.
6. Во јудол плачевнују, во мјесто јеже положи, ибо благословеније даст законополагајај.
7. Појдут от сили в силу, јавитсја Бог богов в Сиоње.
8. Господи Боже сил, услиши молитву моју, внуши Боже Јаковаљ.
9. Зашчитниче наш вижд Боже, и призри на лице Христа Твојего.
10. Јако лучше ден једин во дворјех Твојих паче тисјашч, изволих приметатисја в дому Бога мојего паче, неже жити ми в сељенијих грјешничих.
11. Јако милост и истину љубит Господ Бог, благодат и славу даст, Господ не лишит благих, ходјашчих незлобијем.
12. Господи Боже сил, блажен человјек уповајај на Тја.

Псалом 84.

1. Благоволил јеси Господи земљу Твоју, возвратил јеси пљен Јаковаљ.
2. Оставил јеси безаконија људеј Твојих, покрил јеси всја грјехи их.
3. Укротил јеси вес гњев Твој, возвратилсја јеси от гњева јарости Твојеја.
4. Возврати нас Боже спасениј наших, и отврати јарост Твоју от нас.
5. Еда во вјеки прогњевајешисја на ни, или простреши гњев Твој от рода в род.
6. Боже, Ти обрашчасја оживиши ни, и људије Твоји возвесељатсја о Тебје.
7. Јави нам Господи милост Твоју, и спасеније Твоје дажд нам.
8. Услишу, что речет о мње Господ Бог, јако речет мир на људи своја, и на преподобнија своја, и на обрашчајушчија сердца к Њему.
9. Обаче близ бојашчихсја Јего спасеније Јего, вселити славу в земљу нашу.
10. Милост и истина сретостјесја, правда и мир облобизастасја.
11. Истина от земљи возсија, и правда с небесе приниче.
12. Ибо Господ даст благост, и земља наша даст плод свој.
13. Правда пред Њим предидет, и положит пут стопи своја. Слава:

КАТИЗМА 12.

Псалом 85.

1. Приклони Господи ухо Твоје, и услиши мја, јако нишч и убог јесам аз.
2. Сохрани душу моју, јако преподобен јесам, спаси раба Твојего Боже мој, уповајушчаго на Тја.
3. Помилуј мја Господи, јако к Тебје возову вес ден.
4. Возвесели душу раба Твојего, јако к Тебје взјах душу моју.
5. Јако Ти Господи благ и кроток и многомилостив всјем призивајушчим Тја.
6. Внуши Господи молитву моју, и вонми гласу мољенија мојего.
7. В ден скорби мојеја возвах к Тебје, јако услишал мја јеси.
8. Њест подобен Тебје в бозјех Господи, и њест по дјелом Твојим.
9. Вси јазици, јелики сотворил јеси, пријдут и поклоњатсја пред Тобоју Господи, и прослављат имја Твоје.
10. Јако велиј јеси Ти, и творјај чудеса, Ти јеси Бог једин.
11. Настави мја Господи на пут Твој, и појду во истиње Твојеј, да возвеселитсја сердце моје бојатисја имене Твојего.
12. Исповјемсја Тебје Господи Боже мој всјем сердцем мојим, и прослављу имја Твоје во вјек.
13. Јако милост Твоја велија на мње, и избавил јеси душу моју от ада преисподњејшаго.
14. Боже законопреступници восташа на мја, и сонм державних взискаша душу моју, и не предложиша Тебе пред собоју.
15. И Ти Господи Боже мој шчедриј и милостивиј, долготерпјељивиј и истиниј.
16. Призри на мја, и помилуј мја, дажд державу Твоју отроку Твојему, и спаси сина раби Твојеја.
17. Сотвори со мноју знаменије во благо, и да видјат ненавидјашчији мја, и постидјатсја, јако Ти Господи помогал ми и утјешил мја јеси.

Псалом 86.

1. Основанија јего на горјах свјатих, љубит Господ врата Сиоња паче всјех сељениј Јаковљих.
2. Преславнаја глагољашасја о тебје граде Божиј.
3. Помјану Раав и Вавилона вједјушчим мја, и се иноплеменици, и Тир и људије Етиопстији, сији биша тамо.
4. Мати Сион речет: Человјек и чсловјек родисја в њем, и тој основа Вишњиј.
5. Господ повјест в писанији људеј, и књазеј, сих бивших в њем.
6. Јако весељашчихсја всјех жилишче в тебје.

Псалом 87.

1. Господи Боже спасенија мојего, во дни возвах, и во ношчи пред Тобоју.
2. Да внидет пред Тја молитва моја, приклони ухо Твоје к мољенију мојему.
3. Јако исполнисја зол душа моја, и живот мој аду приближисја.
4. Привмјењен бих с нисходјашчими в ров, бих јако человјек без помошчи.
5. В мертвих свобод, јако јазвенији спјашчи во гробје, ихже не помјанул јеси к тому, и тији от руки Твојеја отриновенији биша.
6. Положиша мја в ровје преисподњем, в темних и сјени смертњеј.
7. На мње утвердисја јарост Твоја, и всја волни Твоја навел јеси на мја.
8. Удаљил јеси знаемих мојих от мене, положиша мја мерзост себје, предан бих, и не исхождах.
9. Очи моји изнемогостје от нишчети, возвах к Тебје Господи вес ден, воздјех к Тебје руцје моји.
10. Еда мертвими твориши чудеса, или врачеве воскресјат, и исповједјатсја Тебје.
11. Еда повјест кто во гробје милост Твоју и истину Твоју в погибељи.
12. Еда познана будут во тамје чудеса Твоја, и правда Твоја в земљи забвењеј.
13. И аз к Тебје Господи возвах, и ујутро молитва моја предварит Тја.
14. Вскују Господи отрјејеши душу моју, отврашчајеши лице Твоје от мене.
15. Нишч јесам аз, и в трудјех от јуности мојеја вознесжесја смирихсја и изнемогох.
16. На мње преидоша гњеви Твоји, устрашенија Твоја возмутиша мја.
17. Обидоша мја као вода вес ден, одержаша мја вкупје.
18. Удаљил јеси от мене друга и искренаго, и знаемих мојих от страстеј. Слава:

Псалом 88.

1. Милости Твоја Господи во вјек воспоју, в род и род возвјешчу истину Твоју уст мојими.
2. Зане рекал јеси во вјек милост созиждетсја, на небесјех уготовитсја истина Твоја.
3. Завјешчах завјет избраним мојим, кљахсја Давиду рабу Мојему.
4. До вјека уготовају сјемја твоје, и созижду в род и род престол твој.
5. Исповједјат небеса чудеса Твоја Господи, ибо истину Твоју в церкви свјатих.
6. Јако кто во облацјех уравнитисја Господеви, уподобитсја Господеви в сињех Божијих.
7. Бог прослављајем в совјете свјатих, велиј и страшен јест пад всјеми окрестними Јего.
8. Господи Боже сил, кто подобен Тебје, силен јеси Господи, и истина Твоја окрест Тебе.
9. Ти владичествујеши державоју морскоју, возмушченије же волн јего Ти укрочајеши.
10. Ти смирил јеси, јако јазвена гордаго, мишцеју сили Твојеја расточил јеси враги Твоја.
11. Твоја сут небеса, и Твоја јест земља, всељенују и исполњеније јеја Ти основал јеси.
12. Сјевер и море Ти создал јеси, Тавор и Ермон о имени Твојем возрадујетсја.
13. Твоја мишца со силоју, да укрјепитсја рука Твоја, и вознесетсја десница Твоја.
14. Правда и судба уготованије престола Твојего, милост и истина предидетје пред лицем Твојим.
15. Блажени људије вједушчији воскликновеније, Господи во свјетје лица Твојего појдут.
16. И о имене Твојем возрадујутсја вес ден, и правдоју Твојеју вознесутсја.
17. Јако похвала сили их Ти јеси, и во благовољенији Твојем вознесетсја рог наш.
18. Јако Господње јест заступљеније, и свјатаго Израиљева Царја нашего.
19. Тогда глагољал јеси во видјенији синовом Твојим, и рекал јеси: Положих помошч на силнаго, возиесох избранаго от људеј мојих.
20. Обрјетох Давида раба Мојего, јелејем свјатим Мојим помазах јего.
21. Ибо рука Моја застуиит јего, и мишца Моја укрјепит јего.
22. Ничтоже успјејет враг на њего, и син безаконија не приложит озлобити јего.
23. И сосјеку от лица јего враги јего, и ненавидјашчија јего побјежду.
24. И истина Моја и милост Моја с њим, и о имени Мојем вознесетсја рог јего.
25. И положу на мори руку јего, и па рјеках десницу јего.
26. Тој призовет Мја: Отец мој јеси Ти, Бог мој, и заступник спасенија мојего.
27. И Аз первенца положу јего, висока паче цареј земних.
28. Во вјек сохрању јему милост Моју, и завјет Мој вјерен јему.
29. И положу во вјек вјека сјемја јего, и престол јего јако дније неба.
30. Ашче оставјат синове јего закон Мој, и в судбах Мојих не појдут.
31. Ашче оправданија Моја оскверњат, и заповједеј Мојих не сохрањат.
32. Посјешчу жезлом безаконија их, и ранами неправди их.
33. Милост же Моју не разорју от њих, не преврежду во истиње Мојеј.
34. Ниже оскверњу завјета Мојего, и исходјашчих от уст Мојих не отвергусја.
35. Јединоју кљахсја о свјатјем Мојем, ашче Давиду солжу.
36. Сјемја јего во вјек пребудет, и престол јего јако солнце предомноју.
37. И јако луна совершена во вјек, и свидјетељ на небеси вјерен.
38. Ти же отринул јеси, и уничижил, пегодовал јеси помазанаго Твојего.
39. Разорил јеси завјет раба Твојего, осквернил јеси на земљи свјатињу јего.
40. Разорил јеси всја оплоти јего, положил јеси твердаја јего страх.
41. Расхишчаху јего вси мимоходјашчији путем, бист поношеније сосједом својим.
42. Возвисил јеси десницу стужајушчим јему, возвеселил јеси всја враги јего.
43. Отвратил јеси помошч меча јего, и не заступил јеси јего во брани.
44. Разорил јеси от очишченија јего, престол јего на земљу повергал јеси.
45. Умалил јеси дни времене јего, облијал јеси јего студом.
46. Докоље Господи отврашчајешисја в конец, разжежетсја јако огањ гњев Твој.
47. Помјани, кији мој состав, еда во всује создал јеси всја сини человјеческија.
48. Кто јест человјек, иже поживет, и не узрит смерти, избавит душу своју из руку адови.
49. Гдје сут милости Твоја древнија Господи, имиже кљалсја јеси Давиду во истиње Твојеј.
50. Помјани Господи поношеније раб Твојих, јеже удержах во њедрје мојем многих јазик.
51. Имже поносиша врази Твоји Господи, имже поносиша измјењенију Христа Твојего.
52. Благословен Господ во вјек, буди, буди. Слава:

Псалом 89.

1. Господи прибјежишче бил јеси нам в род и род.
2. Прежде даже горам не бити, и создатисја земљи и вселењеј, и от вјека и до вјека Ти јеси.
3. Не отврати человјека во смиреније, и рекал јеси: Обратитесја синове человјечестији.
4. Јако тисјашча љет пред очима Твојима Господи, јако ден вчерашниј, иже мимо иде, и стража ношчнаја.
5. Уничиженија их љета будут, јутро јако трава мимо идет, јутро процвјетет и прејдет, на вечер отпадет, и ожестјејет и изсхнет.
6. Јако изчезохом гњевом Твојим, и јаростију Твојеју смутихомсја.
7. Положил јеси безаконија наша пред Тобоју, вјек наш во просвјешченије лица Твојего.
8. Јако вси дније наши оскудјеша, и гњевом Твојим исчезохом.
9. Љета наша јако паучина поучахусја, дније љет наших, в њихже седамдесјат љет, ашче же в силах, осамдесјат љет, и множаје их труд и бољезан, јако пријиде кротост на ни и накажемсја.
10. Кто вјест державу гњева Твојего, и от страха Твојего јарост Твоју исчести.
11. Десницу Твоју тако скажи ми, и окованија сердцем в мудрости.
12. Обратисја Господи, докоље, и умољен буди на раби Твоја.
13. Исполнихомсја зајутра милости Твојеја Господи, и возрадовахомсја и возвеселихомсја.
14. Во всја дни нашја возвеселихомсја, за дни в њаже смирил ни јеси, љета в њаже видјехом злаја.
15. И призри на раби Твоја, и на дјела Твоја, и настави сини их.
16. И буди свјетлост Господа Бога нашего на нас, и дјела руку наших исправи на нас, и дјело руку наших исправи.

Псалом 90.

1. Живиј в помошчи Вишњаго, в кровје Бога небеснаго водворитсја.
2. Речет Господеви: Заступник мој јеси и прибјежишче моје, Бог мој, и уповају на Њего.
3. Јако Тој избавит Тја от сјети ловчи, и от словесе мјатежна.
4. Плешчма својима осјенит тја, и под криље Јего надјејешисја, оружијем обидет тја истина Јего.
5. Не убојишисја от страха ношчнаго, от стрјели летјашчија во дни.
6. От вешчи во тамје преходјашчија, от срјашча и бјеса полуденаго.
7. Падет от страни твојеја тисјашча, и тма одеснују тебе, к тебје же не приближитсја.
8. Обаче очима твојима смотриши, и воздајаније грјешников узриши.
9. Јако Ти Господи упованије моје, Вишњаго положил јеси прибјежишче Твоје.
10. Не пријдет к Тебје зло, и рана не приближитсја тјелеси Твојему.
11. Јако ангелом својим заповјест о Тебје, сохранити Тја во всјех путех Твојих.
12. На руках возмут Тја, да не когда преткнеши о камен ногу Твоју.
13. На аспида и василиска наступиши, и попереши лава и змија.
14. Јако на Мја упова, и избављу их, покрију их, јако позна имја Моје.
15. Возовет ко Мње, и услишу јего, с њим јесам в скорби, изму јего, и прослављу јего.
16. Долготоју днеј исполњу јего, и јављу јему спасеније Моје. Слава:

КАТИЗМА 13.

Псалом 91.

1. Благо јест исповједатисја Господеви, и пјети имени Твојему Вишњиј.
2. Возвјешчати зајутра милост Твоју, и истину Твоју на всјаку ношч.
3. В десјатоструњем псалтири с пјеснију в гуслех.
4. Јако возвеселил мја јеси Господи во творенији Твојем, и во дјељех руку Твојеју возрадујусја,
5. Јако возвеличишасја дјела Твоја Господи, зјело углубишасја помишљенија Твоја.
6. Муж безумен не познајет, и неразумив не разумјет сих.
7. Внегда прозјабоша грјешници јако трава, и проникоша вси дјелајушчији безаконије, јако да потребјатсја во вјек вјека.
8. Ти же Вишњиј во вјек Господи.
9. Јако се врази Твоји Господи, јако се врази Твоји погибнут, и разидутсја вси дјелајушчији безаконије.
10. И вознесетсја јако јединорога рог мој, и старост моја во јелеј маститје.
11. И возрје око моје на враги моја, и востајушчија на мја лукавнујушчија услишит ухо моје.
12. Праведник јако финик процвјетет, јако кедар, иже в Ливање, умножитсја.
13. Насаждени в дому Господњи, во дворјех Бога нашего процвјетут.
14. Јешче умножатсја в старости маститје, и благопријемљушче будут.
15. Да возвјестјат, јако прав Господ Бог наш, и њест неправди в Њем.

Псалом 92.

1. Господ воцарисја, в љепоту облечесја, облечесја Господ в силу и препојасасја, ибо утверди всељенују, јаже не подвижитсја.
2. Готов престол Твој отоље, от вјека Ти јеси.
3. Воздвигоша рјеки Господи, воздвигоша рјеки гласи своја.
4. Возмут рјеки сотренија своја, от гласов вода многих.
5. Дивни висоти морскија, дивен во високих Господ.
6. Свидјенија Твоја увјеришасја зјело, дому Твојему подобајет свјатиња Господи в долготу дниј.

Псалом 93.

1. Бог отмишчениј Господ, Бог отмишчениј не обиљулсја јест.
2. Вознесисја судјај земљи, воздажд воздајаније гордим.
3. Докоље грјешници Господи, докоље грјешници восхваљатсја.
4. Просвјешчајут и возглагољут неправду, возглагољут вси дјелајушчији безаконије.
5. Људи Твоја Господи смириша, и достојаније Твоје озлобиша.
6. Вдовицу и сира умориша, и пришелца убиша.
7. И рјеша: Не узрит Господ, ниже уразумјејет Бог Јаковаљ.
8. Разумјејте же безумнији в људех, и буији њекогда умудритесја.
9. Насаждеј ухо, не слишит ли, или создавиј око, не сматрајет ли.
10. Наказујај јазики, не обличит ли, учај человјека разуму.
11. Господ вјест помишљенија человјеческаја, јако сут сујетна,
12. Блажен человјек, јегоже ашче накажеши Господи, и от закона Твојего научиши јего.
13. Укротити јего от днеј љутих, дондеже изријетсја грјешному јама.
14. Јако не отринет Господ људеј својих, и достојанија својего не оставит.
15. Дондеже правда обратитсја на суд, и держашчијисја јеја вси правији сердцем.
16. Кто востанет ми на лукавнујушчија, или кто предстанет ми на дјелајушчија безаконије.
17. Ашче не Господ помогал би ми, вмаље вселиласја би во ад душа моја.
18. Ашче глагољах, подвижесја нога моја, милост Твоја Господи помогаше ми.
19. По множеству бољезнеј мојих в сердцје мојем, утјешенија Твоја возвеселиша душу моју.
20. Да не прибудет Тебје престол безаконија, созидајај труд на повељеније.
21. Уловјат на душу праведничу, и кров неповинују осудјат.
22. И бист мње Господ в прибјежишче, и Бог мој в помошч упованија мојего.
23. И воздаст им Господ безаконије их, и по лукавствију их погубит ја Господ Бог. Слава:

Псалом 94.

1. Придите возрадујемсја Господеви, воскликнем Богу Спаситељу нашему.
2. Предварим лице Јего во исповједанији, и во псалмјех воскликнем Јему.
3. Јако Бог велиј Господ, и Цар велиј по всеј земљи.
4. Јако в руцје Јего вси конци земљи, и висоти гора Того сут.
5. Јако Того јест море, и Тој сотвори је, и сушу руцје јего создастје.
6. Придите поклонимсја и припадем Јему, и восплачемсја пред Господем сотворшим нас.
7. Јако Тој јест Бог наш, и ми људије пажити Јего, и овци руки Јего, днес ашче глас Јего услишите.
8. Не ожесточите сердец ваших, јако в прогњеванији, по дни искушенија в пустињи.
9. В оњже искусиша Мја оци ваши, искусиша Мја и видјеша дјела Моја.
10. Четиредесјат љет негодовах рода того, и рјех: Присно заблуждајут сердцем, тији же не познаша путеј Мојих.
11. Јако кљахсја во гњевје Мојем, ашче внидут в покој Мој.

Псалом 95.

1. Воспојте Господеви пјесан нову, воспојте Господеви всја земља.
2. Воспојте Господеви, благословите имја Јего, благовјестите ден от дне спасеније Јего.
3. Возвјестите во јазицјех славу Јего, во всјех људех чудеса Јего.
4. Јако велиј Господ и хваљен зјело, страшен јест над всјеми боги.
5. Јако вси бози јазик бјесове, Господ же небеса сотвори.
6. Исповједаније и красота пред Њим, свјатиња и великољепије во свјатиље Јего.
7. Принесите Господеви отечествија јазик, принесите Господеви славу и чест.
8. Принесите Господеви славу имени Јего, возмите жертви, и входите во двори Јего.
9. Поклонитесја Господеви во дворје свјатјем Јего, да подвижитсја от лица Јего всја земља.
10. Реците во јазицјех, јако Господ воцарисја, ибо исправи всељенују, јаже не подвижитсја, судит људем правостију.
11. Да возвесељатсја небеса, и радујетсја земља, да подвижитсја море, и исполњеније јего.
12. Возрадујутсја поља, и всја јаже на њих, тогда возрадујутсја всја древа дубравнаја.
13. От лица Господња, јако грјадет, јако грјадет судити земљи, судити всељењеј в правду, и људем истиноју својеју.

Псалом 96.

1. Господ воцарисја, да радујетсја земља, да весељатсја острови мнози.
2. Облак и мрак окрест Јего: правда и судба исправљеније престола Јего.
3. Огањ пред Њим предидет, и попалит окрест враги Јего.
4. Освјетиша молнија Јего всељенују, видје, и подвижесја земља.
5. Гори јако восак растајаша от лица Господња, от лица Господа всеја земљи.
6. Возвјестиша небеса правду Јего, и видјеша вси људије славу Јего.
7. Да постидјатсја вси клањајушчијисја истуканим, хваљашчијисја о идољех својих, поклонитесја Јему вси ангели Јего.
8. Слиша и возвеселисја Сион, и возрадовашасја дшчери Јудејскија, судеб ради Твојих Господи.
9. Јако Ти Господ Вишњиј над всеју земљеју, зјело превознесалсја јеси над всјеми боги.
10. Љубјашчији Господа, ненавидите злаја, хранит Господ души преподобних својих, из руки грјешничи избавит ја.
11. Свјет возсија праведнику, и правим сердцем веселије.
12. Веселитесја праведнији о Господје, и исповједајте памјат свјатињи Јего. Слава:

Псалом 97.

1. Воспојте Господеви пјесан нову, јако дивиа сотвори Господ, спасе Јего десница Јего, и мишца свјатаја Јего.
2. Сказа Господ спасеније своје, пред јазики откри правду своју.
3. Помјану милост своју Јакову, и истину своју дому Израиљеву, видјеша вси конци земљи спасеније Бога нашего.
4. Воскликните Богови всја земља, воспојте, и радујтесја, и појте.
5. Појте Господеви в гуслех, в гуслех, и гласје псаломстје.
6. В трубах кованих, и гласом труби рожани, вострубите пред царем Господем.
7. Да подвижитсја море и исполњеније јего, всељенаја и вси живушчији на њеј.
8. Рјеки восплешчут рукоју вкупје, гори возрадујутсја.
9. От лица Господња, јако грјадет, јако идет судити земљи, судити всељењеј в правду, људем правостију.

Псалом 98.

1. Господ воцарисја, да гњевајутсја људије, сједјај на херувимјех, да подвижитсја земља.
2. Господ в Сиоње велик, и висок јест над всјеми људми.
3. Да исповједјатсја имени Твојему великому, јако страшно и свјато јест.
4. И чест царева суд љубит, Ти уготовал јеси правоти, суд и правду во Јаковје Ти сотворил јеси.
5. Возносите Господа Бога нашего, и поклањајтесја подножију ногу Јего, јако свјато јест.
6. Мојсеј и Аарон во јерејех Јего, и Самуил в призивајушчих имја Јего, призиваху Господа, и Тој послушаше их.
7. В столпје облачње глагољаше к Њим, јако храњаху свидјенија Јего и повељенија Јего, јаже даде им.
8. Господи Боже наш, Ти послушал јеси их, Боже, Ти милостив бивал јеси им, и мишчаја на всја начинанија их.
9. Вознесите Господа Бога нашего, и поклањајтесја в горје свјатјеј Јего, јако свјат Господ Бог наш.

Псалом 99.

1. Воскликните Богови всја земља.
2. Работајте Господеви в сељенији, внидите пред Њим в радости.
3. Увједите, јако Господ Тој јест Бог наш, Тој сотвори нас, а не ми, ми же људије Јего, и овци пажити Јего.
4. Внидите во врата Јего во исповједанији, во двори Јего в пјенијих, исповједајтесја Јему, хвалите имја Јего.
5. Јако благ Господ, во вјек милост Јего, и даже до рода и рода истина Јего.

Псалом 100.

1. Милост и суд воспоју Тебје Госноди.
2. Поју и разумјеју в пути непорочње, когда пријдеши ко мње, прехождах во незлобији сердца мојего, посредје дому мојего.
3. Не предлагах пред очима мојим вешч законопреступнују, творјашчија преступљеније возненавидјех.
4. Не прилпе мње сердце строптиво, уклоњајушчагосја от мене лукаваго не познах.
5. Оклеветајушчаго тај искренаго својего, сего изгоњах, гордим оком, и неситим сердцем со сим не јадјах.
6. Очи моји на вјернија земљи, посаждати ја со мноју, ходјај по пути непорочну, сеј ми служаше.
7. Не живјаше посредје дому мојего творјај гордињу, глагољај неправеднаја, не исправљаше пред очима мојима.
8. Во јутрија избивах всја грјешнија земљи, јеже потребити от града Господња всја дјелајушчија безаконије. Слава:

КАТИЗМА 14.

Псалом 101.

1. Господи услиши молитву моју, и вопал мој к Тебје да пријдет.
2. Не отврати лица Твојего од мене, в оњже ашче ден скорбљу, приклони ко мње ухо Твоје, во оњже ашче ден призову Тја, скоро услиши мја.
3. Јако исчезоша јако дим дније моји, и кости моја јако сушило сосхошасја.
4. Ујазвен бих јако трава, и изсуше сердце моје, јако забих снјести хљеб мој.
5. От гласа воздиханија мојего прилпе кост моја плоти мојеј.
6. Уподобихсја нејасити пустињеј, бих јако ношчниј вран на ниришчи.
7. Бдјех и бих јако птица особјашчајасја на здје.
8. Вес ден поношаху ми врази моји, и хваљајушчији мја мноју клењахусја.
9. Зане пепел јако хљеб јадјах, и питије моје с плачем растворјах.
10. От лица гњева Твојего и јарости Твојеја, јако низвергал мја јеси.
11. Дније моји јако сјен уклонишасја, и аз јако сјено исхох.
12. Ти же Господи во вјек пребивајеши, и памјат Твоја в род и род.
13. Ти воскрес ушчедриши Сиона, јако времја ушчедрити јего, јако пријде времја.
14. Јако благовилиша раби Твоји каменије јего, и перст јего ушчедрјат.
15. И убојатсја јазици имене Господња, и вси царије земстији слави Твојеја.
16. Јако созиждет Господ Сиона, и јавитсја во славје својеј.
17. Призрје на молитву смирених, и не уничижи мољенија их.
18. Да напишетсја сије в род ин, и људије зиждемији восхваљат Господа.
19. Јако приниче с висоти свјатија својеја, Господ с небесе на земљу призрје.
20. Услишати воздиханије окованих, разрјешити сини умершчвљених.
21. Возвјестите в Сиоње имја Господње, и хвалу Јего во Јерусалимје.
22. Внегда собратисја људем вкупје, и царем јеже работати Господеви.
23. Отвјешча јему пути крјепости јего, умаљеније днеј мојих возвјести ми.
24. Не возведи мене во преполовеније днеј мојих, в родје родов љета Твоја.
25. В начаљех Ти Господи земљу основал јеси, и дјела руку Твојеју сут небеса.
26. Та погибнут, Ти же пребивајеши, и всја јако риза обетшајут, и јако одежду свијеши ја, и измјењатсја.
27. Ти же тојжде јеси, и љета Твоја не оскудјејут.
28. Синове раб твојих всељатсја, и сјемја их во вјек исправитсја.

Псалом 102.

1. Благослови душе моја Господа, и всја внутрењаја моја имја свјатоје Јего.
2. Благослови душе моја Господа, и не забивај всјех воздајаниј Јего.
3. Очишчајушчаго всја безаконија твоја, исцјељајушчаго всја недуги твоја.
4. Избављајушчаго от истљенија живот твој, вјенчајушчаго тја милостију и шчедротами.
5. Исполњајушчаго во благих желаније твоје, обновитсја јако орља јуност твоја.
6. Творјај милостињи Господ, и судбу всјем обидимим.
7. Сказа пути Своја Мојсеови, синовом Израиљевим хотјенија Своја.
8. Шчедар и милостив Господ, долготерпјељив и многомилостив.
9. Не до конца прогњевајетсја, ниже во вјек враждујет.
10. Не по безаконијем нашим сотворил јест нам, ниже по грјехом нашим воздал јест нам.
11. Јако по висотје небесњеј от земљи утвердил јест Господ милост Своју на бојашчихсја Јего.
12. Јелико отстојат востоци от запад удаљил јест от нас безаконија наша.
13. Јакоже шчедрит отец сини, ушчедри Господ бојашчихсја Јего.
14. Јако Тој позна созданије наше, помјану јако перст јесми.
15. Человјек јако трава, дније јего јако цвјет селниј, тако оцвјетет.
16. Јако дух пројде в њем, и не будет и не познајет ктому мјеста својего.
17. Милост же Господња от вјека и до вјека на бојашчихсја Јего.
18. И правда Јего на сињех синов, храњашчих завјет Јего, и помњашчих заповједи Јего творити ја.
19. Господ на Небеси уготова престол свој, и царство Јего всјеми обладајет.
20. Благословите Господа вси ангели Јего, силнији крјепостију творјашчији слово Јего, услишати глас словес Јего.
21. Благословите Господа всја сили Јего, слуги Јего творјашчији вољу Јего.
22. Благословите Господа всја дјела Јего, на всјаком мјестје владичества Јего, благослови душе моја Господа. Слава:

Псалом 103.

1. Благослови душе моја Господа, Господи Боже мој, возвеличилсја јеси зјело, во исповједаније и во велељепоту облекалсја јеси.
2. Одјејајсја свјетом јако ризоју, простирајај небо јако кожу.
3. Покривајај водами превиспрењаја своја, полагајај облаки на восхожденије своје, ходјај на крилу вјетрењу.
4. Творјај ангели своја духи, и слуги своја пламен огњениј.
5. Основајај земљу на тверди јеја, не преклонитсја во вјек вјека.
6. Бездна јако риза одјејаније јеја, на горах станут води.
7. От запрешченија Твојего побјегнут, от гласа грома Твојего убојатсја.
8. Восходјат гори, и нисходјат поља в мјесто, јеже основал јеси им.
9. Предјел положил јеси, јегоже не прејдут, ниже обратјатсја покрити земљу.
10. Посилајај источники в дебрех, посредје гори пројдут води.
11. Напајајут всја звјери селнија, ждут онагри в жажду своју.
12. На тих птици небеснија привитајут, от среди каменија дадјат глас.
13. Напајај гори от превиспрених својих, от плода дјел Твојих наситјатсја земља.
14. Прозјабајај траву скотом, и злак на службу человјеком, извести хљеб от земљи.
15. И вино веселит сердце человјека, умастити лице јелејем, и хљеб сердце человјека укрјепит.
16. Наситјатсја древа пољскаја, кедри Ливанстији, ихже јеси насадил.
17. Тамо птици вогњездјатсја, јеродијево жилишче предводитељствујет ими.
18. Гори високија јеленем, камен прибјежишче зајацем.
19. Сотворил јест луну во времена, солнцс позна запад свој.
20. Положил јеси таму, и бист ношч, в њејже пројдут вси звјерије дубравнији.
21. Скимни рикајушчији восхитити, и взискати от Бога пишчу себје.
22. Возсија солнце, и собрашасја, и в ложах својих љагут.
23. Изидет человјек на дјело своје, и на дјеланије своје до вечера.
24. Јако возвеличишасја дјела Твоја Господи, всја премудростију сотворил јеси, исполнисја земља твари Твојеја.
25. Сије море великоје и пространоје, тамо гади, ихже њест числа, животнаја малаја с великими.
26. Тамо корабљи преплавајут, змиј сеј, јегоже создал јеси ругатисја јему.
27. Всја к Тебје чајут, дати пишчу им во благо времја.
28. Давшу Тебје им, соберут, отверзешу Тебје руку, всјаческаја исполњатсја благости.
29. Отврашчшу же Тебје лице, возмјатутсја, отимеши дух их, и исчезнут, и в перст своју возвратјатсја.
30. Послеши Духа Твојего и созиждутсја, и обновиши лице земљи.
31. Буди слава Господња во вјеки, возвеселитсја Господ о дјељех својих.
32. Призирајај на земљу, и творјај ју трјастисја, прикасајајсја горам и димјатсја.
33. Воспоју Господеви в животје мојем, поју Богу мојему дондеже јесам.
34. Да усладитсја Јему бесједа моја, аз же возвесељусја о Господје.
35. Да исчезнут грјешници от земљи, и безаконици јакоже не бити им. Благослови душе моја Господа. Слава:

Псалом 104.

1. Исповједајтесја Господеви, и призивајте имја Јего, возвјестите во јазицјех дјела Јего.
2. Воспојте Јему, и појте Јему, повједите всја чудеса Јего.
3. Хвалитесја о имени свјатом Јего, да возвеселитсја сердце ишчушчих Господа.
4. Взишчите Господа, и утвердитесја, взишчите лица Јего вину.
5. Помјаните чудеса Јего, јаже сотвори, чудеса Јего, и судби уста Јего.
6. Сјемја Авраамле раби Јего, синове Јаковљи избранији Јего.
7. Тој Господ Бог наш, по всеј земљи судби Јего.
8. Помјану во вјек завјет свој, слово, јеже заповједа в тисјашчи родов.
9. Јежс завјешча Аврааму, и кљатву своју Исааку.
10. И постави ју Јакову в повељеније, и Израиљу завјет вјечан.
11. Глагоља: Тебје дам земљу Ханаанску, уже достојанија вашего.
12. Внегда бити им малим числом, маљејшим и пришелцем в њеј.
13. И преидоша от јазика в јазик, и от царствија в људи ини.
14. Не остави человјека обидјети их, и обличи о њих цари.
15. Не прикасајтесја помазаним Мојим, и во пророцјех Мојих не лукавнујте.
16. И призва глад па земљу, всјако утверженије хљебноје сотри.
17. Посла пред њими человјека, в раба продан бист Јосиф.
18. Смириша во оковах нозје јего, жељезо пројде душа јего.
19. Дондеже пријде слово јего, слово Господње разжеже јего.
20. Посла цар и разрјеши јего, књаз људеј, и остави јего.
21. Постави јего господина дому својему, и књаза всему стјажанију својему.
22. Наказати књази јего јако себе, и старци јего умудрити.
23. И вниде Израиљ во Египет, и Јаков пришелствова в земљу Хамову.
24. И возрасти људи своја зјело, и укрјепи ја паче врагов их.
25. Преврати сердце их возненавидјети људи Јего, лест сотворити в рабјех Јего.
26. Посла Мојсеја раба својего, Аарона, јегоже избра себје.
27. Положи в њих словеса знамениј својих, и чудес својих в земљи Хамовје.
28. Посла таму, и помрачи, јако преогорчиша словеса Јего.
29. Преложи води их в кров, и измори риби их.
30. Воскипје земља их жабами в сокровишчницах цареј их.
31. Рече, и пријидоша песији мухи, и скнипи во всја предјели их.
32. Положи дожди их гради, огањ попаљајушчи в земљи их.
33. И порази виногради их, и смокви их, и сотри всјакоје древо предјел их.
34. Рече, и пријидоша прузи и гусеници, имже не бје числа.
35. И снједоша всјаку траву в земљи их, и појадоша всјак плод их.
36. И порази всјакаго первенца в земљи их, начаток всјакаго труда их.
37. И изведе ја со сребром и златом, и не бје в кољенах их бољај.
38. Возвеселисја Египет во исхожденији их, јако нападе страх их на ња.
39. Распростре облак в покров им, и огањ, јеже просвјетити им ношчију.
40. Просиша и пријидоша крастели, и хљеба небеснаго насити ја.
41. Разверзе камен, и потекоша води, потекоша в безводних рјеки.
42. Јако помјану слово свјатоје своје, јеже ко Аврааму рабу својему.
43. И изведе људи своја в радости, и избранија своја во веселији.
44. И даде им страни јазик, и труди људеј насљедоваша.
45. Јако да сохрањат оправданија Јего, и закона Јего взишчут. Слава:

КАТИЗМА 15.

Псалом 105.

1. Исповједајтесја Господеви, јако благ, јако во вјек милост Јего.
2. Кто возглагољет сили Господњи, слишани сотворит всја хвали Јего.
3. Блажени храњашчији суд, и творјашчији правду во всјакоје времја.
4. Помјани нас Господи во благовољенији људеј Твојих, посјети нас спасенијем Твојим.
5. Видјети во благости избранија Твоја, возвеселитсја во веселији јазика Твојего, хвалитисја со достојанијем Твојим.
6. Согрјешихом со оци нашими, безаконовахом, неправдовахом.
7. Оци наши во Египтје не разумјеша чудеса Твојих, ни помјануша множества милости Твојеја, и преогорчиша восходјашче в Чермноје море.
8. И спасе их имене својего ради, сказати силу своју.
9. И запрети Чермному морју, и изсјаче, и настави ја в бездње јако в пустињи.
10. И спасе ја из руки ненавидјашчих, и избави ја из руки врагов.
11. Покри вода стужајушчија им, ни једин от њих избист.
12. И вјероваша словеси Јего, и воспјеша хвалу Јего.
13. Ускориша, забиша дјела Јего, не стерпјеша совјета Јего.
14. И похотјеша желанију в пустињи, и искусиша Бога во безводњеј.
15. И даде им прошеније их, посла ситост в души их.
16. И прогњеваша Мојсеја в стану, Аарона свјатаго Господња.
17. Отверзесја земља, и пожре Датана, и покри на сонмишчи Авирона.
18. И разжежесја огањ в сонмје их, пламен попали грјешники.
19. И сотвориша телца в Хоривје, и поклонишасја истуканому.
20. И измјениша славу Јего во подобије телца јадушчаго траву.
21. И забиша Бога спасајушчаго их, сотворшаго велија во Египтје.
22. Чудеса в земљи Хамовје, страшнаја в мори Чермњем.
23. И рече потребити их, ашче не би Мојсеј, избраниј Јего, стал в сокрушенији пред Њим, возвратити јарост Јего, да не погубит их.
24. И уничижиша земљу желанују, не јаша вјери словеси Јего.
25. И поропташа в сељенијих својих, не услишаша гласа Господња.
26. И воздвиже руку своју на ња, низложити ја в пустињи.
27. И низложит сјемја их во јазицјех, и расточити ја в страни.
28. И причастишасја Велфегору, и снједоша жертви мертвих.
29. И раздражиша Јего в начинанијих својих, и умножисја в њих паденије.
30. И ста Финес, и умилостиви, и преста сјеч.
31. И вмјенисја јему в правду, в род и род до вјека.
32. И прогњеваша Јего на водје прерјеканија, и озлобљен бист Мојсеј их ради.
33. Јако преогорчиша дух јего, и разинствова устнама својима.
34. Не потребиша јазики, јаже рече Господ им.
35. И смјесишасја во јазицјех, и навикоша дјелом их.
36. И поработаша истуканим их, и бист им во соблазан.
37. И пожроша сини своја, дшчери своја бјесовом.
38. И пролијаша кров неповинују, кров синов својих и дшчереј, јаже пожроша истуканим Ханаанским, и убијена бист земља их кровми.
39. И осквернисја в дјељех их, и соблудиша в начинанијих својих.
40. И разгњевасја јаростију Господ на људи своја, и омерзи достојаније своје.
41. И предаде ја в руки врагов, и обладаша ими ненавидјашчији их.
42. И стужиша им врази их, и смиришасја под руками их.
43. Множицеју избави ја, тији же преогорчиша Јего совјетом својим, и смиришасја в безаконијих својих.
44. И видје Господ, внегда скорбјети им, внегда услишаше мољеније их.
45. И помјану завјет свој, и раскајасја по множеству милости својеја.
46. И даде ја в шчедроти пред всјеми пљенившими ја.
47. Спаси ни Господи Боже наш, и собери ни от јазик, исповједатисја имени Твојему свјатому, хвалитисја во хваље Твојеј.
48. Благословен Господ Бог Израиљев от вјека и до вјека, и рекут вси људије: буди, буди. Слава:

Псалом 106.

1. Исповједајтесја Господеви, јако благ, јако во вјек милост Јего.
2. Да рекут избављенији Господем, ихже избави из руки врага.
3. И от стран собра их, от восток, и запад, и сјевера, и морја.
4. Заблудиша в пустињи безводњеј, пути града обитељнаго не обрјетоша.
5. Алчушче и жаждушче, душа их в њих исчезе.
6. И возваша ко Господу, внегда скорбјети им, и от нужд их избави ја.
7. И настави ја на пут прав, внити во град обитељних.
8. Да исповједјатсја Господеви милости Јего, и чудеса Јего синовом человјеческим.
9. Јако наситил јест душу тшчу, и душу алчушчу исполни благ.
10. Сједјашчија в тамје и сјени смертњеј, окованија нишчетоју и жељезом.
11. Јако преогорчиша словеса Божија, и совјет Вишњаго раздражиша.
12. И смирисја в трудјех сердце их и изнемогоша, и не бје помогајај.
13. И возваша ко Господу, внегда скорбјети им, и от нужд их спасе ја.
14. И изведе ја из тами, и сјени смертнија, и узи их растерза.
15. Да исповједјатсја Господеви милости Јего, и чудеса Јего синовом человјеческим.
16. Јако сокруши врата мједнаја, и вереј жељезнија сломи.
17. Воспријат ја от пути безаконија их, безакониј бо ради својих смиришасја.
18. Всјакаго брашна возгнушасја душа их, и приближишасја до врат смертних.
19. И возваша ко Господу, внегда скорбјети им, и от нужд их спасе ја.
20. Посла слово своје, и исцјели ја, и избави ја от растљениј их.
21. Да исповједјатсја Господеви милости Јего, и чудеса Јего синовом человјеческим.
22. И да пожрут Јему жертву хвали, и да возвјестјат дјела Јего в радости.
23. Сходјашчији в море в корабљах, творјашчији дјеланија во водах многих.
24. Тији видјеша дјела Господња, и чудеса Јего во глубиње.
25. Рече и ста дух бурен, и вознесошасја волни Јего.
26. Восходјат до небес, и низходјат до бездан, душа их в злих тајаше.
27. Смјатошасја, подвигошасја јако пијаниј, и всја мудрост их поглошчена бист.
28. И возваша ко Господу, внегда скорбјети им, и от нужд их изведе ја.
29. И повеље бури, и ста в тишину, и умолкоша волни јего.
30. И возвеселишасја, јако умолкоша, и настави ја в пристанишче хотјенија својего.
31. Да исповједјатсја Господеви милости Јего, и чудеса Јего синовом человјеческим.
32. Да вознесут Јего в церкви људстеј, и на сједалишчи старец восхваљат Јего.
33. Положил јест рјеки в пустињу, и исходишча воднаја в жажду.
34. Земљу плодоноснују в сланост, от злоби живушчих на њеј.
35. Положил јест пустињу во језера воднаја, и земљу безводнују во исходишча воднаја.
36. И насели тамо алчушчија, и составиша гради обитељни.
37. И насјејаша села, и насадиша виногради, и сотвориша плод житен.
38. И благослови ја, и умножишасја зјело, и скоти их не умали.
39. И умалишасја и озлобишасја от скорби зол и бољезни.
40. Излијасја уничиженије на књази их, и облазни ја по непроходњеј, а не по пути.
41. И поможе убогу от нишчети, и положи јако овци отечествија.
42. Узрјат правији и возвесељатсја, и всјакоје безаконије заградит уста своја.
43. Кто премудар и сохранит сија, и уразумјејут милости Господњи. Слава:

Псалом 107.

1. Готово сердце моје Боже, готово сердце моје, воспоју и поју во славје мојеј.
2. Востани слава моја, востани псалтирју и гусли, востану рано.
3. Исповјемсја Тебје в људех Господи, поју Тебје во јазицјех.
4. Јако велија верху небес милост Твоја, и до облак истина Твоја.
5. Вознесисја на небеса Боже, и по всеј земљи слава Твоја,
6. Јако да избавјатсја возљубљенији Твоји, спаси десницеју Твојеју, и услиши мја.
7. Бог возглагоља во свјатјем својем, вознесусја и раздјељу Сикиму, и удол сељениј размјерју.
8. Мој јест Галад, и Мој јест Манасиј, и Јефрем заступљеније глави Мојеја, Јуда цар Мој.
9. Моав коноб упованија Мојего, на Идумеју наложу сапог Мој, Мње иноплеменици покоришасја.
10. Кто воведет мја во град огражденија, или кто наставит мја до Идумеји.
11. Не Ти ли Боже отринувиј иас, и не изидеши Боже в силах наших.
12. Дажд нам помошч от скорби, и сујетно спасеније человјеческо.
13. О Бозје сотворим силу, и Тој уничижит враги нашја.

Псалом 108.

1. Боже хвали мојеја не премолчи.
2. Јако уста грјешнича и уста лестиваго на мја отверзошасја, глагољаша на мја јазиком лестивим.
3. И словеси ненавистними обидоша мја, и брашасја со мноју туне.
4. Вмјесто јеже љубити мја, оболгаху мја, аз же мољахсја.
5. И положиша на мја злаја за благаја, и ненавист за возљубљеније моје.
6. Постави на њего грјешника, и дијавол да не стане одеснују јего.
7. Внегда судитисја јему, да изидет осужден, и молитва јего да будет в грјех.
8. Да будут дније јего мали, и епископство јего да пријимет ин.
9. Да будут синове јего сири, и жена јего вдова.
10. Движушчесја да пресељатсја синове и воспросјат, да изгнани будут из домов својих.
11. Да взишчет зајмодавец всја, јелика сут јего, и да восхитјат чуждији труди јего.
12. Да не будет јему заступника, ниже да будет ушчедрјајај сироти јего.
13. Да будут чада јего в погубљеније, в родје једином да потребитсја имја јего.
14. Да воспомјанетсја безаконије отец јего пред Господем, и грјех матери јего да не очиститсја.
15. Да будут пред Господем вину, и да потребитсја от земљи памјат их.
16. Занеже не помјану сотворити милост, и погна человјека нишча, и убога, и умиљена сердцем умертвити.
17. И возљуби кљатву, и пријидет јему, и не восхотје благословенија и удаљитсја от њего.
18. И облечесја в кљатву јако в ризу, и вниде јако вода во утробу јего, и јако јелеј в кости јего.
19. Да будет јему јако риза, в њуже облачитсја, и јако појас, имже вину опојасујетсја.
20. Сије дјело оболгајушчих мја у Господа, и глагољушчих лукаваја на душу моју.
21. И Ти Господи Господи сотвори со мноју имене ради Твојего, јако блага милост Твоја.
22. Избави мја, јако нишч и убог јесам аз, и сердце моје смјатесја внутар мене.
23. Јако сјен, внегда уклонитисја јеј, отјахсја, стрјасохсја, јако прузи.
24. Кољена моја изнемогоста от поста, и плот моја измјенисја јелеја ради.
25. И аз бих поношеније им, видјеша мја, покиваша главами својим.
26. Помози ми Господи Боже мој, и спаси мја по милости Твојеј.
27. И да разумјејут, јако рука Твоја сија, и Ти Господи сотворил јеси ју.
28. Прокленут тији, и Ти благословиши, востајушчији на мја да постидјатсја, и раб же Твој возвеселитсја.
29. Да облекутсја оболгајушчији мја в срамоту, и одеждутсја јако одеждеју студом својим.
30. Исповјемсја Господеви зјело уст мојими, и посредје многих восхваљу Јего.
31. Јако предста одеснују убогаго, јеже спасти от гоњашчих душу моју. Слава:

КАТИЗМА 16.

Псалом 109.

1. Рече Господ Господеви мојему: Сједи одеснују Мене, дондеже положу враги Твоја подножије ног Твојих.
2. Жезал сили послет Ти Господ от Сиона, и господствуј посредје врагов Твојих.
3. С Тобоју начало в ден сили Твојеја, во свјетлостех свјатих Твојих, из чрева прежде деници родих Тја.
4. Кљатсја Господ, и не раскајетсја: Ти јереј во вјек, по чину Мелхиседекову.
5. Господ одеснују тебе, сокрушил јест в ден гњева својего цари.
6. Судит во јазицјех, исполнит паденија, сокрушит глави на земљи многих.
7. От потока на пути пијет, сего ради вознесет главу.

Псалом 110.

1. Исповјемсја Тебје Господеви всјем сердцем мојим, в совјетје правих и сонмје.
2. Велија дјела Господња, изискана во всјех вољах Јего.
3. Исповједаније и великољепије дјело Јего, и правда Јего пребивајет во вјек вјека.
4. Памјат сотворил јест чудес својих, милостив и шчедар Господ.
5. Пишчу даде бојашчимсја Јего, помјанет во вјек завјет свој.
6. Крјепост дјел својих возвјести људем својим, дати им достојаније јазик.
7. Дјела рук Јего истина и суд, вјерни всја заповједи Јего.
8. Утвержени во вјек вјека, сотворени во истиње и правотје.
9. Избављеније посла људем својим, заповједа во вјек завјет свој, свјато и страшно имја Јего.
10. Начало премудрости страх Господењ, разума же благ всјем творјашчим их, хвала Јего пребивајет во вјек вјека.

Псалом 111.

1. Блажен муж бојајсја Госиода, в заповједех Јего восхошчет зјело.
2. Силно на земљи будет сјемја јего, род правих благословитсја.
3. Слава и богатство во дому јего, и правда јего пребивајет во вјек вјека.
4. Возсија во тамје свјет правим, милостив и шчедар и праведен.
5. Благ муж шчедрја и даја, устројит словеса своја на судје, јако во вјек не подвижитсја.
6. В памјат вјечнују будет праведник.
7. От слуха зла не убојитсја.
8. Готово сердце јего, уповати на Господа, утвердисја сердце јего, не убојитсја, дондеже возрит на враги своја.
9. Расточи, даде убогим, правда јего пребивајет во вјек вјека, рог јего вознесесја во славје.
10. Грјешник узрит и прогњевајетсја, зуби својими поскрежешчет и растајет, желаније грјешника погибнет. Слава:

Псалом 112.

1. Хвалите отроци Господа, хвалите имја Господње.
2. Буди имја Господње благословено от ниње и до вјека.
3. От восток солнца до запад хвално имја Господње.
4. Висок над всјеми јазики Господ, над небеси слава Јего.
5. Кто јако Господ Бог наш, на високих живиј,
6. И на смиренија призирајај, на небеси и на земљи.
7. Воздвизајај от земљи нишча, и от гнојишча возвишајај убога.
8. Посадити јего с књази, с књази људеј својих.
9. Всељаја неплодов в дом, матер о чадјех весељашчусја.

Псалом 113.

1. Во исходје Израиљевље от Египта, дому Јаковља, из људеј варвар.
2. Бист Јудеја свјатиња јего, Израиљ област јего.
3. Море видје и побјеже, Јордан возвратисја вспјат.
4. Гори взиграшасја јако овни, и холми јако аганци овчији.
5. Что ти јест море, јако побјегло јеси, и тебје Јордане, јако возвратилсја јеси вспјат.
6. Гори, јако взиграстесја јако овни, и холми јако аганци овчији.
7. От лица Господња подвижесја земља, от лица Бога Јаковља.
8. Обрашчшаго камен в језера воднаја, и несјекомиј во источники воднија.
9. Не нам Господи, не иам, но имени Твојему дажд славу, о милости Твојеј и истиње Твојеј.
10. Да не когда рекут јазици: Гдје јест Бог их.
11. Бог же наш на небеси и на земљи, всја јелика восхотје сотвори.
12. Идоли јазик сребро, и злато, дјела рук человјеческих.
13. Уста имут, и не возглагољут, очи имут и не узрјат.
14. Уши имут, и не услишат, ноздри имут, и пе обоњајут.
15. Руцје имут, и не осјажут, нозје имут, и не појдут, не возгласјат гортанем својим.
16. Подобни им да будут творјашчији ја, и вси надјејушчијисја на ња.
17. Дом Израиљев упова на Господа, помошчник и зашчититељ им јест.
18. Дом Аарон упова на Господа, помошчник и зашчититељ им јест.
19. Бојашчијисја Господа уповаша на Господа, помошчник и зашчититељ им јест.
20. Господ помјанув ни, благословил јест нас, благословил јест дом Израиљев, благословил јест дом Аарон.
21. Благословил јест бојашчијасја Господа, малија с великими.
22. Да приложит Господ на ви, на ви, и на сини вашја.
23. Благословени ви Господеви, сотворшему небо и земљу.
24. Небо небесе Господеви, земљу же даде синовом человјеческим.
25. Не мертвији восхваљат тја Господи, ниже вси низходјашији во ад.
26. Но ми живији благословим Господа, от ниње и до вјека.

Псалом 114.

1. Возљубих, јако услишит Господ глас мољенија мојего.
2. Јако приклони ухо своје мње, и во дни моја призову.
3. Објаша мја бољезни смертнија, бједи адови обрјетоша мја, скорб и бољезан обрјетох, и имја Господње призвах.
4. О Господи, избави душу моју, милостив Господ и праведен, и Бог наш милујет.
5. Храњај младенци Господ, смирихсја, и спасе мја.
6. Обратисја душе моја в покој Твој, јако Господ благодјејствова тја.
7. Јако изјат душу моју от смерти, очи моји от слез, и нозје моји от поползновенија.
8. Благоугожду пред Господем во страње живих. Слава:

Псалом 115.

1. Вјеровах, тјемже и возглагољах: аз же смирихсја зјело.
2. Аз же рјех во изступљенији мојем: всјак человјек лож.
3. Что воздам Господеви о всјех, јаже воздаде ми.
4. Чашу спасенија пријиму, и имја Господње призову.
5. Молитви моја Господеви воздам пред всјеми људми Јего.
6. Честна пред Господем смерт преподобних Јего.
7. О, Господи, аз раб Твој, аз раб Твој, и син рабини Твојеја: растерзал јеси узи моја.
8. Тебје пожру жертву хвали, и во имја Господње призову.
9. Молитви моја Господеви воздам пред всјеми људми Јего.
10. Во дворјех дому Господња, посредје тебе, Јерусалиме.

Псалом 116.

1. Хвалите Господа вси јазици, похвалите Јего вси људије.
2. Јако утвердисја милост Јего на нас, и истина Господња пребивајет во вјек.

Псалом 117.

1. Исповједајтесја Господеви, јако благ, јако во вјек милост Јего.
2. Да речет убо дом Израиљев, јако благ, јако во вјек милост Јего.
3. Да речет убо дом Аарон, јако благ, јако во вјек милост Јего.
4. Да рекут убо вси бојашчијисја Господа, јако благ, јако во вјек милост Јего.
5. От скорби призвах Господа, и услиша мја в пространство.
6. Господ мње помошчник, и не убојусја, что сотворит мње человјек.
7. Господ мње помошчник, и аз возрју на враги моја.
8. Благо јест надјејатисја на Господа, нежели надјејатисја на человјека.
9. Благо јест уповати на Господа, нежели уповати на књази.
10. Вси јазици обидоша мја, и именем Господњим противљахсја им.
11. Обишедше обидоша мја, и именем Господњим противљахсја им.
12. Обидоша мја јако пчели сот, и разгорјешасја јако огањ в тернији, и именем Господњим противљахсја им.
13. Отриновен превратихсја пасти, и Господ пријат мја.
14. Крјепост моја и пјеније моје Господ, и бист ми во спасеније.
15. Глас радости и спасенија в сељенијих праведних, десница Господња сотвори силу.
16. Десница Господња вознесе мја, десница Господња сотвори силу.
17. Не умру, но жив буду, и повјем дјела Господња.
18. Наказујај наказа мја Господ, смерти же не предаде мја.
19. Отверзите мње врата правди, вшед в ња исповјемсја Господеви.
20. Сија врата Господња, праведнији внидут в ња.
21. Исповјемсја Тебје, јако услишал мја јеси, и бил јеси мње во спасеније.
22. Камен јегоже небрегоша зиждушчији, сеј бист во главу угла.
23. От Господа бист сеј, и јест дивен во очесјех наших.
24. Сеј ден јегоже сотвори Господ, возрадујемсја и возвеселимсја в оњ.
25. О Господи спаси же, о Господи поспјеши же.
26. Благословен грјадиј во имја Господње, благословихом ви из дому Господња.
27. Благ Господ, и јависја нам, составите праздник во учашчајушчих до рог олтаревих.
28. Бог мој јеси Ти, и исповјемсја Тебје: Бог мој јеси Ти, и вознесу Тја, исповјемсја Тебје, јако услишал мја јеси, и бил јеси мње во спасеније.
29. Исповједајтесја Господеви, јако благ, јако во вјек милост Јего. Слава:

КАТИЗМА 17.

Псалом 118.

1. Блажени непорочнији в пут, ходјашчији в закоње Господњи.
2. Блажени испитајушчији свидјенија Јего, всјем сердцем взишчут Јего.
3. Не дјелајушчији бо безаконија, в путех Јего ходиша.
4. Ти заповједал јеси заповједи Твоја сохранити зјело.
5. Да би исправилсја путије моји, сохранити оправданија Твоја.
6. Тогда непостижусја, внегда призрјети ми на всја заповједи Твоја.
7. Исповјемсја Тебје в правости сердца, внегда научитимисја судбам правди Твојеја.
8. Оправданија Твоја сохрању, не остави мене до зјела.
9. В чесом исправит јуњејшиј пут свој, внегда сохранити словеса Твоја.
10. Всјем сердцем мојим взисках Тебе, не отрини мене от заповједеј Твојих.
11. В сердце мојем скрих словеса Твоја, јако да не согрјешу Тебје.
12. Благословен јеси Господи, научи мја оправданијем Твојим.
13. Устнама мојима возвјестих всја судби уст мојих.
14. На пути свидјениј Твојих насладихсја, јако о всјаком богатствје.
15. В заповједех Твојих поглумљусја и уразумјеју пути Твоја.
16. Во оправданијих Твојих поучусја, не забуду словес Твојих.
17. Воздажд рабу Твојему, живи мја, и сохрању словеса Твоја.
18. Откриј очи моји, и уразумјеју чудеса от закона Твојего.
19. Пришлец аз јесам на земљи, не скриј от мене заповједи Твоја.
20. Возљуби душа моја возжелати судби Твоја на всјакоје времја.
21. Запретил јеси гордим, прокљати уклоњајушчијисја от заповједеј Твојих.
22. Отими от мене понос и уничиженије, јако свидјениј Твојих взисках.
23. Ибо сједоша књази, и на мја клеветаху, раб же Твој глумљашесја во оправданијих Твојих.
24. Ибо свидјенија Твоја поученије моје јест, и совјети моји, оправданија Твоја.
25. Прилпе земљи душа моја, живи мја по словеси Твојему.
26. Пути Твоја возвјестих, и услишал мја јеси, научи мја оправданијем Твојим.
27. Пут оправданиј Твојих вразуми ми, и поглумљусја в чудесјех Твојих.
28. Воздрема душа моја от унинија, утверди мја в словесјех Твојих.
29. Пут неправди остави от мене, и законом Твојим помилуј мја.
30. Пут истини изволих, и судби Твоја не забих.
31. Приљепихсја свидјенијем Твојим Господи, непосрами мене.
32. Пут заповједеј Твојих текох, јегда разширил јеси сердце моје.
33. Законоположи мње Господи пут оправданиј Твојих, и взишчу и вину.
34. Вразуми мја, и испитају закон Твој, и сохрању их всјем сердцем мојим.
35. Настави мја па стезју заповједеј Твојих, јако тују восхотјех.
36. Приклони сердце моје во свидјенија Твоја, а не в лихоимство.
37. Отврати очи моји јеже не видјети сујети, в пути Твојем живи мја.
38. Постави рабу Твојему слово Твоје в страх Твој.
39. Отими поношеније моје, јеже непшчевах, јако судби Твоја благи.
40. Се возжелах заповједи Твоја, в правдје Твојеј живи мја.
41. И да пријидет на мја милост Твоја Господи, спасеније Твоје по словеси Твојему.
42. И отвјешчају поношајушчим ми слово, јако уповах на словеса Твоја.
43. И не отими от уст мојих словесе истина до зјела, јако на судби Твоја уповах.
44. И сохрању закон Твој вину, во вјек и во вјек вјека.
45. И хождах в широтје, јако заповједи Твоја взисках.
46. И глагољах о свидјенијих Твојих пред цари, и не стидјатсја.
47. И поучахсја в заповједех Твојих јаже возљубих зјело.
48. И воздвигох руцје моји к заповједем Твојим, јаже возљубих, и глумљахсја во оправданијих Твојих.
49. Помјани словеса Твоја рабу Твојему, ихже упованије дал ми јеси.
50. То мја утјеши во смиренији мојем, јако слово Твоје живи мја.
51. Гордији законопреступоваху до зјела, от закона же Твојего не уклонихсја.
52. Помјанух судби Твоја от вјека Господи, и утјешихсја.
53. Печал пријат мја от грјешник остављајушчих закон Твој.
54. Пјета бјаху мње оправданија Твоја, на мјестје пришелствија мојего.
55. Помјанух в ношчи имја Твоје Господи, и сохраних закон Твој.
56. Сеј бист мње, јако оправданији Твојих взисках.
57. Част моја јеси Господи, рјех сохранити закон Твој.
58. Помолихсја лицу Твојему всјем сердцем мојим, помилуј мја мо словеси Твојему.
59. Помислих пути Твоја, и возвратих нозје моји во свидјенија Твоја.
60. Уготовихсја и не смутихсја, сохранити заповједи Твоја.
61. Ужја грјешник објазашасја мње, и закона Твојего не забих.
62. Полуношчи востах, исповједатисја Тебје о судбах правди Твојеја.
63. Причастник аз јесам всјем бојашчимсја Тебе, и храњашчим заповједи Твоја.
64. Милости Твојеја Господи исполн земља, оправданијем Твојим научи мја.
65. Благост сотворил јеси с рабом Твојим Господи по словеси Твојему.
66. Благости и наказанију и разуму научи мја, јако заповједем Твојим вјеровах.
67. Прежде даже не смиритимисја, аз прегрјеших, сего ради слово Твоје сохраних.
68. Благ јеси Ти Господи, и благостију Твојеју научи мја оправданијем Твојим.
69. Умножисја на мја неправда гордих, аз же всјем сердцем мојим испитају заповједи Твоја.
70. Усирисја јако млеко сердце их, аз жс закону Твојему поучихсја.
71. Благо мње, јако смирил мја јеси, јако да научусја оправданијем Твојим.
72. Благ мње закон уст Твојих, паче тисјашч злата и сребра. Слава:
73. Руцје Твоји сотвористје мја и создастје мја, вразуми мја, и научусја заповједем Твојим.
74. Бојашчијисја Тебе узрјат мја и возвесељатсја, јако на словеса Твоја уповах.
75. Разумјех Господи, јако правда судби Твоја, и воистину смирил мја јеси.
76. Буди же милост Твоја, да утјешит мја по словеси Твојему, рабу Твојему.
77. Да пријидут мње шчедроти Твоја, и жив буду, јако закон Твој поученије моје јест.
78. Да постидјатсја гордији, јако неправедно безаконоваша на мја, аз же поглумљусја в заповједех Твојих.
79. Да обратјат мја бојашчијисја Тебе, и вједјашчији свидјенија Твоја.
80. Буди сердце моје непорочно во оправданијих Твојих, јако да не постижусја.
81. Изчезајет во спасеније Твоје душа моја, на словеса Твоја уповах.
82. Исчезоша очи моји в слово Твоје, глагољушче: Когда утјешиши мја.
83. Зане бих јако мјех на слање, оправданиј Твојих не забих.
84. Колико јест днеј раба Твојего, когда сотвориши ми от гоњашчих мја суд.
85. Повједаша мње законопреступници глумљенија, но не јако закон Твој Господи.
86. Всја заповједи Твоја истина, неправедно прогнаша мја, помози ми.
87. Вмаље не скончаша мене на земљи, аз же не оставих заповједеј Твојих.
88. По милости Твојеј живи мја, и сохрању свидјенија уст Твојих.
89. Во вјек Господ слово Твоје пребивајет на небеси.
90. В род и род истина Твоја, основал јеси земљу, и пребивајет.
91. Учиненијем Твојим пребивајет ден, јако всјаческаја работна Тебје.
92. Јако ашче би не закон Твој поученије моје бил, тогда убо погибал бих во смиренији мојем.
93. Во вјек не забуду оправданиј Твојих, јако в њих оживил мја јеси.
    СРЕДА
94. Твој јесам аз, спаси мја, јако оправданиј Твојих взисках.
95. Мене ждаша грјешници погубити мја, свидјенија Твоја разумјех.
96. Всјакија кончини видјех конец, широка заповјед Твоја зјело.
97. Кољ возљубих закон Твој Господи, вес ден поученије моје јест.
98. Паче враг мојих умудрил мја јеси заповједију Твојеју, јако во вјек моја јест.
99. Паче всјех учашчих мја разумјех, јако свидјенија Твоја поученије моје јест.
100. Паче старец разумјех, јако заповједи Твоја взисках.
101. От всјакаго пути лукава возбраних ногам мојим, јако да сохрању словеса Твоја.
102. От судеб Твојих не уклонихсја, јако Ти законоположил ми јеси.
103. Кољ сладка гортани мојему словеса Твоја, паче меда устом мојим.
104. От заповједи Твојих разумјех, сего ради возненавидјех всјак пут неправди.
105. Свјетилник ногама мојима закон Твој, и свјет стезјам мојим.
106. Кљахсја, и поставих сохранити судби правди Твојеја.
107. Смирихсја до зјела, Господи, живи мја по словеси Твојему.
108. Вољнаја уст мојих, благоволи же Господи, и судбам Твојим научи мја.
109. Душа моја в руку Твојеју вину, и закона Твојего не забих.
110. Положиша грјешници сјет мње, и от заповједеј Твојих не заблудих.
111. Насљедовах свидјенија Твоја во вјек, јако радованије сердца мојего сут.
112. Приклоних сердце моје, сотворити оправданија Твоја во вјек за воздајаније.
113. Законопреступнија вознснавидјех, закон же Твој возљубих.
114. Помошчник мој и заступник мој јеси Ти, на словеса Твоја уповах.
115. Уклонитесја от мене лукавнујушчији, и испитају заповједи Бога мојего.
116. Заступи мја по словеси Твојему, и жив буду, и не посрами мене от чајанија мојего.
117. Помози ми, и спасусја, и поучусја во оправданијих Твојих вину.
118. Уничижил јеси всја отступајушчија от оправданиј Твојих, јако неправедно помишљеније их.
119. Преступајушчија непшчевах всја грјешнија земљи, сего ради возљубих свидјенија Твоја.
120. Пригвозди сграху Твојему плоти моја, от судеб бо Твојих убојахсја.
121. Сотворих суд и правду, не предажд мене обидјашчим мја.
122. Восприми раба Твојего во благо, да не оклеветајут мене гордији.
123. Оче моји исчезостје во спасеније Твоје, и в слово правди Твојеја.
124. Сотвори с рабом Твојим по милости Твојеј, и оправданијем Твојим научи мја.
125. Раб Твој јесам аз, вразуми мја, и увјем свидјенија Твоја.
126. Времја сотворити Господеви, разориша закон Твој.
127. Сего ради возљубих заповједи Твоја паче злата и топазија.
128. Сего ради ко всјем заповједем Твојим направљахусја, всјак пут неправди возненавидјех.
129. Дивна свидјенија Твоја, сего ради испита ја душа моја.
130. Јављеније словес Твојих просвјешчајет и вразумљајет младенци.
131. Уста моја отверзох, и привлекох дух, јако заповједеј Твојих жељах. Слава:
132. Призри на мја и помилуј мја, по суду љубјашчих имја Твоје.
133. Стопи моја направи по словеси Твојему, и да не обладајет мноју всјакоје безаконије.
134. Избави мја от клевети человјеческија, и сохрању заповједи Твоја.
135. Лице Твоје просвјети на раба Твојего, и научи мја оправданијем Твојим.
136. Исходишча воднаја изведостје очи моји, понеже не сохраних закона Твојего.
137. Праведен јеси Господи, и прави суди Твоји.
138. Заповједал јеси правду свидјенија Твоја, и истину зјело.
139. Истајала мја јест ревност Твоја, јако забиша словеса Твоја врази моји.
140. Разжежено слово Твоје зјело, и раб Твој возљуби је.
141. Јуњејшиј аз јесам и уничижен, оправданиј Твојих не забих.
142. Правда Твоја правда во вјек, и закон Твој истина.
143. Скорби и нужди обрјетоша мја, заповједи Твоја поученије моје.
144. Правда свидјенија Твоја во вјек, вразуми мја, и жив буду.
145. Возвах всјем сердцем мојим, услиши мја Господи, оправданија Твоја взишчу.
146. Возвах Ти, спаси мја, и сохрању свидјенија Твоја.
147. Предварих в безгодији, и возвах, на словеса Твоја уповах.
148. Предваристје очи моји ко јутру, поучитисја словесем Твојим.
149. Глас мој услиши Господи по милости Твојеј, по судбје Твојеј живи мја.
150. Приближишасја гоњашчији мја безаконијем, от закона же Твојего удаљишасја.
151. Близ јеси Ти Господи, и вси путије Твоји истина.
152. Исперва познах от свидјениј Твојих, јако во вјек основал ја јеси.
153. Вижд смиреније моје, и изми мја, јако закона Твојего не забих.
154. Суди суд мој, и избави мја, словесе ради Твојего живи мја.
155. Далече от грјешник спасеније, јако оправданиј Твојих не взискаша.
156. Шчедроти Твоја многи Господи, по судбје Твојеј живи мја.
157. Мнози изгоњашчији мја и стужајушчији ми, от свидјениј Твојих не уклонихсја.
158. Видјех неразумјевајушчија, и истајах, јако словес Твојих не сохраниша.
159. Вижд, јако заповједи Твоја возљубих, Господи по милости Твојеј живи мја.
160. Начало словес Твојих истина, и во вјек веја судби правди Твојеја.
161. Књази погнаша мја туне, и от словес Твојих убојасја сердце моје.
162. Возрадујусја аз о словесјех Твојих, јако обрјетајај корист многу.
163. Неправду возненавидјех и омерзих, закон же Твој возљубих.
164. Седмерицеју днем хвалих Тја о судбах правди Твојеја.
165. Мир многи љубјашчим закон Твој, и њест им соблазна.
166. Чајах спасенија Твојего Господи, и заповједи Твоја возљубих.
167. Сохрани душа моја свидјенија Твоја, и возљуби ја зјело.
168. Сохраних заповједи Твоја и свидјенија Твоја, јако вси путије моји пред Тобоју Господи.
169. Да приближитсја мољеније моје пред Тја, Господи, по словеси Твојему вразуми мја.
170. Да внидет прошеније моје пред Тја, Господи по словеси Твојему избави мја.
171. Отригнут устње моји пјеније, јегда научиши мја оправданијем Твојим.
172. Провјешчајет јазик мој словеса Твоја, јако всја заповједи Твоја правда.
173. Да будет рука Твоја јеже спасти мја, јако заповједи Твоја изволих.
174. Возжељах спасеније Твоје Господи, и закон Твој поученије моје јест.
175. Жива будет душа моја, и восхвалит Тја, и судби Твоја помогут мње.
176. Заблудих јако овча погибшеје, взишчи раба Твојего, јако заповједеј Твојих не забих. Слава:

КАТИЗМА 18.

Псалом 119.

1. Ко Господу, внегда скорбјети ми, возвах, и услиша мја.
2. Господи, избави душу моју от устен неправедних, и от јазика лестива.
3. Что дастсја тебје, или что приложитсја тебје к јазику лестиву.
4. Стрјели силнаго изошчрени, со угљими пустиними.
5. Уви мње, јако пришелствије моје продолжисја, вселихсја со сељенији Кидарскими.
6. Много пришелствова душа моја, со ненавидјашчими мира бјех мирен.
7. Јегда глагољах им, борјаху мја туне.

Псалом 120.

1. Возведох очи моји в гори, отњудуже пријидет помошч моја.
2. Помошч моја от Господа, сотворшаго небо и земљу.
3. Не дажд во смјатеније ноги твојеја, ниже воздремљет храњај тја.
4. Се не воздремљет, ниже уснет храњај Израиља.
5. Господ сохранит тја, Господ покров твој на руку деснују твоју.
6. Во дни солнце не ожежет тебе, ниже луна ношчију.
7. Господ сохранит тја от всјакаго зла, сохранит душу твоју Господ.
8. Господ сохранит вхожденије твоје, и исхожденије твоје от ниње и до вјека.

Псалом 121.

1. Возвеселихсја о рекших мње: В дом Господен појдем.
2. Стојашче бјаху ноги нашја во дворјех твојих Јерусалиме.
3. Јерусалим зиждемиј јако град, јемуже причастије јего вкупје.
4. Тамо бо взидоша кољена, кољена Господња, свидјеније Израиљево, исповједатисја имени Господњу.
5. Јако тамо сједоша престоли на суд, престоли в дому Давидовје.
6. Вопросите же јаже о мирје Јерусалима, и обилије љубјашчим тја.
7. Буди же мир в сиље твојеј и обилије во столпостјенах твојих.
8. Ради братији мојих и ближњих мојих, глагољах убо мир о тебје.
9. Дому ради Господа Бога нашего взисках благаја тебје.

Псалом 122.

1. К Тебје возведох очи моји, живушчему на небеси.
2. Се јако очи раб в руку господиј својих, јако очи рабини в руку госпожи својеја, тако очи наши ко Господу Богу нашему, дондеже ушчедрит ни.
3. Помилуј нас Господи, помилуј нас, јако помногу исполнихомсја уничиженија.
4. Најпаче наполнисја душа наша поношенија гобзујушчих, и уничиженија горких.

Псалом 123.

1. Јако ашче не Господ би бил в нас, да речeт убо Израиљ.
2. Јако ашче не Господ би бил в нас, внегда востати человјеком на ни, убо живих пожерли биша нас.
3. Внегда прогњеватисја јарости их на ни, убо вода потопила би нас.
4. Поток прејде душа наша.
5. Убо прејде душа наша воду непостојанују.
6. Благословен Господ, иже не даде нас в ловитву зубом их.
7. Душа наша јако птица избависја от сјети ловјашчих, сјет сокрушисја, и ми избављени бихом.
8. Помошч наша во имја Господа, сотворшаго небо и земљу. Слава:

Псалом 124.

1. Надјејушчијисја на Господа, јако гора Сион, не подвижитсја во вјек, живиј во Јерусалимје.
2. Гори окрест јего, и Господ окрест људеј својих, от ниње и до вјека.
3. Јако не оставит Господ жезла грјешних на жребиј праведних, јако да не прострут праведнији во безаконија рук својих.
4. Ублажи Господи благија и правија сердцем.
5. Уклоњајушчијасја же в разврашченија отведет Господ с дјелајушчими безаконије, мир на Израиља.

Псалом 125.

1. Внегда возвратити Господу пљен Сион, бихом јако утјешени.
2. Тогда исполнишасја радости уста наша, и јазик наш веселија, тогда рекут во јазицјех: Возвеличил јест Господ сотворити с њими.
3. Возвеличил јест Господ сотворити с нами, бихом весељашчесја.
4. Возврати Господи пљененије наше, јако потоки југом.
5. Сјејушчији слезами, радостију пожнут.
6. Ходјашчији хождаху и плакахусја, метајушче сјемена своја, грјадушче же пријидут радостију, вземљушче рукојати своја.

Псалом 126.

1. Ашче не Господ созиждет дом, всује трудишасја зиждушчији, ашче не Господ сохранит град, всује бдје стрегиј.
2. Всује вам јест јутрењевати, востанете по сједјенији, јадушчији хљеб бољезни, јегда даст возљубљеним својим сон.
3. Се достојаније Господње синове, мазда плода чревнаго.
4. Јако стрјели в рупје силнаго, тако синове отрјасених.
5. Блажен, иже исполнит желаније своје от њих, не постидјатсја, јегда глагољут врагом својим во вратјех.

Псалом 127.

1. Блажени вси бојашчијисја Господа, ходјашчији в путех Јего.
2. Труди плодов твојих сњеси, блажен јеси, и добро тебје будет.
3. Жена твоја јако лоза плодовита в странах дому твојего.
4. Синове твоји јако новосажденија масличнаја окрест трапези твојеја.
5. Се тако благословитсја человјек бојајсја Господа.
6. Благословит тја Господ от Сиона, и узриши благаја Јерусалима всја дни живота твојего.
7. И узриши сини синов твојих, мир на Израиља.

Псалом 128.

1. Множицеју брашасја со мноју от јуности мојеја, да речет убо Израиљ.
2. Множицеју брашасја со мноју от јуности мојеја, ибо не премогоша мја.
3. На хребтје мојем дјелаша грјешници, продолжиша безаконије своје.
4. Господ праведен сосјече вија грјешников.
5. Да постидјатсја и возвратјатсја вспјат вси ненавидјашчији Сиона.
6. Да будут јако трава на здјех, јаже прежде восторженија изсуше.
7. Јејуже не исполни руки својеја жњај, и њедра свјего рукојати собирајај.
8. И не рјеша мимоходјашчији, благословеније Господње на ви, благословихом ви во имја Господње. Слава:

Псалом 129.

1. Из глубини возвах к Тебје Господи, Господи услиши глас мој.
2. Да будут уши Твоји внемљушчје гласу мољенија мојего.
3. Ашче безаконија назриши Господи, Господи кто постојит, јако у Тебе очишченије јест.
4. Имене ради Твојего потерпјех Тја, Господи, потерпје душа моја в слово Твоје, упова душа моја на Господа.
5. От стражи јутренија до ношчи, от стражи јутренија, да уповајет Израиљ на Господа.
6. Јако у Господа милост, и многоје у Њего избављеније, и Тој избавит Израиља от всјех безакониј јего.

Псалом 130.

1. Господи, не вознесесја сердце моје, ниже вознесостјесја очи моји, ниже ходих во великих, ниже во дивних паче мене.
2. Ашче не смиреномудрствовах, но вознесох душу моју, јако отдојеноје на матер своју, тако воздаси на душу моју.
3. Да уповајет Израиљ на Господа, от ниње и до вјека.

Псалом 131.

1. Помјани Господи Давида и всју кротост јего.
2. Јако кљатсја Господеви, објешчасја Богу Јаковљу.
3. Ашче вниду в сељеније дому мојего, или взиду на одар постељи мојеја.
4. Ашче дам сон очима мојима, и вјеждома мојима дреманије, и покој скранијама мојима.
5. Дондеже обрјашчу мјесто Господеви, сељеније Богу Јаковљу.
6. Се слишахом ја во Евфратје, обрјетохом ја в пољах дубрави.
7. Внидем во сељенија Јего, поклонимсја на мјесто, идјеже стојастје нозје Јего.
8. Воскресни Господи в покој Твој, Ти и кивот свјатињи Твојеја.
9. Свјашченици Твоји облекутсја правдоју, и преподобнији Твоји возрадујутсја.
10. Давида ради раба Твојего, не отврати лице помазанаго Твојего.
11. Кљатсја Господ Давиду истиноју, и не отвержетсја јеја: От плода чрева твојего посажду на престоље твојем.
12. Ашче сохрањат синове твоји завјет Мој, и свидјенија Моја сија, имже научу ја, и синове их до вјека сјадут на престоље твојем.
13. Јако избра Господ Сиона, изволи их в жизишче себје.
14. Сеј покој мој во вјек вјека, здје всељусја, јако изволих их.
15. Ловитву јего благословљајај благословљу, нишчија јего насишчу хљеби.
16. Свјашченики јего облеку во спасеније, и преподобнији јего радостију возрадујутсја.
17. Тамо возврашчу рог Давидови, уготовах свјетилник помазаному мојему.
18. Враги јего облеку студом, на њемже процвјетет свјатиња Моја.

Псалом 132.

1. Се что добро или что красно, но јеже жити братији вкупје.
2. Јако миро на главје, сходјашчеје на браду, браду Ароњу, сходјашчеје на омети одежди јего.
3. Јако роса Аермонскаја сходјашчаја на гори Сионскија, јако тамо заповједа Господ благословеније и живот до вјека.

Псалом 133.

1. Се ниње благословите Господа вси раби Господи, стојашчији во храмје Господњи, во дворјех дому Бога нашего.
2. В ношчех воздјежите руки вашја во свјатаја, и благословите Господа.
3. Благословит тја Господ от Сиона, сотворивиј небо и земљу. Слава:

КАТИЗМА 19.

Псалом 134.

1. Хвалите имја Господње, хвалите раби Господа.
2. Стојашчији во храмје Господњи, во дворјех дому Бога нашего.
3. Хвалите Господа, јако благ Господ, појте имени Јего, јако добро.
4. Јако Јакова избра себје Господ, Израиља в достојаније себје.
5. Јако аз познах, јако велиј Господ, и Господ наш над свјеми боги.
6. Всја јелика восхотје Господ сотвори на небеси и на земљи, в морјах и во всјех безднах.
7. Возводја облаки от посљедних земљи, молнији в дожд сотвори, изводјај вјетри от сокровишч својих.
8. Иже порази первенци Египетскија, от человјека до скота.
9. Посла знаменија и чудеса посредје тебе Египте, на фараона и на всја раби јего.
10. Иже норази јазики многи, и изби цари крјепки.
11. Сиона царја Аморејска, и Ога царја Васанска, и всја царствија Хананска.
12. И даде земљу их достојаније, достојаније Израиљу, људем својим.
13. Господи, имја Твоје во вјек, и памјат Твоја в род и род.
14. Јако судити имат Господ људем својим, и о рабјех својих умолитсја.
15. Идоли јазик сребро и злато, дјела рук человјеческих.
16. Уста имут и не возглагољут, очи имут и не узрјат.
17. Уши имут и не услишат, ниже бо јест дух во устјех их.
18. Подобни им да будут творјашчији ја, и вси надјејушчијисја на ња.
19. Доме Израиљев, благословите Господа, доме Арон благословите Господа, доме Левијин благословите Господа.
20. Бојашчијисја Господа, благословите Господа.
21. Благословен Господ от Сиона, живиј во Јерусалимје.

Псалом 135.

1. Исповједајтесја Господеви, јако благ, јако во вјек милост Јего.
2. Исповједајтесја Богу богов, јако во вјек милост Јего.
3. Исповједајтесја Господеви господеј, јако во вјек милост Јего.
4. Сотворшему чудеса велија јединому, јако во вјек милост Јего.
5. Сотворшему Небеса разумом, јако во вјек милост Јего.
6. Утвердившему Земљу на водах, јако во вјек милост Јего.
7. Сотворшему свјетила велија јединому, јако во вјек милост Јего.
8. Солнце во област дне, јако во вјек милост Јего.
9. Луну и звјезди во област ношчи, јако во вјек милост Јего.
10. Поразившему Египта с первенци јего, јако во вјек милост Јего.
11. И изведшему Израиља от среди их, јако во вјек милост Јего.
12. Рукоју крјепкоју и мишцеју високоју, јако во вјек милост Јего.
13. Раздјелшему Чермноје море в раздјељенија, јако во вјек милост Јего.
14. И проведшему Израиља посредје јего, јако во вјек милост Јего.
15. И истрјасшему фараона и силу јего в море Чермноје, јако во вјек милост Јего.
16. Проведшему људи своја в пустињи, јако во вјек милост Јего.
17. Поразившему цари велија, јако во вјек милост Јего.
18. И убившему цари крјепкија, јако во вјек милост Јего.
19. Сиона царја Аморејска, јако во вјек милост Јего.
20. И Ога царја Васанска, јако во вјек милост Јего.
21. И давшему земљу их достојаније, јако во вјек милост Јего.
22. Достојаније Израиљу рабу својему, јако во вјек милост Јего.
23. Јако во смиренији нашем помјану ни Господ, јако во вјек милост Јего.
24. И избавил ни јест од врагов наших, јако во вјек милост Јего.
25. Дајај пишчу всјакој плоти, јако во вјек милост Јего.
26. Исповједајтесја Богу Небесному, јако во вјек милост Јего.

Псалом 136.

1. На рјеках Вавилонских, тамо сједохом и плакахом, внегда помјанути нам Сиона.
2. На вербијих посредје јего објесихом органи нашја.
3. Јако тамо вопросиша ни, пљеншији нас, о словесјех пјеснеј, и ведшији нас о пјенији, воспојте нам от пјеснеј Сионских.
4. Како воспојем пјесан Господњу на земљи чуждеј.
5. Ашче забуду тебе Јерусалиме, забвена буди десница моја.
6. Прилпни јазик мој гортани мојему, ашче не помјану тебе, ашче не предложу Јерусалима, јако в начаље веселија мојего.
7. Помјани Господи сини Едомскија в ден Јерусалимл глагољушчија: Истошчајте, истошчајте до основанији јего.
8. Дшчи Вавилоња окајанаја, блажен иже воздаст тебје воздајаније твоје, јеже воздала јеси нам.
9. Блажен иже имет и разбијет младенци твоја о камен. Слава:

Псалом 137.

1. Исповјемсја Тебје Господи всјем сердцем мојим, и пред ангели воспоју Тебје, јако услишал јеси всја глаголи уст мојих.
2. Поклоњусја ко храму свјатому Твојему, и исповјемсја имени Твојему о милости Твојеј и истиње Твојеј. Јако возвеличил јеси над всјем имја Твоје свјатоје.
3. В оњже ашче ден призову Тја, скоро услиши мја, умножиши мја в души мојеј силоју Твојеју.
4. Да исповједјатсја Тебје Господи вси царије земстији, јако услишаша всја глаголи уст Твојих.
5. И воспојут в путех Господњих, јако велија слава Господња.
6. Јако висок Господ, и смиренија призирајет, и високаја издалеча вјест.
7. Ашче појду посредје скорби, живиши мја, на гњев враг мојих простерл јеси руку Твоју, и спасе мја десница Твоја.
8. Господ воздаст за мја, Господи милост Твоја во вјек, дјел руку Твојеју не презри.

Псалом 138.

1. Господи, искусил мја јеси, и познал мја јеси, Ти познал јеси сједаније моје и востаније моје.
2. Ти разумјел јеси помишљенија моја издалеча.
3. Стезју моју и уже моје Ти јеси изсљедовал, и всја пути моја провидјел јеси.
4. Јако њест лести в јазицје мојем, се Господи Ти познал јеси.
5. Всја посљедњаја и древнаја, Ти создал јеси мја, и положил јеси на мње руку Твоју.
6. Удивисја разум Твој от мене, утвердисја, не возмогу к њему.
7. Камо појду от Духа Твојего, и от лица Твојего камо бјежу.
8. Ашче взиду на небо, Ти тамо јеси, ашче сниду во ад, тамо јеси.
9. Ашче возму криље моји рано, и всељусја в посљедних морја:
10. И тамо бо рука Твоја наставит мја, и удержит мја десница Твоја.
11. И рјех: Еда тама поперет мја, и ношч просвјешченије в сладости мојеј.
12. Јако тама не помрачитсја от Тебе, и ношч јако ден просвјетитсја, јако тама јеја, тако и свјет јеја.
13. Јако Ти создал јеси утроби моја, воспријал мја јеси из чрева матере мојеја.
14. Исповјемсја Тебје, јако страшно удивилсја јеси: чудна дјела Твоја, и душа моја знајет зјело.
15. Не утајисја кост моја от Тебе, јуже сотворил јеси в тајње, и состав мој в преисподњих земљи.
16. Несодјеланоје моје видјестје очи Твоји, и в књизје Твојеј вси напишутсја, в днех созиждутсја, и никтоже в њих.
17. Мње же зјело честни биша друзи Твоји Боже, зјело утвердишасја владичествија их.
18. Изочту их, и паче песка умножатсја, востах, и јешче јесам с Тобоју.
19. Ашче избијеши грјешники Боже, мужије кровеј уклонитесја от мене.
20. Јако ревниви јесте в помишљенијих, пријимут в сујету гради Твоја.
21. Не ненавидјашчија ли Тја Господи возненавидјех, и о вразјех Твојих истајах.
22. Совершеноју ненавистију возненавидјех ја, во враги биша ми.
23. Искуси мја Боже, и увјежд сердце моје, истјажи мја, и разумјеј стези моја.
24. И вижд, ашче пут безаконија во мње, и настави мја на пут вјечен.

Псалом 139.

1. Изми мја Господи от человјека лукава, от мужа неправедна избави мја.
2. Иже помислиша неправду в сердцје, вес ден ополчаху брани.
3. Изостриша јазик свој јако змијин, јад аспидов под устнами их.
4. Сохрани мја Господи из руки грјешничи, от человјек неправедних изми мја, иже помислиша запјати стопи моја.
5. Скриша гордији сјет мње, и ужи препјаша сјет ногама мојима.
6. При стези соблазни положиша ми.
7. Рјех Господеви: Бог мој јеси Ти, внуши Господи глас мољенија мојего.
8. Господи Господи, сило спасенија мојего, осјенил јеси над главоју мојеју в ден брани.
9. Не предажд мене Господи от желанија мојего грјешнику, помислиша на мја, не остави мене, да не когда вознесутсја.
10. Глава окруженија их, труд устен их покријет ја.
11. Падут на њих угљија огњенаја, низложиши ја в страстех, и не постојат.
12. Муж јазичен не исправитсја на земљи, мужа неправедна злаја уловјат во истљеније.
13. Познах, јако сотворит Господ суд нишчим, и мест убогим.
14. Обаче праведнији исповједјатсја имени Твојему, и всељатсја правији с лицем Твојим. Слава:

Псалом 140.

1. Господи возвах к Тебје услиши мја, вонми гласу мољенија мојего, внегда возвати ми к Тебје.
2. Да исправитсја молитва моја, јако кадило пред Тобоју, воздјејаније руку мојеју жертва вечерњаја.
3. Положи Господи храњеније устом мојим, и двер огражденија о устнах мојих.
4. Не уклони сердце моје в словеса лукавстија, непшчевати вини о грјесјех, с человјеки дјелајушчими безаконије, и не сочтусја со избраними их.
5. Накажет мја праведник милостију и обличит мја, јелеј же грјешнаго да не намастит глави мојеја, јако јешче и молитва моја во благовољенијих их.
6. Пожерти биша при камени судији их, услишатсја глаголи моји, јако возмогоша.
7. Јако толшча земљи просједесја на земљи, расточишасја кости их при адје.
8. Јако к Тебје, Господи, Господи, очи моји, на Тја уповах, не отими душу моју.
9. Сохрани мја от сјети, јуже составиша ми, и от соблазан дјелајушчијих безаконије.
10. Падут во мрежу своју грјешници, једин јесам аз, дондеже прејду.

Псалом 141.

1. Гласом мојим ко Господу возвах, гласом мојим ко Господу помолихсја.
2. Пролију пред Њим мољеније моје, печал моју пред Њим возвјешчу.
3. Внегда исчезати от мене духу мојему, и Ти познал јеси стези моја, на пути сем, по њемуже хождах, скриша сјет мње.
4. Смотрјах одеснују и возгљадах, и не бје знајај мене. Погибе бјегство от мене, и њест взискајај душу моју.
5. Возвах к Тебје Господи, рјех: Ти јеси упованије моје, част моја јеси на земљи живих.
6. Вонми мољенију мојему, јако смирихсја зјело, избави мја от гоњашчих мја, јако укрјепишасја паче мене.
7. Изведи из темници душу моју, исповједатисја имени Твојему. Мене ждут праведници, дондеже воздаси мње.

Псалом 142.

1. Господи услиши молитву моју, внуши мољеније моје во истиње Твојеј, услиши мја в правдје Твојеј.
2. И не вниди в суд с рабом Твојим, јако не оправдитсја пред Тобоју всјак живиј.
3. Јако погна враг душу моју, смирил јест в земљу живот мој, посадил мја јест в темних, јако мертвија от вјека.
4. И уни во мње дух мој, во мње смјатесја сердце моје.
5. Помјанух дни древнија, поучихсја во всјех дјељех Твојих, во творенијих руку Твојеју поучахсја.
6. Воздјех к Тебје руцје моји, душа моја јако земља безводнаја Тебје.
7. Скоро услиши мја Господи, исчезе дух мој, не отврати лица Твојего от мене, и уподобљусја низходјашчим в ров.
8. Слишану сотвори мње зајутра милост Твоју, јако на Тја уповах, скажи мње Господи пут, в оњже појду, јако к Тебје взјах душу моју.
9. Изми мја от враг мојих Господи, к Тебје прибјегох.
10. Научи мја творити вољу Твоју, јако Ти јеси Бог мој. Дух Твој благиј наставит мја на земљу праву.
11. Имене Твојего ради Господи живиши мја, правдоју Твојеју изведеши от печали душу моју.
12. И милостију Твојеју потребиши враги моја, и погубиши всја стужајушчија души мојеј, јако аз раб Твој јесам. Слава:

КАТИЗМА 20.

Псалом 143.

1. Благословен Господ Бог мој, научајај руцје моји на ополченије, персти моја на бран.
2. Милост моја и прибјежишче моје, заступник мој и избавитељ мој, зашчититељ мој, и на Њего уповах, повинујај људи моја под мја.
3. Господи, что јест человјек, јако позналсја јеси јему, или син человјеч, јако вмјењајеши јего.
4. Человјек сујетје уподобисја, дније јего јако сјен преходјат.
5. Господи приклони небеса, и сниди, коснисја горам, и воздимјатсја.
6. Бљесни молнију, и разженеши ја, посли стрјели Твоја, и смјатеши ја.
7. Посли руку Твоју с висоти, изми мја и избави мја от вода многих, из руки синов чуждих.
8. Ихже уста глагољаша сујету, и десница их десница неправди.
9. Боже пјесан нову воспоју Тебје, во псалтири десјатоструњем поју Тебје.
10. Дајушчему спасеније царем, избављајушчему Давида раба својего от меча љута.
11. Избави мја и изми мја из руки синов чуждих, ихже уста глагољаша сујету, и десница их десница неправди.
12. Ихже синове их јако новосажденија, водруженаја в јуности својеј, дшчери их удобрени, преукрашени јако подобије храма.
13. Хранилишча их исполњена, отригајушчија от сего в сије, овци их многоплодни, множашчијасја во исходишчах својих, волове их толсти.
14. Њест паденија оплоту, ниже прохода, ниже вопља в стогнах их.
15. Ублажиша људи, имже сија сут, блажени људије, имже Господ Бог их.

Псалом 144.

1. Вознесу Тја Боже мој, Царју мој, и благословљу имја Твоје во вјек и во вјек вјека.
2. На всјак ден благословљу Тја, и восхваљу имја Твоје во вјек и во вјек вјека.
3. Велиј Господ и хваљен зјело, и величију Јего њест конца.
4. Род и род восхваљат дјела Твоја, и силу Твоју возвјестјат.
5. Великољепије слави свјатињи Твојеја возглагољут, и чудеса Твоја повједјат.
6. И силу страшних Твојих рекут, и величије Твоје повједјат.
7. Памјат множества благости Твојеја отригнут, и правдоју Твојеју возрадујутсја.
8. Шчедар и милостив Господ, долготерпјељив и многомилостив.
9. Благ Господ всјаческим, и шчедроти Јего на всјех дјељех Јего.
10. Да исповједјатсја Тебје Господи всја дјела Твоја, и преподобнији Твоји да благословљат Тја.
11. Славу царствија Твојего рекут, и силу Твоју возглагољут.
12. Сказати синовом человјеческим силу Твоју, и славу великољепија царствија Твојего.
13. Царство Твоје царство всјех вјеков, и владичество Твоје во всјаком родје и родје. Вјерен Господ во всјех словесјех својих, и преподобен во всјех дјељех својих.
14. Утверждајет Господ всја низпадајушчија, и возстављајет всја низверженија.
15. Очи всјех на Тја уповајут, и Ти дајеши им пишчу во благовременији.
16. Отверзајеши Ти руку Твоју, и исполњајеши всјакоје животно благовољенија
17. Праведен Господ во всјех путех својих, и преподобен во всјех дјељех својих.
18. Близ Господ всјем призивајушчим Јего, всјем призивајушчим Јего во истиње.
19. Вољу бојашчихсја Јего сотворит, и молитву их услишит, и спасет ја.
20. Хранит Господ всја љубјашчија Јего, и всја грјешники потребит.
21. Хвалу Господњу возглагољут уста моја, и да благословит всјака плот имја свјатоје Јего, во вјек и во вјек вјека. Слава:

Псалом 145.

1. Хвали душе моја Господа.
2. Восхваљу Господа в животје мојем, поју Богу мојему дондеже јесам.
3. Не надјејтесја на књази, на сини человјеческија, в њихже њест спасенија.
4. Изидет дух јего, и возвратитсја в земљу своју: в тој ден погибнут всја помишљенија јего.
5. Блажен, јемуже Бог Јаковаљ помошчник јего, упованије јего на Господа Бога својего.
6. Сотворшаго Небо и Земљу, море и всја јаже в њих: храњашчаго истину во вјек:
7. Творјашчаго суд обидимим, дајушчаго пишчу алчушчим. Господ рјешит окованија:
8. Господ умудрјајет сљепци, Господ возводит низверженија: Господ љубит праведники.
9. Господ хранит пришелци: сира и вдову пријимет, и пут грјешних погубит.
10. Воцаритсја Господ во вјек. Бог Твој Сионе в род и род.

Псалом 146.

1. Хвалите Господа, јако благ псалом, Богови нашему да усладитсја хваљеније.
2. Зиждај Јерусалима Господ, разсјејанија Израиљева соберет.
3. Исцјељајај сокрушенија сердцем, и објазујај сокрушенија их.
4. Исчитајај множество звјезд, и всјем им имена нарицајај.
5. Велиј Господ наш, и велија крјепост Јего, и разума Јего њест числа.
6. Пријемљај кроткија Господ, смирјајај же грјешники до земљи.
7. Начните Господеви во исповједанији, појте Богови нашему в гуслех.
8. Одјевајушчему небо облаки, уготовљајушчему земљи дожд, прозјабајушчему на горах траву, и злак на службу человјеком.
9. Дајушчему скотом пишчу их, и птенцем врановим призивајушчим Јего.
10. Не в сиље коњстјеј восхошчет, ниже в листјех мужеских благоволит.
11. Благоволит Господ в бојашчихсја Јего, и во уповајушчих на милост Јего.

Псалом 147.

1. Похвали Јерусалиме Господа, хвали Бога твојего Сионе.
2. Јако укрјепи вереј врат твојих, благослови сини твоја в тебје.
3. Полагајај предјели твоја мир, и тука пшенична насишчајај тја.
4. Посилајај слово своје земљи, до скорости течет слово Јего.
5. Дајушчаго сњег свој јако волну, маглу јако пепел посипајушчаго.
6. Метајушчаго голот свој јако хљеби, противу лица мраза Јего кто постојит.
7. Послет слово своје, и истајет ја, дахнет Духа Јего, и потекут води.
8. Возвјешчајај слово своје Јакову, оправданија и судби своја Израиљеви.
9. Не сотвори тако всјакому јазику, и судби своја не јави им. Слава:

Псалом 148.

1. Хвалите Господа с Небес, хвалите Јего во вишњих.
2. Хвалите Јего вси ангели Јего, хвалите Јего всја сили Јего.
3. Хвалите Јего солнце и луна, хвалите Јего всја звјезди и свјет.
4. Хвалите Јего небеса небес, и вода јаже превише небес.
5. Да восхваљат имја Господње, јако Тој рече, и биша, Тој повеље, и создашасја.
6. Постави ја во вјек, и во вјек вјека, повељеније положи, и не мимо идет.
7. Хвалите Господа от земљи змијеве и всја бездни.
8. Огањ, град, сњег, голот, дух бурен, творјашчаја слово Јего.
9. Гори и вси холми, древа плодоносна и вси кедри.
10. Звјерије и вси скоти, гади и птици пернати.
11. Царије земстији и вси људије, књази и вси судији земстији.
12. Јуноши и дјеви, старци с јунотами.
13. Да восхваљат имја Господње, јако вознесесја имја Того јединаго, исповједаније Јего на земљи и на небеси.
14. И вознесет рог људеј својих, пјесан всјем преподобним Јего, синовом Израиљевим, људем приближајушчимсја Јего.

Псалом 149.

1. Воспојте Господеви пјесан нову, хваљеније Јего в церкви преподобних.
2. Да возвеселитсја Израиљ о сотворшем јего, и синове Сиони возрадујутсја о Царје својем.
3. Да восхваљат имја Јего в лицје, в тимпање и псалтири да појут Јему.
4. Јако благоволит Господ в људех својих, и вознесет кроткија во спасеније.
5. Восхваљатсја преподобнији во славје, и возрадујутсја на ложах својих.
6. Возношенија Божија в гортани их, и мечи обојуду остри в руках их.
7. Сотворити отмишченије во јазицјех, обличенија в људех.
8. Свјазати цари их пути, и славнија их ручними окови жељезними.
9. Сотворити в њих суд написан, слава сија будет всјем преподобним Јего.

Псалом 150.

1. Хвалите Бога во свјатих Јего, хвалите Јего во утверженији сили Јего.
2. Хвалите Јего на силах Јего, хвалите Јего по множеству величествија Јего.
3. Хвалите Јего во гласје трубњем, хвалите Јего во псалтири и гуслех.
4. Хвалите Јего во тимпање и лицје, хвалите Јего во струнах и оргање.
5. Хвалите Јего в кимваљех доброгласних, хвалите Јего в кимваљех восклицанија.
6. Всјакоје диханије да хвалит Господа. Слава: и ниње: Алилуја.

Конец, и Богу слава.

Наслов и опрема: Стање ствари

(Училница за Црквенословенски)